ޚާމަނާއީ އަވަހާރަ ކޮށްލުން ކުށްވެރި ކޮށްލަން ނުކުރެނު ނަމަވެސް، ޖަނާޒާގައި ބައިވެރިވާން ރާއްޖެ އަށް ލިބުނު ދައުވަތު ޤަބޫލު ކޮށްފި
ހޯމަ ދުވަހު ދިވެހި ސަރުކާރުން ބުނެފައި ވަނީ ޚާމަނާއީގެ ޖަނާޒާގައި ބައިވެރި ވުމުގެ ދައުވަތު ދިވެހި ރާއްޖެ އަށް ލިބިފައިވާ ކަމަށާއި، އެ ރަސްމިއްޔާތުގައި ދިވެހި ރާއްޖެ އިން ބައިވެރި ވާނެ ކަމަށް. އެކަމާ ގުޅޭ ގޮތުން ސަރުކާރުގެ އިސް ތަރުޖަމާނު މުންދުއާ ސުވާލު ކުރުމުން ވިދާޅުވީ، ޖަނާޒާގައި ބައިވެރި ވާނީ އެ ސަރަހައްދުގައި ހުންނަވާ ދިވެހި ރާއްޖޭގެ ސަފީރެއް ކަމަށް.
އީރާންގެ ކުރީގެ ރޫހީ ލީޑަރު ޚާމަނާއީ އަދި ރާއްޖޭގެ ރައީސުލްޖުމްހޫރިއްޔާ ޑޮކްޓަރު މުޢިއްޒު. | ސޯޝަލް މީޑިއާ
އީރާންގެ ކުރީގެ ރޫހީ ލީޑަރު އާޔަތުﷲ އަލީ ޚާމަނާއީ އަވަހާރަ ކޮށްލުން ކުށްވެރި ކިރަން ނުކުރެނު ނަމަވެސް، ޚާމަނާއީގެ ޖަނާޒާގައި ބައިވެރިވުމަށް ލިބުނު ދައުވަތު ދިވެހި ރާއްޖެ އިން ޤަބޫލު ކޮށްފި އެވެ.
މިއަހަރުގެ ފެބްރުވަރީ މަހުގެ 28 ވަނަ ދުވަހު އެމެެރިކާ އާއި އިޒްރޭލް އިން އީރާންއާ ދެކޮޅަށް ހަމަލާ ދޭން ފެށިއިރު، ޖެހިގެން އައި މާޗު މަހުގެ އެއް ވަނަ ދުވަހު ވަނީ ޚާމަނާއީ އަވަހާރަ ވެފައިވާކަން ރަސްމީކޮށް އިއުލާން ކޮށްފައި އެވެ. އީރާން އިން ވަނީ ޖުލައި މަހުގެ ހަތަރު ވަނަ ދުވަހުން ފެށިގެން، ނުވަ ވަނަ ދުވަހާ ހަމައަށް ޚާމަނާއީގެ ޖަނާޒާ ކުރިއަށް ގެންދަން ނިންމައިފަ އެވެ.
ޚާމަނާއީ އަވަހާރަ ވުމުގެ ހިތާމައިގައި ދިވެހި ދިދަ ބައި ދަނޑި އަށް ތިރި ނުކުރައްވާ، ރައީސް އެކަން ޖެއްސެވީ އަރަބި އިސްލާމީ ޤައުމު ތަކުގެ ބޮލަށް
ހޯމަ ދުވަހު ދިވެހި ސަރުކާރުން ބުނެފައި ވަނީ ޚާމަނާއީގެ ޖަނާޒާގައި ބައިވެރި ވުމުގެ ދައުވަތު ދިވެހި ރާއްޖެ އަށް ލިބިފައިވާ ކަމަށާއި، އެ ރަސްމިއްޔާތުގައި ދިވެހި ރާއްޖެ އިން ބައިވެރި ވާނެ ކަމަށެވެ. އެކަމާ ގުޅޭ ގޮތުން ސަރުކާރުގެ އިސް ތަރުޖަމާނު މުޙައްމަދު ޙުސެއިން ޝަރީފް (މުންދު)އާ ސުވާލު ކުރުމުން ވިދާޅުވީ، ޖަނާޒާގައި ބައިވެރި ވާނީ އެ ސަރަހައްދުގައި ހުންނަވާ ދިވެހި ރާއްޖޭގެ ސަފީރެއް ކަމަށެވެ.
ޚާމަނާއީ އަވަހާރަ ކޮށްލުން ކުށްވެރި ކުރައްވަން ކެރިވަޑައިގަންނަވާ ކަމަށް ތަކުރާރުކޮށް ވިދާޅުވެ، އެކަން ކުރައްވަން ރައީސް މުޢިއްޒު އަށް ކެރިވަޑައި ނުގެންނެވި
ޚާމަނާއީގެ ޖަނާޒާގައި ބައިވެރިވާން ރާއްޖެ އިން ނިންމިއިރު، އެމެރިކާ އާއި އިޒްރޭލް އިން ޚާމަނާއީ އަވަހާރަ ކޮށްލުން ރާއްޖެ އިން ކުށްވެރި ކޮށްފައި ނުވެ އެވެ. އަދި އެކަމާ ގުޅޭ ގޮތުން ތަކުރާރުކޮށް ރައީސުލްޖުމްހޫރިއްޔާ ޑޮކްޓަރު މުޙައްމަދު މުޢިއްޒުއާ ސުވާލު ކުރުމުން ވެސް، އެކަމަށް ޖަވާބެއް ދެއްވާފައި ނުވެ އެވެ.
މީގެ އިތުރުން ސިޔާސީ ގޮތުން ރާއްޖެއާ ގުޅިފައިވާ ބޭރު ޤައުމެއްގެ އިސްވެރިޔަކު އަވަހާރަވުމުގެ ހިތާމައިގައި ދިވެހި ޤައުމީ ދިދަ ބައި ދަނޑި އަށް ތިރި ކުރުމާއި، ސަރުކާރު ބަންދު ކުރުމާ ބެހޭ ޤަވާއިދުގައި ބުނެފައިވާ ގޮތަށް ދިވެހި ދިދަ ބައި ދަނޑި އަށް ވެސް ތިރި ކޮށްފައި ނުވެ އެވެ.
އެ ޤަވާއިދުގެ ދެ ވަނަ މާއްދާގައި ބުނެފައި ވަނީ އިސްލާމީ ޤައުމެއް ނުވަތަ ސާކްގެ ޤައުމެއްގެ ސަރުކާރު ހިންގަވާ ބޭފުޅަކު އަވަހާރަ ވެއްޖެ ނަމަ، ތިން ދުވަސް ވަންދެން ދިވެހި ޤައުމީ ދިދަ ބައި ދަނޑި އަށް ތިރި ކުރާނެ ކަމަށެވެ. އޭގެ ތެރޭގައި އެ ޤައުމެއްގެ ބޮޑު ވަޒީރު ނުވަތަ އެފަދަ މަޤާމެއްގައި ހުންނެވި ބޭފުޅަކު ހިމެނޭނެ ކަމަށް ޤަވާއިދުގައި ވަނީ ބުނެފައި އެވެ.
ރައީސް މުއިއްޒަށް ޚާމަނާއީގެ ނަން ވެސް ވިދާޅުވާން ކެރިވަޑައިނުގެންނެވި
އީރާން އިން ނިންމާފައި ވަނީ ޖުލައި މަހުގެ ހަ ވަނަ ދުވަހު އެ ޤައުމުގެ ވެރި ރަށް ތެހެރާންގައި ޖަނާޒާގެ ހިނގާލުމެއް ބޭއްވުމަށެވެ. އަދި ޖުލައި މަހުގެ ހަތް ވަނަ ދުވަހު، މުގައްދަސް ރަށެއް ކަމަށްވާ ގުމްހައި ގައި ވެސް ހިނގާލުމެއް ބޭއްވުމަށެވެ.
އެއަށް ފަހު ޚާމަނާއީގެ ކަށު ނަމާދު ކުރުމަށް ހަމަޖެހިފައި ވަނީ ޖުލައި މަހުގެ ނުވަ ވަނަ ދުވަހު މުގައްދަސް ރަށެއް ކަމުގައިވާ މަޝްހަދުގައި އެވެ. ޚާމަނާއީ ފަސްދާނުލުމަށް ހަމަޖެހިފައި ވަނީ އިމާމް ރިޒާގެ ރައުޟާގައި އެވެ.
ޚާމަނާއީ އަވަހާރަ ކޮށްލުން ދުނިޔޭގެ އެތައް ޤައުމު ތަކަކުންނާއި، ޤައުމު ތަކުގެ ވެރިން އެކަން ކުށްވެރި ކުރަމުން ދިޔަ ނަމަވެސް، ރާއްޖެ އިން އެކަން ކޮށްފައި ނުވާތީ ސަރުކާރަށް ގިނަ ފާޑު ކިޔުން ތަކެއް ވެސް އަމާޒުވި އެވެ.
