ޔުއެފާ ޗެމްޕިއަންސް ލީގު:ރޮނާލްޑޯގެ ދެ ލަނޑުން ރެއާލް މޮޅުވެއްޖެ

ލިއޮނެލް ރޮނާލްޑޯގެ ދެ ލަނޑުން އެޕޮއެލްގެ މައްޗަށް ރެއާލް މެޑްރިޑުން ކުރިހޯދައިފި އެވެ.

ބުދަ ދުވަހުގެ ރޭ ކުޅުނު މެޗުން އެޕޮއެލްގެ މައްޗަށް ރެއާލްއިން ކުރިހޯދީ 0-3 ގެ ނަތީޖާއަކުންނެވެ.

ރެއާލްގެ އަމިއްލަ ދަނޑުގައި ކުޅުނު މި މެޗުގައި ރެއާލްގެ ފަރާތުން ރަނގަޅު ކުޅުމެއް ފެނިގެން ދިޔައިރު،

ފުރަތަމަ ހާފްގެ 12 ވަނަ މިނެޓުގައި ރެއާލްއިން ވަނީ ލަނޑުޖަހާ މެޗުގެ ލީޑު ނަގާފައެެވެ. މި ލަނޑު ބޭލްގެ އެހީތެރިކަމާއެކު ކާމިޔާބުކޮށްދިނީ ކްރިސްޓިއާނޯ ރޮނާލްޑޯ އެވެ.

މި ލަނޑާއެކު ފުރަތަމަ ހާފް ނިމުނީ 0-1 ގެ ނަތީޖާއިން ރެއާލް މެޑްރިޑު ކުރީގައި އޮވެގެންނެވެ.

ދެވަނަ ހާފް ފެށިގެން ވެސް ރަނގަޅަށް ކުޅެމުން ދިޔައީ ރެއާލްއިންނެވެ. އެގޮތުން މެޗުގެ 51 ވަނަ މިނެޓުގައި ރެއާލްއިން ވަނީ އެޓީމުގެ ދެވަނަ ލަނޑު ކާމިޔާބުކޮށް ލީޑުފުޅާކޮށްފައެވެ. މި ލަނޑު ކާމިޔާބު ކުރީ ލިބުނު ޕެނަލްޓީއަކުން ރޮނާލްޑޯއެވެ.

އެޕޮއެލްއަށް މި މެޗުގައި ރަނގަޅު ކުޅުމެއް ދެއްކިފައި ނުވާއިރު، އެޓީމަށް ވަނީ ރެއާކްގެ ގޯލަށް މާ ނުރައްކާތެރި ހަމަލާއެއްވެސް ފޮނުވާލެވޭގޮތްނުވެފައެވެ. ރެއާލްއަށް މެޗުގެ ލީޑު އިތުރަށް ފުޅާކޮށްދިނީ 61 ވަނަ މިނެޓުގައި ސާޖިއޯ ރާމޮސް ކާމިޔާބުކޮށްދިން ލަނޑުންނެވެ.

ރެއާލް އަދި އެޕޮއެލް ހިމެނޭ ގްރޫޕް އެޗުގައި ހިމެނޭ ޓޮޓެންހަމް އާއި ބޮރޫޝިއާ ޑޯޓްމުންޑް ބައްދަލުކުރި މެޗު 1-3 ގެ ނަތީޖާއަކުން ކާމިޔާބުކުރީ ޓޮޓެނަހަމްއެވެ.