އަންހެނުންނަށް ޤަދަރުކުރާ ރައީސަކު ހުރިކަން އެއީ ލިބުނު ނަސީބެއް: މާރިޔާ
3 ފެބުރުއަރީ 2019 | އާދީއްތަ 06:18ވަޒީރުކަމުގެ ޒިންމާ އަދާކުރަން އިރުޝާދު ދެއްވާކަމަށް ވިދާޅުވި
ޑިފެންސް މިނިސްޓަރ މާރިޔާ ދީދީ
އަންހެނުންނަށް ޤަދަރުކުރާ ރައީސަކު ހުރިކަން އެއީ ދިވެހިންނަށް ލިބުނު ނަސީބެއް ކަމަށް ޑިފެންސް މިނިސްޓަރ މާރިޔާ ދީދީ ވިދާޅުވެއްޖެއެވެ.
އާދިއްތަ ދުވަހު މާރިޔާ ކުރެއްވި ޓްވީޓެއްގައި ވިދާޅުވީ، ސަރުކާރާއި ސިިފައިންގެ ވެރިއަކަށް ރައީސް އިބްރާހިމް މުހައްމަދު ސޯލިހުފަދަ އަންހެނުންނަށް ޤަދަރުކުރައްވާ ބޭފުޅަކު ހުންނެވިކަން އެއީ ދިވެހިންގެ ނަސީބު ކަމަށާއި، ވަޒީރުކަމުގެ ޒިންމާ އަދާކުރެއްވުމުގެ އިރުޝާދު ރައީސް ފުރިހަމައަށް ދެއްވާ ކަމަށެވެ.
މާރިޔާ އެހެން ވިދާޅުވެފައިވާއިރު، މިއީ ޑިފެންސް މިނިސްޓަރު ކަމުގެ މަޤާމު ރާއްޖޭގައި އަންހެން ބޭކަނބަލަކު ފުރުއްވާ ފުރަތަމަ ފަހަރެވެ. އަދި އެކި ދާއިރާތަކުގައި އަންހެނުންގެ ބާރުވެރިކުރުވުން އިތުރުކުރުމަށް މި ސަރުކާރުން މަސައްކަތް ކުރާއިރު، ދާދިފަހުން ފުރަތަމަ ފަހަރަށް ފުލުހުންގެ ތަރުޖަމާނެއްގެ ގޮތުގައި އަންހެން ބޭކަނބަލަކު ވަނީ އައްޔަނު ކޮށްފައެވެ.
