ތަފާތު ޚަބަރު

ބަލިވެގެން މޮޅުވުން: ފުޓްބޯޅައިގެ ތާރީޚުގައި ކުޅުނު އެންމެ އާދަޔާޚިލާފު މެޗު

1994 ވަނަ އަހަރުގެ ކެރީބިއަން ކަޕް ކޮލިފައިންގައި ބާބަޑޯސް އާއި ގްރެނާޑާ ބައްދަލުކުރި މެޗަކީ ފުޓްބޯޅައިގެ ތާރީޚުގައި ފެނުނު އެންމެ އާދަޔާޚިލާފު އެއް މެޗު. މުބާރާތުގެ ގަވާއިދު އޮތްގޮތުން ދެ ލަނޑުގެ ތަފާތުން މޮޅުވާން މަޖުބޫރުވުމުން، ބާބަޑޯސްގެ ކުޅުންތެރިން ވަނީ ގަސްދުގައި އަމިއްލަ ގޯލަށް ލަނޑެއް ޖަހައި މެޗު އިތުރު ވަގުތަށް ގެންގޮސްފަ. އިތުރު ވަގުތުގައި ޖަހާ "ގޯލްޑަން ގޯލް" ދެ ލަނޑުގެ ގޮތުގައި ބަލާ ގަވާއިދުގެ ބޭނުން ހިފައި، ބާބަޑޯސް އިން މެޗު ކާމިޔާބުކޮށް މުބާރާތަށް ކޮލިފައިވި.