ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު ގައި 5 ރިސޯޓެއްގައި ވޯޓުފޮށި ނުބަހައްޓާގޮތަށް އިލެކްޝަން ކޮމިޝަނުން ކަނޑައަޅައިފިއެވެ. އީސީން ބުނީ މި ގޮތަށް ކަނޑައަޅާފައިވަނީ، ރީ-ރަޖިސްޓަރީ ކުރުމުގެ ފުރުސަތު ހަމަވި އިރު ވޯޓުފޮށި ބެހެއްޓޭ އަދަދަށްވުރެ މަދުން މި ރިސޯޓުތަކުގައި ވޯޓުލުމަށް މީހުން ރަޖިސްޓަރީވެފައިވާތީ ކަމަށެވެ. ވޯޓުފޮށި ނުބަހައްޓާގޮތަށް ކަނޑައެޅި ރިސޯޓްތަކަކީ، ބ. ކިހާދުއްފަރު، ޅ. މަދިގުރައިދޫ، ރ. ކޮއްޓެފަރު، އދ.ތެލުވެލިގާ، ދ. ދޫރެސް އެވެ.
މި ރިސޯޓުތަކުގައި މަސައްކަތްކުރާ ދިވެހިން، ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގައި ވޯޓުލުމަށްޓަކައި އަލުން ރަޖިސްޓަރީ ކުރަން ޖެހެއެވެ.
ރިސޯޓުތަކުގައި ވޯޓުފޮށި ބަހައްޓަނީ އެ މީހަކު ރަށްވެހިވެފައިވާ ރަށް ނޫން ރަށެއްގައި ވޯޓުލުމަށްޓަކައި ރަޖިސްޓަރީވުމަށް އިލެކްޝަންސް ކޮމިޝަނުން ހުޅުވާލާ މުއްދަތުގެ ތެރޭގައި ވޯޓުލުމަށް މީހުން ރަޖިސްޓަރީވެފައިވާ ނަމައެވެ.
އެޗްޕީއޭގެ ގައިޑްލައިނާ އެއްގޮތަށް ވޯޓުލުމުގެ ކަންކަން ކުރިއަށްގެންދިޔުމުގެ ގޮތުން މި އިންތިޚާބުގައި ވޯޓުފޮށި ބެހެއްޓުމަށް އެދޭ ރިސޯޓުތަކުގައި ވޯޓުފޮށި ބެހެއްޓުމަށް އީސީން އޮތީ ނިންމާފައެވެ.
