އިނގިރޭސި ޕާލިމެންޓަށް ދިން ހަމަލާ: މިހާތަނަށް ލިބިފައިވާ މައުލޫމާތު

އިނގިރޭސި ވިލާތުގެ ވެސްޓް މިންސްޓަރ އަދި ހައުސް އޮފް ޕާލިމެންޓް ސަރަހައްދުގައި ބުދަ ދުވަހު ހިނގި ހަމާލާއާ ބެހޭ ގޮތުން މިހާތަނަށް އިނގިރޭސި ވިލާތުގެ އެކިއެކި ޚަބަރު ފަތުރާ ވަސީލަތްތަކުން ޔަގީންކޮށްދީފައިވާ މައުލޫމާތައް ބަލާއިރު:

• ވަޅި އަކުން ފުލުހަކަށް މީހަކު ހަމަލާ ދިނުމުން، ހަތިޔާރު އެޅި ފުލުހުން ވަނީ ހަމަލާދިން ކަމަށް ބެލޭ މީހާގެ ގަޔަށް ބަޑި ޖަހާފައެވެ.
• ވެސްޓް މިންސްޓަރ ބްރިޖްގައި ޒަޚަމްވެފައި ތިބި ބައެއްގެ ފޮޓޯތަކެއް ވަނީ އާއްމު ވެފައެވެ. ވެސްޓް މިންސްޓަރ ބްރިޖްގައި ޒަޚަމްވި މީހުންގެ ތެރޭގައި ފަރަންސޭސި ވިލާތުގެ ދަރިވަރުންތަކެއް ހިމެނޭކަމަށް ފަރަންސޭސި ސަރުކާރުންވަނީ ހާމަކޮށްފައެވެ. ބްރިޖް މަތިން މީހުންނަށް އަނިޔާވީ، އެގޮތް މިގޮތައް ދުއްވަމުން އައި ކާރަކުން ޖެހިގެން ކަމަށް މީޑިއާ ރިޕޯޓްތައް ބުނެއެވެ. ކާރުން ޖެހި އެތައް ބަޔަކު ޒަޚަމްވެފައިވެއެވެ.
• ޕާލިމެންޓް ބިލްޑިން އާ ދިމާލަށް ވެސްޓްމިންސްޓަރ ބްރިޖް މަތިން އައި ކާރު އިމާރާތުގެ ބޭރު ފާރަށް އަރާފައިވާ މަންޒަރު ދައްކުވައިދޭ ވީޑިއޯއެއް ވަނީ އާންމުވެފައެވެ. އެހިސާބުން ކާރުގައި އިން މިހާ ކާރު ދޫކޮށްލާ، ޕާލިމެންޓް އިމާރާތުގެ ދޮރުން އެތެރެއަށް ވަދެ ފުލުހަކަށް ހަމަލާ ދިނެވެ.
• ހަތިޔާރު ހިފައިގެން ހުރި މީހާގެ ގަޔަށް ބަޑިޖެހީ ފުލުހަކަށް ހަމަލާ ދިނުމުން ކަމަށް ރިޕޯޓުތަކުގައި ވެއެވެ.
• ވެސްޓްމިނިސްޓަރ އިމާރާތުގެ ތެރޭގައި މީހަކަށް ފަރުވާ ދެމެންދާ މަންޒަރު ވަނީ ނޫސްވެރިންނަށް ފެނިފައެވެ.
• އިނގިރޭސި ފުލުހުންގެ މައި އިދާރާ ސްކޮޓްލެންޑް ޔާޑުން ވަނީ މިހިނގާދިޔަ ހާދިސާއަކީ ޓެރަރިސް ހާދިސާއެއްގެ ގޮތުގައި ދެކޭކަން ހާމަކޮށްފައެވެ.
• ހާދިސާ ހިނގިއިރު އިނގިރޭސި ބޮޑުވަޒީރު ޓެރެސާ މޭ ހައުސް އޮފް ކޮމަންސް އިމާރާތުގައި ހުންނެވިއެވެ. އެކަން ހިނގުމާއެކު، ފުލުހުން ވަނީ ކާރެއްގައި އެކަމަނާ ރައްކާތެރި ސަރަހައްދަކަށް ގެންގޮސްފައެވެ.
• މިހާދިސާގައި އެކަކު މަރުވި ކަމަށް ބައެއް ރިޕޯޓްތަކުގައި ވެއެވެ.