ހޮނިހިރު 24 އޮކްޓޯބަރ 2020
07 ހެއި
1442 ރަބީއުލް އައްވަލް 07
ފަތިސް 04:36
އިރުއަރާ 05:49
މެންދުރު 11:54
އަސްރު 15:11
އިރުއޮއްސޭ 17:52
އިޝާ 19:05
ނޭމާއަށް ރޮނާލްޑޯ ތާރީފުކުރުން

ރިކޯޑު މުގުރާލުމުން ރޮނާލްޑޯގެ ތާރީފު ނޭމާއަށް

  • ނޭމާ ވަނީ ބްރެޒިލަށް 64 ލަނޑު ޖަހައިދީ، 62 ލަނޑު ޖަހާފައިވާ ރޮނާލްޑޯ ފަހަތަށް ޖައްސާލާފައި
  • ޕެލޭގެ ރިކޯޑު މުގުރާލަން ނޭމާއަށް ދެން ބޭނުންވަނީ 13 ލަނޑު

ކ. މާލެ | 15 އޮކްޓޯބަރ 2020 | ބުރާސްފަތި 22:18 | 23,870

ބްރެޒިލުގެ ތަރި ނޭމާ އާއި ލެޖެންޑަރީ ފޯވާޑް ރޮނާލްޑޯ ނަޒާރިއޯ އެކުގައި - ގެޓީ އިމޭޖާސް

ބްރެޒިލަށް ދެވަނައަށް އެންމެ ގިނަ ލަނޑު ޖެހި ކުޅުންތެރިޔާގެ ޝަރަފު ނޭމާ ހޯދުމުން، އޭނާއަށް ބްރެޒިލުގެ ލެޖެންޑަރީ ފޯވާޑް ރޮނާލްޑޯ ނަޒާރިއޯ ތާރީފުކޮށްފިއެވެ.

މިދިޔަ އަންގާރަ ދުވަހުގެރޭ ދެކުނު އެމެރިކާގެ ފީފާ ވޯލްޑް ކަޕް ކޮލިފައިންގ ބުރުގައި ޕެރޫ އަތުން 4-2 ން ބްރެޒިލް މޮޅުވި މެޗުގައި ނޭމާ ވަނީ ހެޓްރިކް ހަދާ ބްރެޒިލަށް ދެވަނައަށް އެންމެ ގިނަ ލަނޑު ޖެހި ކުޅުންތެރިޔާގެ ޝަރަފު ހޯދާފައެވެ. އެ މެޗުގައި ހެދި ހެޓްރިކާއެކު ނޭމާ ވަނީ ބްރެޒިލުގެ ގައުމީ ޓީމަށް 64 ލަނޑު ޖަހައިދީ، 62 ލަނޑު ޖަހާފައިވާ ރޮނާލްޑޯ ފަހަތަށް ޖައްސާލާފައެވެ.

މި ލިސްޓުގެ އެއްވަނައިގައި އޮތީ 77 ލަނޑު ޖަހައިގެން ފުޓްބޯޅަ ލެޖެންޑް ޕެލޭއެވެ. ޕެލޭގެ ރިކޯޑު މުގުރާލަން އުމުރުން 28 އަހަރުގެ ނޭމާއަށް ދެން ބޭނުންވަނީ 13 ލަނޑެވެ.

ރިކޯޑު މުގުރާލުމުން ސޯޝަލް މީޑިއާގައި ހިއްސާކުރި މެސެޖެއްގައި ރޮނާލްޑޯ ބުނީ އޭނާގެ ރިކޯޑު ނޭމާ މުގުރާލުމުން އުފާކުރާ ކަމަށެވެ. އަދި ނޭމާއަށް އެއަށްވުރެ މާ ބޮޑެތި ކާމިޔާބީތަކާއި ކުރިއެރުންތައް ހޯދޭނެ ކަމަށާއި، އޭނާގެ އިހުތިރާމް ނޭމާ ހޯޯދައިފި ކަމަށެވެ. އަދި ނޭމާ އަކީ މޮޅު ކުޅުންތެރިއެއް ކަމަށާއި، އެހެން ކުޅުންތެރިންނަށް ލަނޑު ޖަހަން އެހީތެރިވުމުގެ މިސާލެއް ކަމަށްވެސް ވަނީ ބުނެފައެވެ. މީގެ އިތުރުން ރޮނާލްޑޯ ވަނީ ނޭމާ އިތުރަށް ހިތްވަރުކޮށް، މުސްތަގްބަލުގައިވެސް އެތައް ރެކޯޑެއް މުގުރާލައި، ފުޓުބޯޅައިގެ އެންމެ އުހަށް ހާސިލްވުމަށް ހިތްވަރުދީފައެވެ.

ބްރެޒިލަށް ދެވަނައަށް އެންމެ ގިނަ ލަނޑު ޖެހި ކުޅުންތެރިޔާގެ ޝަރަފު ނޭމާ ހޯދީ އެ ގައުމަށް ކުޅެދިން 103 މެޗުންނެވެ. ބްރެޒިލުގެ ޔޫތު ޓީމާއެކުވެސް ގިނަ ކާމިޔާބީތަކެއް ހޯދި ނޭމާ ވަނީ ބްރެޒިލުގެ ސީނިއާ ޓީމާއެކު 2013 ވަނަ އަހަރުގެ ފީފާ ކޮންފެޑެރޭޝަންސް ކަޕް ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.