ވިޔަފާރި-އިގްތިސާދު

އޭޕްރީލް 8 ވަނަ ދުވަހު ދައްކަން ޖެހޭ 500 މިލިއަން ޑޮލަރުގެ ދަރަނި މުއިއްޒުގެ ސަރުކާރަށް ދެއްކިދާނެ ކަމާ މެދު ސުވާލު އުފެދިއްޖެ

އަންނަ އޭޕްރިލް މަހު ދައްކަންޖެހޭ 500 މިލިއަން ޑޮލަރުގެ ސުކޫކަށް ފައިސާ ދެއްކުމަށް ރިޒާވާއި ބޭރުގެ ފައިނޭންސިން ހިމެނޭހެން ސަރުކާރުން ޕްލޭނެއް އޮތް ކަމަށް ބުނާއިރު، މި ދަރަނި އަދާކުރުމަށް ކާގިލް ފައިނޭންޝަލް ސާވިސަސްއާއެކު 300 މިލިއަން ޑޮލަރުގެ ލޯނެއް ހޯދުމަށް މަޝްވަރާ ކުރަމުންދާއިރު، ސަރުކާރުގެ ސާފު ސިޔާސަތެއް މިކަމުގައި އޮތް ކަމާ މެދު ސުވާލު އުފެދޭ. ދައުލަތުގެ ދަރަނި ޖީޑީޕީގެ 126.9 އިންސައްތައަށް އަރާފައިވާ މި ދަނޑިވަޅުގައި، ޚަރަދު ކުޑަކުރުމަށް ހަރުދަނާ އެއްވެސް ފިޔަވަޅެއް ސަރުކާރުން އަޅާފައި ނުވާކަން ފާހަގަ ކުރެވޭ.