ރަސްމާލެ މަޝްރޫއާ ގުޅިގެން ފެންނަ ނުފެންނަ ވޯޓެއް ނެގުމަށް ރައީސް ނަޝީދު ގޮވާލައްވައިފި
21 ނޮވެމްބަރު 2026 | ހޮނިހިރު 05:29ރަސްމާލެ މަޝްރޫއު ފަދަ ބޮޑެތި ނިންމުންތައް ނިންމުމުގައި ރައްޔިތުންގެ ތާއީދާއި ރުހުން އޮތް މިންވަރު ބެލުމަކީ ކާމިޔާބީއަށް މުހިންމު ކަމެއް ކަމަށް ރައީސް ނަޝީދު ވިދާޅުވި. އެހެންކަމުން، މި މަޝްރޫއުގެ ސަބަބުން ގައުމަށް ލިބިދާނެ ގެއްލުމަކުން ސަލާމަތްވުމަށްޓަކައި، ފުށިދިއްގަރުފަޅު ހިއްކުމުގެ ކުރިން އާންމު ރައްޔިތުންގެ ފެންނަ ނުފެންނަ ވޯޓެއް ނެގުމަށް އެމަނިކުފާނު ގޮވާލެއްވި


އެމްޑީޕީގެ 5 ވަނަ ކޮންގްރެސްގައި ރައީސް ނަޝީދު ވާހަކަފުޅު ދައްކަވަނީ | އެމްޑީޕީ
ރަސްމާލެ މަޝްރޫއުގެ ދަށުން ހިންގުމަށް ނިންމާފައިވާ ލަގްޒަރީ ވޯޓަރފްރަންޓް އަދި މެރީނާ މަޝްރޫއާ ގުޅިގެން ރައްޔިތުންގެ ފެންނަ ނުފެންނަ ވޯޓެއް ނެގުމަށް އެމްޑީޕީގެ ޗެއަރޕާސަން އަދި ކުރީގެ ރައީސް މުހައްމަދު ނަޝީދު ގޮވާލައްވައިފި އެވެ.
ހޮނިހިރު ދުވަހު ބޭއްވެވި ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސް ނަޝީދު ވިދާޅުވީ އެމްޑީޕީ ކޮންގްރެސްގައި ބޮޑު ބަދަލު ސިޔާސަތު ފާސްކޮށްފައިވާ ކަމަށެވެ. އަދި މި ސިޔާސަތުތަކުގެ ތެރޭގައި އެންމެ ފާހަގަކުރާ ސިޔާސަތަކީ ކަންކަން ހިންގުމުގެ ކުރިން ފެންނަ ނުފެންނަ ވޯޓެއް ނެގުން ކަމަށް ރައީސް ނަޝީދު ވިދާޅުވި އެވެ.
ރައްޔިތުންނަށް ކަންކަން ހުށަހަޅާ، އެ ރައްޔިތުންނަށް މައުލޫމާތު ދެވި، ރައްޔިތުން އެކަން ކަމާ ގުޅޭ ގޮތުން ވިސްނާ، ރައްޔިތުން ދެކޭ ގޮތަކަށް ކަންކަން ކުރިއަށް ގެންދިޔުން. ވެރިންނަށް ކަންކަމަކީ ރަނގަޅު ކަންކަން ގޮތުގައި ފެނިދާނެ، ތަސައްވަރު ކުރެވިދާނެ، ގަބޫލު ކުރެވިދާނެ، އެހެން ނަމަވެސް އެ ތަސައްވަރުތައް އެ މަންޒަރުތައް ރައްޔިތުންނަަށް ސާފު ނުވާކަމުގައި ވަނީނަމަ ކަންކަން ދާނީ ކާމިޔާބު ނުވެރައީސް މުހައްމަދު ނަޝީދު
ރައީސް ނަޝީދު ވިދާޅުވީ ކަމެއް ކާމިޔާބު ކުރުމަށް ރައްޔިތުންގެ ތާއީދާއި ރުހުން ކޮންމެހެން އޮންނަން ޖެހޭ ކަމަށެވެ. އެހެންކަމުން ފުށިދިއްގަރުފަޅާ ގުޅޭ ގޮތުން ރައްޔިތުންގެ މެދުގައި ބަހުސްކޮށް އޭގެ މައްޗަށް ގޮތެއް ނިންމަން ޖެހޭ ކަމަށް ރައީސް ނަޝީދު ވިދާޅުވި އެވެ.
އެގޮތުން ސަރުކާރުން ފެންނަ ނުފެންނަ ވޯޓެއް ނުނަގާ ރަސްމާލެ މަޝްރޫއު ކުރިއަށްގެންދާ ކަމުގައި ވާނަމަ ރާއްޖެއަށް ވަރަށް ބޮޑު ގެއްލުމެއް ލިބިދާނެ ކަމަށް ރައީސް ނަޝީދު ވިދާޅުވި އެވެ.
ހަމައެއާއެކު، ރައީސް ނަޝީދު ވަނީ ފުށިދިއްގަރުފަޅުގައި ސަރުކާރުން ހިންގަން ނިންމާފައިވާ ރެސިޑެންސީ މަޝްރޫއު ކުރިއަށް ގެންދިޔުމުގެ ކުރިން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައްވާފަ އެވެ.










