އެމެރިކާ އިން އީރާން އަށް ހަމަލާ ދިނީ ކޮންގްރެސް އިން ފާސް ކުރި ޤަރާރާ ޚިލާފަށް: ރޯ ކަންނާ

އެމެރިކާ އިން އީރާން އަށް ހަމަލާ ދީފައި ވަނީ، މިިދިޔަ ހަފުތާގައި ކޮންގްރެސް އިން ފާސް ކުރި ހަނގުރާމައިގެ ބާރު ތަކުގެ ޤަރާރާ ސީދާ ޚިލާފަށް ކަމަށް، ޑިމޮކްރަޓިކް ޕާޓީގެ ކޮންގްރެސް މެމްބަރު ރޯ ކަންނާ ވިދާޅުވެއްޖެ އެވެ. 

ރޯ ކަންނާ މިހެން ވިދާޅުވެފައި ވަނީ، ފާއިތުވި ދެ ދުވަހުގެތ ތެރޭގައި އެމެރިކާ އިން އީރާން އަށް އަމާޒުކޮށް ހަމަލާ ތަކެއް ދީފައި ވަނިކޮށެވެ.  އޭނާ އިތުރަށް ވިދާޅުވީ އެމެރިކާގެ ރައީސް ޑޮނަލްޑް ޓްރަމްޕް  މިހާރުން މިހާރަަށް ހަނގުރާމަ ހުއްޓާލަން ޖެހޭ ކަމަށާއި، އެހެން ނޫނީ އެކަން ކުރުމަށް އޭނާ އަށް މަޖުބޫރު ކުރުމަށް ކޯޓަށް މައްސަލަ ގެންދާނެ ކަމަށެވެ. 

ހަނގުރާމައިގެ ބާރު ތަކުގެ ޤަރާރު ފާސްކުރީ އަންގާރަ ދުވަހު ސެނެޓުންނެވެ. މި ޤަރާރަށް ވޯޓު ދިނީ 50 މެމްބަރުންނެވެ. އަދި ޤަރާރާ ދެކޮޅަށް ވޯޓު ދީފައި ވަނީ 48 މެމްބަރުންނެވެ. މިއަށް ވުރެ ކުރިން، އެމެރިކާގެ ހައުސް އޮފް ރެޕްރެޒެންޓޭޓިވްސް އިން މިފަދަ ފިޔަވަޅެއް ފާސްކުރީ ޖޫން މަހުގެ ތިން ވަނަ ދުވަހު އެވެ.

މި ޤަރާރުގައި ބުނެފައި ވަނީ، އީރާންއާ ދެކޮޅަށް ހިންގާ ހަނގުރާމަ އިން އެމެރިކާގެ ސިފައިން ވަކި ކުރުމަށް ރައީސް އަށް އިރުޝާދު ދޭ ކަމަށެވެ. އަދި މި ޤަރާރުގައި ބަޔާން ކޮށްފައި ވަނީ އީރާންއާ ދެކޮޅަށް އިތުރު ސިފައިންގެ ބާރު ބޭނުން ކުރުމުގެ ހުއްދަ ޓްރަމްޕް އަށް ލިބިވަޑައި ގަންނަވާނީ ހަނގުރާމައެއް އިއުލާން ކުރުމަށް، ނުވަތަ ކޮންގްރެސް އިން ޚާއްސަ ހުއްދައެއް ދިނުމަށް ސާފުކޮށް ބަޔާން ކޮށްފައިވާ ނަމަ އެކަނި ކަމަށެވެ.

މި ޤަރާރު ފާސް ކުރުމަކީ. އީރާންއާ ދެކޮޅަށް ރައީސް ޓްރަމްޕް ހިންގަވާ ސިޔާސަތަށް ކޮންގްރެސްގެ ޑިމޮކްރެޓިކް މެމްބަރުން ދެއްވާ ވަރު ގަދަ ފާޑު ކިޔުމެކެވެ. އެމެރިކާގެ ސިފައިން އީރާން އަށް ހަމަލާ ދިނުމުން އެ ސަރަހައްދުގައި ހާލަތު އިތުރަށް ގޯސްވެ، ބޮޑު ހަނގުރާމައެއް ފެށިދާނެ ކަމުގެ ބިރު އިތުރު ވެފައިވެ އެވެ.

ކޮންގްރެސްގެ މެމްބަރުން ވިދާޅުވަނީ ހަނގުރާމައެއް ފެށުމުގެ ބާރު ލިބިވަޑައި ގަންނަވަނީ ކޮންގްރެސް އަށް ކަމަށާއި، ކޮންމެ ހަނގުރާމައެއް ފެށުމުގެ ކުރިން ކޮންގްރެސްގެ ހުއްދަ ހޯދަން ޖެހޭ ކަމަށެވެ. އެހެން ނަމަވެސް، ޓްރަމްޕް މިހާތަނަށް ވިދާޅުވެފައި ވަނީ އެމެރިކާގެ މަސްލަހަތު ރައްކާތެރި ކުރުމަށް ބޭނުންވާ ހުރިހާ ފިޔަވަޅެއް އަޅުއްވާނެ ކަމަށެވެ.

މި ހާލަތުގައި ބައިނަލްއަގުވާމީ މުޖުތަމައުން ވެސް ކަންބޮޑުވުން ފާޅުކޮށް، އެމެރިކާ އާއި އީރާންއާ ދެ ގައުމުން ވެސް ހަނގުރާމަ އަށް ނުގޮސް މައްސަލަ ހައްލު ކުރުމަށް ގޮވާލާފައިވެ އެވެ.