އައު ރޫހީ ލީޑަރުގެ ފުރަތަމަ ބަޔާން ވަރުގަދަ، ގޮވާލެއްވީ އެމެރިކާގެ ބޭސްތައް ބަންދު ކުރުމަަށް

އީރާންގެ އައު ރޫހީ ލީޑަރު މުޖުތަބާ ޚާމަނާއީގެ ފުރަތަަމަ ބަޔާނުގައި ވެސް، މެދު އިރުމަތީގެ ސަރަހައްދުގައި ހުރި އެމެރިކާގެ އަސްކަރީ ބޭސްތައް ބަންދު ކުރުމަށް ގޮވާލުމާ އެކު، އިރާންގެ ސާބިތުކަން ދަައްކުވައި ދީފި އެވެ.

އީރާންގެ ދައުލަތުގެ މީޑިއާ އިން ގެނެސްދިން އެ ބަޔާނުގައި މުޖުތަބާ ޚާމަނާއީ ވިދާޅުވެފައި ވަނީ، ސަރަހައްދުގައި ހުރި ޤައުމުތަކާއި އީރާންއާ ދެމެދު މައްސަލައެއް ނެތް ކަމަށާއި، އެ ޤައުމު ތަކަށް ހަމަލާ ނުދޭނެ ކަމަށެވެ. އެހެން ނަމަވެސް އެ ޤައުމުތަކުގައި ހުރި އެމެރިކާގެ ބޭސް ތަކަކީ އަމާޒު ތަކެއް ކަމަށާއި، އެ ތަންތަން ބަންދު ކުރުމަށް ވަނީ ގޮވާލައްވައިފަ އެވެ.

ބަޔާނުގައި ބުނެފައި ވަނީ ސަރަހައްދުގައި ހުރި ޤައުމުތަކާ އެކު އީރާން އިން ގުޅުން ބާއްވަން ބޭނުންވާ ކަމަށެވެ. އެކަމަކު ބައެއް ޤައުމު ތަކުގައި އެމެރިކާގެ ބޭސްތައް ހުރުމާއި، އެ ބޭސްތައް ބޭނުން ކޮށްގެން އީރާން އަށް ހަމަލާ ދިނުމަކީ ސަރަހައްދަށް ފައިދާ ހުރި ކަމެއް ނޫން ކަމަށް ފާހަގަ ކޮށްފައިވެ އެވެ. އެހެންވެ އެ ބޭސްތައް ބަންދު ކުރުމަށް ގޮވާލައްވާފައިވެ އެވެ. 

މީގެ އިތުރުން ބަޔާނުގައި ބުނެފައި ވަނީ، އީރާން އަކީ ސަރަހައްްދީ ޤައުމު ތަކުގެ ދުޝްމަނެއް ނޫން ކަމަށެވެ. އަދި އީރާންގެ ލަނޑު ދަނޑި އަކީ އެމެެރިކާގެ ބޭސްތައް ކަމަށް ބުނެފައިވެ އެވެ. ހަމަ އެހެންމެ ހޮރުމޯޒު ކަނޑު އޮޅި ބަންދު ކޮށްފައި އޮތް އޮތުން ދަމަހައްޓާނެ ކަމަށް ވެސް ބުނެފައިވެ އެވެ. 

މި ބަޔާނުގައި މުޖުތަބާ ޚާމަނާއި ފެނިވަޑައިގެންފައި ނުވެ އެވެ. ލިޔެފައިވާ ބަޔާން ކިޔާފައި ވަނީ ދައުލަތުގެ ޓީވީގެ ނޫސްވެރިޔަކު އެވެ.