ރިޕޯޓު

ރައްޔިތުންގެ އަސާސީ ބޭނުންތަކަށް ދެނީ "ވެއިޓިންގ ލިސްޓެއްގެ" ދަރަޖަ!

ރާއްޖޭގެ އެކި ރަށްރަށުގައި ފަށާފައިވާ ބޯހިޔާވަހިކަމާއި އުމްރާނީ ތަރައްޤީގެ މަޝްރޫއުތައް ހުއްޓި، ރައްޔިތުންގެ އަސާސީ ބޭނުންތައް ފުއްދުމަށް ސަރުކާރުން އިސްކަންނުދޭތީ އާންމުންގެ ކަންބޮޑުވުން ވަނީ އިތުރުވެފައި. ދައުލަތުގެ ބަޖެޓުން ބޮޑެތި ޚަރަދުތައް ކޮށްގެން ރަސްމިއްޔާތުތަކާއި ސިޔާސީ މަޝްރޫއުތައް ކުރިއަށްގެންދާއިރު، އާންމު ދިރިއުޅުމާ ގުޅުންހުރި މުހިންމު މަސައްކަތްތައް ލަސްވަމުންދާތީ ސަރުކާރުގެ ސިޔާސަތުތަކަށް ވަނީ ފާޑުކިޔުން އަމާޒުވެފައި.