ކުޅިވަރު

ބެލްޖިއަމްގެ ވިންގަރ ޖެރެމީ ޑޯކޫގެ ފުރަތަމަ ދަރިފުޅު އުފަންވާއިރު އަންހެނުންގެ ކައިރީގައި ހުރުމަށްޓަކައި ވޯލްޑް ކަޕް މުބާރާތް ދޫކޮށް ދާން ބޭނުންވާ ކަމަށް ބުނުމާ ގުޅިގެން ފާޑުކިޔަނީ

ބެލްޖިއަމްގެ ވިންގަރ ޖެރެމީ ޑޯކޫގެ ފުރަތަމަ ދަރިފުޅު އުފަންވާ ވަގުތު އަންހެނުންގެ ކައިރީގައި ހުރުމަށްޓަކައި ވޯލްޑް ކަޕް ކޭމްޕު ދޫކޮށް ދާން ނިންމުމާ ގުޅިގެން، ބައެއް ފަރާތްތަކުގެ ފާޑުކިޔުން އޭނާއަށް އަމާޒުވެއްޖެ. ޑޯކޫގެ މި ނިންމުމަށް 'ލެކީޕް' ޗެނަލްގެ ޕްރެޒެންޓަރަކު ވަރަށް ބޮޑަށް ފާޑުކިޔާފައިވާއިރު، ގިނަ ބަޔަކު އަންނަނީ އާއިލާއަށް އިސްކަންދިނުމަށް ބާރުއަޅައި ޑޯކޫއަށް ތާއީދުކުރަމުން. މި މައްސަލަ ހޫނުވުމާ ގުޅިގެން ފާޑުކީ ޕްރެޒެންޓަރު ފަހުން މާފަށް އެދިފައިވާއިރު، ބެލްޖިއަމް ފެޑެރޭޝަނުން ވަނީ ޑޯކޫގެ ހާލަތު ދެނެގަނެ އޭނާއަށް އެއްބާރުލުން ދޭނެކަމުގެ އިޝާރާތެއް ދީފައި.