ބުރާސްފަތި 18 ޖުލައި 2019
04 ފުސް
1440 ޒުލްގައިދާ 15
ފަތިސް 04:43
އިރުއަރާ 06:01
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ރާއްޖެ - މައުމޫން

ސިޑިއަކާއި ސިފައިންގެ ހެލިކޮޕްޓަރު ޖެހިގެން އަނިޔާވި މީހާގެ ހާލު އަދިވެސް ސީރިއަސް: އޭޑީކޭ

އަޒްލިފާ އަބްދުﷲ
AzuAzlifa

ކ. މާލެ 7 ޖެނުއަރީ 2017 | ހޮނިހިރު 07:04 1,668

އޭޑީކޭ ހޮސްޕިޓަލް - އަޒުމޫން އަހުމަދު

ބަލިމީހަކު ގޮވައިގެން ވެލާނާ އިންޓަރނޭޝަނަލް އެއަރޕޯޓްގައި ޖެއްސި އެމްއެންޑީއެފްގެ ހެލިކޮޕްޓަރެއްގެ ފިޔަގަނޑަކުން މަތިންދާ ބޯޓަށް އަރާ ސިޑިއެއްގައި ޖެހިގެން މިދިޔަ އާދިއްތަ ދުވަހު ހިނގި ހާދިސާގައި އަނިޔާވި ދެމީހުންގެ ތެރެއިން އެކަކުގެ ހާލު އަދިވެސް ސީރިއަސް ކަމަށް އޭޑީކޭ ހޮސްޕިޓަލުން ބުނެފިއެވެ.

ރާއްޖެ އެމްވީއަށް މައުލޫމާތު ދެއްވަމުން އެ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ އެހާދިސާގައި ޒަހަމްވި ދެމީހުންގެ ތެރެއިން އެކެއްގެ ހާލު ސީރިއަސް ކަމަށާއި އޭނާ އަށް އައިސީޔޫގައި ފަރުވާ ދެމުން އަންނަ ކަމަށެވެ.

އައްފާލް ވިދާޅުވީ އެހާދިސާގައި އަނިޔާވި ދެމީހުންވެސް ގެނެވުނީ އޭޑީކޭއަށް ކަމަށާއި އެކަކަށް މާބޮޑަށް ގެއްލުން ވެފައި ނުވާތީ ފަރުވާ ދިނުމަށްފަހު އެކަކު ދޫކޮށްލާފައިވާ ކަމަށެވެ.

އޭނާއަށް ލިބިފައިވނީ ކޮންކަހަލަ ޒަޚާމްތަކެއް ކަމެއް އައްފާލް ވިދާޅެއް ނުވެއެވެ. ރާއްޖެ ޓީވީއަށް މައުލޫމާތު ލިބިފައިވާ ގޮތުގައި ހާލު ސީރިއަސް މީހާގެ ބަނޑަށް ވަނީ އެއްޗެއް ހެރިފައެވެ. ރާއްޖެ ޓީވީއަށް މައުލޫމާތު ދެއްވަމުން އެމްއެންޑީއެފް މީޑިޔާ އޮފިޝަލް ކެޕްޓަން އިބްރާހީމް އާޒިމް ވިދާޅުވެފައިވަނީ ގއ ވިލިނގިލިން ވެލާނާ އިންޓަރނޭޝަނަލް އެއަރޕޯޓަށް އައި ހެލިކޮޕްޓަރުގެ ފިޔަގަނޑުން ބޯޓުން މީހުން ފައިބާ ހަރުގަނޑެއްގައި ޖެހި އެކްސިޑެންޓެއް ހިނގާފައިވާ ކަމަށެވެ. އަދި އެއެކްސިޑެންޓުގައި ގްރައުންޑްގައި ހުރި އެއަރޕޯޓްގެ ދެ މީހަކު ޒަކަމްވެ ހޮސްޕިޓަލުން ގެންދަނީ ފަރުވާ ދެމުން ކަމަށެވެ.މިހާދިސާ ހިނގީ އާދިއްތަ ދުވަހު ހަވީރު 4 ޖަހާކަށްހާއިރު ކަމަށާއި އެހާދިސާ ތަހުގީގް ކުރަމުންދާ ކަމަށް އާޒިމް ވިދާޅުވިއެވެ.

މި ހާދިސާ ހިނގަން މެދުވެރިވީ ހެލިކޮޕްޓަރު އެއާޕޯޓުގައި ޖެއްސުމަށް ފަހު އޭގެ ފިޔަގަނޑުގެ އެނބުރުން އެއްކޮށް ނުހުއްޓެނީސް ފިޔަގަނޑު ކައިރިން އެއާސްޓެއާ (ސިޑި) ދުއްވާފައި ދިއުމުން ކަމަށް މައުލޫމާތު ލިބިފައިވެއެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް