އައްޑޫ ސިޓީގައި ހިނގި އެކްސިޑެންޓެއްގައި ތިން މީހަކަށް އަނިޔާވެއްޖެ
އެއްވެސް މީހަކަށް ސީރިއަސް އަނިޔާތަކެއް ލިބިފައެއް ނުވޭ
ހިތަދޫ ބޮޑު މަގުގައި މިއަދު ހިނގި އެކްސިޑެންޓް
އައްޑޫ ސިޓީ، ހިތަދޫ ބޮޑު މަގުގައި ހިނގި އެކްސިޑެންޓެއްގައި ތިން މީހަކަށް އަނިޔާވެ ހޮސްޕިޓަލްގައި ފަރުވާދޭން ފަށައިފި އެވެ.
ރާއްޖެޓީވީއަށް މައުލޫމަތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ އެކްސިޑެންޓް ހިނގިކަމުގެ ރިޕޯޓް ފުލުހުންނަށް ލިބިފައިވަނީ މިއަދު ހަވީރު 4:30 ހާއިރުގައި ކަމަށެވެ. އަދި އެކްސިޑެންޓުގައި ތިން މީހަކަށް އަނިޔާތައް ލިބިފައިވާކަމަށް އޮފިޝަލް ވިދާޅުވި އެވެ.
ހިތަދޫ ބޮޑު މަގުގައި މިއަދު ހިނގި އެކްސިޑެންޓް -- ފޮޓޯ: ފޭސްބުކް
ފުލުހުންގެ މީޑިއާ އޮފިޝަލް ވިދާޅުވީ އެއްވެސް މީހަކަށް ސީރިއަސް އަނިޔާތަކެއް ލިބިފައިވާކަމުގެ މައުލޫމާތު ލިބިފައިނުވާކަމަށެވެ. އަނިޔާވި ތިން މީހުންނަށް ހިތަދޫ ރީޖަނަލް ހޮސްޕިޓަލްގައި ފަރުވާދެމުން އަންނަ ކަމަށާއި، އެ ތިން މީހުންނަށްވެސް ލިބިފައިވަނީ، ހަން މަށައިގެންދިއުން ފަދަ ކުދިކުދި ޒަހަމްތަކެއް ކަމަށް އޮފިޝަލް ވިދާޅުވި އެވެ.
ފުލުހުންގެ އިދާރައިން ބުނީ އެކްސިޑެންޓްގެ މައްސަލަ މިހާރު ތަހުޤީޤްކުރަމުން އަންނަ ކަމަށެވެ.
