ދުނިޔެ

އީރާނުގެ ނިއުކްލިއާ ޕްރޮގްރާމް 20 އަހަރަށް މެދުކަނޑާލަން އެއްބަސްވުމުން ފުދޭނެ: ޓްރަމްޕް

އީރާނުގެ ނިއުކްލިއާ ޕްރޮގްރާމް 20 އަހަރުގެ މުއްދަތަށް މެދުކަނޑާލުމަށް އެއްބަސްވާނަމަ އެކަން ގަބޫލުކުރައްވާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ. ޕާކިސްތާނުން މެދުވެރިއެއްގެ ދައުރު އަދާކުރާ މި މަޝްވަރާތަކުގައި، ހޮރްމޫޒް ކަނޑުއޮޅި ހުޅުވާލުމަށާއި އީރާނަށް އަޅާފައިވާ ބައެއް ހުރަސްތައް ނައްތާލުމާ ގުޅޭގޮތުން ދެ ގައުމުގެ ދެމެދުގައި ދަނީ ވާހަކަދެކެވެމުން. ނަމަވެސް، އީރާނުގެ ނިއުކްލިއާ ގާބިލުކަން މުޅިން ނައްތާލުމަށް އިޒްރޭލުން ބާރުއަޅަމުންދާތީ، މި މައްސަލައިގައި ދާއިމީ ހައްލެއް ހޯދުމަށް އަދިވެސް ބޮޑެތި ގޮންޖެހުންތަކެއް އެބަހުރި.