އިނގިރޭސި ވިލާތުގެ ކޮމިއުނިކޭޝަންސް އިންޓެލިޖެންސް އޭޖެންސީން ޓްރަމްޕްގެ ތުހުމަތު ދޮގުކޮށްފި

އެމެރިކާގެ ރިޔާސީ ކެމްޕޭންގެ ދުވަސްވަރު މިހާރުގެ ރައީސް ޑޮނަލްޑް ޓްރަމްޕްގެ ފޯންކޯލްތައް އަޑުއެހި ކަމަށް ބުނާ ވާހަކަ ދޮގުކޮށް އިނގިރޭސި ވިލާތުގެ ކޮމިއުނިކޭޝަންސް އިންޓެލިޖެންސް އޭޖެންސީ، ޖީސީއެޗްކިއުއިން ބަޔާނެއް ނެރެފިއެވެ.

އެ އެޖެންސީ އާއްމުކޮށް ނުނެރޭ ފަދަ ބަޔާނެއް ނެރެފައި މިވަނީ ވައިޓްހައުސްގެ ތަރުޖަމާނު ޝޯން ސްޕައިސަރއާ ހަވާލާދީ އެމެރިކާގެ ޓީވީ ޗެނަލް ފޮކްސް ނިއުސްގައި އެފަދަ ވާހަކަތަކެއް ދައްކާފައި ވާތީއެވެ.

އެ ވާހަކަތަކަށް ރައްދުދީ ޖީސީއެޗްކިއުއިން ބުނެފައިވަނީ އެ ތުހުމަތުތަކީ އަސްލެއް ނެތް ތާކުންތާކު ނުޖެހޭ ވާހަކަތަކެއް ކަމަށެވެ.

ރައީސް ޓްރަމްޕްވަނީ ނިއުޔޯކްގައި ހުންނަ ޓްރަމްޕް ޓަވަރުގައި ޓްރަމްގެ ފޯންކޯލްތައް ވަގަށް އަޑުއެހޭނެ އިންތިޒާމް ހަމައްސާފައިވާ ކަމަށް ތުހުމަތު ކުރައްވާފައެވެ.

ޖީސީއެޗްކިއުއާ ބެހޭ ގޮތުން އެ ވާހަކަ ދެއްކެވީ ކުރީގެ ފަނޑިޔާރު އެންޑްރޫ ނަޕޮލިޓާނޯ އެވެ.

"އިންޓެލިޖެންސްގެ ތިން މަސްދަރަކުން ފޮކްސް ނިއުސްއަށް މައުލޫމާތު ދީފައި އެބައޮތް ރައީސް ބަރަކް އޮބާމާ ޗެއިން އޮފް ކޮމާންޑާ ޚިލާފްވެ ވަޑައިގެންނެވި ކަމަށް" ސްޕައިސަރއާ ހަވާލާދީ ނަޕޮލިޓާ ވިދާޅުވެފައި ވެއެވެ.

"އެ މަނިކުފާނު ބޭނުމެއް ނުކުރައްވާ އެންއެސްއޭއެއް. އެ މަނިކުފާނު ބޭނުމެއް ނުކުރައްވާ ސީއައިއޭއެއް. އެ މަނިކުފާނު ބޭނުމެއް ނުކުރައްވާ އެފްބީއައިއެއް. އެ މަނިކުފާނު ބޭނުމެއް ނުކުރައްވާ ޑިޕާޓްމަންޓް އޮފް ޖަސްޓިސްއެއް އެ މަނިކުފާނު ބޭނުންކުރެއްވީ ޖީސީއެޗްކިއު"

ޖީސީއެޗްކިއުގެ ތަރުޖަމާނު ވިދާޅުވީ "ޖީސީއެޗްކިއުއާ ބެހޭ ގޮތުން، އެ އެޖެންސީން ފޯންކޯލް އަޑުއެހި ކަމަށް ބުނެ މީޑިއާ ކޮމެންޓޭޓަރެއް ކަމަށްވާ އެންޑްރޫ ނަޕޯލިޓާ ދާދިފަހުން ދައްކަވާފައިއެވާ ވާހަކަކީ ކަނޑައެޅިގެން ދޮގެއް" ކަމަށެވެ.