ބައެއް ކައުންސިލްތަކާއި ޑަބްލިއުޑީސީގެ ބައި އިލެކްޝަން - އެމްޑީޕީގެ ޕްރައިމަރީ އަށް ފުރުސަތު ހުޅުވާލައިފި
ހއ. ކެލާ ކައުންސިލްގެ އަންހެން މެންބަރުގެ ބައި އިލެކްޝަން ބާއްވަން ވަނީ ހަމަޖެހިފައި
ލޯކަލް ކައުންސިލް އަދި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ އިންތިހާބު
3 ރަށެއްގެ ކައުންސިލް މެމްބަރުން އަދި އިތުރު ރަށެއްގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރަކު އިންތިހާބުކުރުމަށް ބާއްވާ އިންތިޚާބުގައި މޯލްޑިވިއަން ޑިމޮކްރަޓިކް ޕާޓީ އެމްޑީޕީގެ ޓިކެޓްގައި ވާދަކުރުމަށް ބޭނުންވާ މީހުންނަށް ޕްރައިމަރީގައި ބައިވެރިވުމަށް ފުރުސަތު ހުޅުވާލައިފިއެވެ.
ހއ. ކެލާ ކައުންސިލްގެ އަންހެން މެންބަރު، އދ. ހަންޏާމީދޫ ކައުންސިލް މެންބަރު، ނ. މާފަރު ކައުންސިލް މެންބަރު، ތ. ގުރައިދޫ ކައުންސިލް ރައީސް އަދި ނ. މާފަރު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރު އިންތިހާބުކުރުމަށް ބާއްވާ ބައި އިލެކްޝަންގެ ޕްރައިމަރީ ބޭއްވުމަށް ނިންމިކަން ހާމަކޮށް އެމްޑީޕީން ވަނީ ނޮވެމްބަރު މަހުގެ 3 ވަނަ ދުވަހު އިއުލާނެއް ކޮށްފައެވެ.
އެމްޑީޕީން ބުނީ ހއ. ކެލާ ކައުންސިލްގެ އަންހެން މެންބަރު، އދ. ހަންޏާމީދޫ ކައުންސިލް މެންބަރު، ނ. މާފަރު ކައުންސިލް މެންބަރު، ތ. ގުރައިދޫ ކައުންސިލް ރައީސް އަދި ނ. މާފަރު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރު އިންތިހާބުކުރުމަށް ބާއްވާ ބައިއިލެކްޝަންގެ، މިޕާޓީގެ ޕްރައިމަރީގައި ވާދަކުރަން ބޭނުންވާ ފަރާތްތަކުން ކުރިމަތިލުމުގެ ފުރުޞަތު މިހާރު ހުޅުވާލާފައިވާ ކަމަށެވެ. އަދި އެ މަޤާމްތަކަށް ކުރިމަތި ލައްވަން ބޭނުންފުޅުވާ ބޭފުޅުން އިންތިޚާބަށް ކުރިމަތިލުމަށް އެދޭ ފޯމް ފުރިހަމަކުރުމަށްފަހު 06 ނޮވެމްބަރ 2023 ވަނަ ދުވަހުގެ މެންދުރު 2:00 ގެ ކުރިން ހުށައެޅުމަށް އެ ޕާޓީން ވަނީ އެދިފައެވެ.
އެމްޑީޕީން ބުނީއިންތިހާބަށް ކުރިމަތިލުމަށް އެދޭފޯމުއެ ޕާޓީގެ ވެބްސައިޓުން ލިބެން ހުންނާނެ ކަމަށެވެ.
