ޓެކްނޮލޮޖީ

އޭއައި ސްމާޓް އައިނު ބޭނުންކޮށްގެން ގައުމީ ފެންވަރުގެ އިމްތިހާނެއްގައި މަކަރު ހެދި މައްސަލައެއްގައި، ދެކުނު ކޮރެއާގައި ފުރަތަމަ ފަހަރަށް ޖިނާއީ ދައުވާއެއް އުފުލައިފި

އޭއައި ސްމާޓް އައިނު ބޭނުންކޮށްގެން އިމްތިހާނުތަކުގައި މަކަރުހަދާ މައްސަލަތައް ދެކުނު ކޮރެއާގައި އިތުރުވަމުންދާތީ، އެ ގައުމުގެ ކަމާބެހޭ އިދާރާތަކުން ވަނީ އިމްތިހާނުތަކުގެ ސަލާމަތީ ފިޔަވަޅުތައް ވަރުގަދަކޮށްފައި. މިފަދަ އާލާތްތައް މެދުވެރިކޮށް ސުވާލުތަކުގެ ޖަވާބު ހޯދުން އާންމުވަމުންދާތީ، އިމްތިހާނު ހޯލަށް ވެއްދުން މަނާ ތަކެތީގެ ލިސްޓަށް ސްމާޓް އައިނު އިތުރުކޮށް، އެކަމަށް ދޭ އަދަބުތައް ބޮޑުކުރުމަށް ވެސް މިހާރު ދަނީ މަޝްވަރާކުރަމުން.