ރާއްޖެ
ރަތަފަންދޫގައި މާރާމާރިއެއް ހިނގުން
ރަތަފަންދޫގައި މާރާމާރީއެއް، ދެ މީހަކަށް އަނިޔާވި އަދި ދެ މީހުން ހައްޔަރަށް
މާރާމާރީ ރިޕޯޓް ކޮށްފައި ވަނީ ބުދަ ދުވަހު 02:30 ގައި
އަމަން ހަލީމް, ރާއްޖެ އެމްވީ | 21 އޮކްޓޯބަރު 2020 | ބުދަ 08:02
ރަތަފަންދޫގެ ސެޓެލައިޓް ފޮޓޯއެއް
ގދ. ރަތަފަންދޫގައި ދެ ބައެއްގެ ދެ މެދުގައި ހިނގި މާރާމާރީއެއްގައި ދެ މީހަކަށް އަނިޔާ ވެއްޖެ ކަމަށް ފުލުހުން ބުނެފިއެވެ.
މި މައްސަލަ ފުލުހުންނަށް ހުށައަޅާފައި ވަނީ ބުދަ ދުވަހުގެ މެންދަމު 2:30 ހާއިރުއެވެ. އަދި މި މާރާމާރީގައި އަނިޔާވީ މީހުންނަށް ރަތަފަންދޫ ސިއްހީ މަރުކަޒުގައި އާއި ތިނަދޫގައި ހުންނަ ޑރ. އަބްދުލް ސަމަދް މެމޯރިއަލް ހޮސްޕިޓަލްއަށް ގެންގޮސް ފަރުވާ ދީފައިވާ ކަމަށް ފުލުހުން ވަނީ ބުނެފައެވެ.
މި މާރާމާރީއާ ގުޅިގެން 21 އަހަރުގެ ދިވެހި ފިރިހެނަކާއި 28 އަހަރުގެ ދިވެހި ފިރިހެނެއް ވަނީ ހައްޔަރު ކޮށްފައެވެ. މި މައްސަލަ އިތުރަށް ތަހުގީގު ކުރަމުން އަންނަ ކަމަށް ފުލުހުން ވަނީ ބުނެފައެވެ.
