އާދީއްތަ 15 ޑިސެންބަރު 2019
06 މުލަ
1441 ރަބީޢުލްއާޚިރު 18
ފަތިސް 04:46
އިރުއަރާ 06:02
މެންދުރު 12:05
އަސްރު 15:25
މަޣްރިބް 17:59
އިޝާ 19:17
ދުނިޔެ - ފްރެންކީ ޒަޕަޓާ

އިންސާނަކު "އުދުހިފައި" އިނގިރޭސި ކަނޑުއޮޅި ހުރަސްކޮށްފި

  • ރާސްތާ ކަޑައްތުކުރީ 23 މިނިޓުގެ ތެރޭގައި
  • މިއީ އިންސާނަކު ހަވަރބޯޑެއްގައި އިނގިރޭސި ކަނޑުއޮޅި ހުރަސްކުރި ފުރަތަމަ ފަހަރު
  • މިއީ މިކަން ކުރަން މަސައްކަތް ކުރި ދެވަނަ ފަހަރު

އަމަން ހަލީމް
soupized

ކ. މާލެ 4 އޯގަސްޓު 2019 | އާދީއްތަ 13:16 24,264

ފްރެންކީ ޒަޕަޓާ އޭނާގެ ހަވަރބޯޑު މަތީގައި - ރޮއިޓަރސް

ފަރަންސޭސީ އީޖާދުވެރިއެއް ކަމުގައިވާ ފްރެންކީ ޒަޕަޓާ، ޖެޓް-ޕަވަރޑް ހަވަރބޯޑެއްގައި އިނގިރޭސި ކަނޑުއޮޅި ހުރަސްކޮށްފިއެވެ.

ޒަޕަޓާގެ ދަތުރު ފަށާފައިވަނީ ފަރަންސޭސްވިލާތުގައި ހުންނަ ކަލާއިގެ ސަންގާޓޭ ބީޗުންނެވެ. 35 ކިލޯމީޓަރުގެ ރާސްތާ ކަޑައްތުކުރުމަށް ފަހު، އިނގިރޭސިވިލާތުގެ ކެންޓްގެ ސެއިންޓް މާގަރެޓްސް ބޭއަށް ވާސިލުވާން ޒަޕާޓާ ހޭދަކޮށްފައިވަނީ އެންމެ 23 މިނިޓެވެ. މިއާއިއެކު ޒަޕާޓާ ވެގެންގޮސްފައިވަނީ ހަވަރބޯޑެއްގައި އިނގިރޭސި ކަނޑުއޮޅި ހުރަސްކުރި ފުރަތަމަ މީހާއަށެވެ.

މިދަތުރުގައި ޒަޕަޓާގެ އެވަރެޖު ސްޕީޑަކީ ގަޑިއިރަކު 87 މޭލު ބާރުމިނުގައި، ކަނޑުގެ ލޮނުގަނޑުން 49 ފޫޓު މަތީގައެވެ. މިދަތުރަށް ޒަޕަޓާ ލައިގެން ހުރީ މަޝްހޫރު މާވެލް ފިލްމުތަކުން ފެންނަ އަޔަން މޭންގެ އަންނައުނާ އެއްގޮތަށް ފަރުމާކޮށްފައިވާ ސޫޓެއް ލައިގެންނެވެ.

އާދިއްތަ ދުވަހު ޒަޕަޓާ އިނގިރޭސި ކަނޑުއޮޅި ހުރަސްކުރީ، މިދިޔަ މަހުގެ ތެރޭގައި ކަނޑުއޮޅި ހުރަސްކުރުމަށް ކުރި މަސައްކަތް ނާކާމިޔާބުވެފައިވަނިކޮށެވެ. އެގޮތުން ޖުލައި 25 ވަނަ ދުވަހުގެ ތެރޭގައި ރީފިއުލްކުރަން މަސައްކަތްކުރި ވަގުތު އޭނާ ވަނީ ހަވަރބޯޑާއެކު މޫދަށް ވެއްޓިފައެވެ.

ޒަޕަޓާ އަމިއްލައަށް އުފައްދާފައިވާ ހަވަރބޯޑަކީ، ކުދި ފަސް ޓަރބޯޖެޓް އިންޖީނު ހަރުކުރެވިފައިވާ މެޝިނެކެވެ. މި ހަވަރބޯޑަށް 10000 ފޫޓު އުސްމިނަށް ދިޔުމުގެ ގާބިލިއްޔަތުވެސް ލިބިފައިވެއެވެ.

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް