ޗައިނާއިން ހަތް ސެޓެލައިޓް ކާމިޔާބުކަމާއެކު ފަޒާއަށް ފޮނުވައިފި

ޗައިނާއިން އަންގާރަ ދުވަހު "ލޯންގް މާޗް-6ސީ" މަރުކާގެ ރޮކެޓެއްގައި ހަތް ސެޓެލައިޓް ކާމިޔާބުކަމާއެކު ފަޒާގެ ތެރެއަށް ފޮނުވާލައިފި އެވެ.

ޗައިނާގެ އުތުރުގައި އޮންނަ ޝަންޒީ ޕްރޮވިންސްގެ ތައިޔުއާން ސެޓެލައިޓް ލޯންޗް ސެންޓަރުން، ބެއިޖިންގް ގަޑިން ހެނދުނު 11:21 ގައި މި ރޮކެޓް އުދުއްސާލާފައިވާއިރު، މި ހަތް ސެޓެލައިޓްވެސް މިހާރު ވަނީ ކަނޑައެޅިފައިވާ އޯބިޓަށް ވާސިލުވެފަ އެވެ.

ތައިޔުއާން ސެޓެލައިޓް ލޯންޗް ސެންޓަރުން މައުލޫމާތު ދޭ ގޮތުގައި، މިއީ ލޯންގް މާޗް ސީރީޒްގެ ކެރިއަރ ރޮކެޓްތައް ފަޒާއަށް ފޮނުވުމަށް ކުރިއަށްގެންދިޔަ 665 ވަނަ މިޝަނެވެ.