އައިޖީއެމްއެޗުން މާބަނޑު އަންހެނުންނަށް އިންފްލުއެންޒާ ވެކްސިން ދޭން ފަށައިފި އެވެ.

އައިޖީއެމްއެޗުން މާބަނޑު އަންހެނުންނަށް މި ވެކްސިން ދޭން ފަށާފައިވާ އިރު ބުރާސްފަތި ދުވަހުން ފެށިގެން ކޮންމެ ދުވަހަކު ހޮސްޕިޓަލުގެ ރީޕްރޮޑަކްޓިވް ހެލްތު ކްލިނިކުން ކޮންމެ ދުވަހު ހެނދުނު އަށަކުން ހަވީރު ހަތަރެއްގެ ނިއަލަށް ވެކްސިން ދިނުމުގެ އިންތިޒާމްތައް ހަމަޖެހިފައިވާ ކަމަށް އެ ހޮސްޕިޓަލުން ބުނެ އެވެ.

ވެކްސިން ޖެހުމަށް އެދޭ ފަރާތްތަކުން އައިޑީ ކާޑާއި މާބަނޑުކަން އަންގައިދޭ ކާޑު ހިފައިގެން ދިއުމުން ވެކްސިން ޖެހޭނެ ކަމަށް އެ ހޮސްޕިޓަލުން ބުނެ އެވެ.

އައިޖީއެމްއެޗްގެ މީޑިޔާ އޮފިޝަލް މައުސޫމް ވިދާޅުވީ، ދަމަނަވެއްޓަކީ ވެކްސިން ދިނުމުގެ އިންތިޒާމްތައް ހަމަޖެހިފައިވާ ތަން ނަމަވެސް އެތަނުގައި ވެކްސިން ޖެހުމަށް ގިނަ ބަޔަކު ގޮސްފައިވާ ވުމުން އެ ހޮސްޕިޓަލުގައި މާބަނޑު މީހުންނަށް ވެކްސިން ދިނުމުގެ އިންތިޒާމްތައް މިހާރު ހަމަޖެހިފައިވާ ކަމަށެވެ. އެގޮތުން ބުދަ ދުވަހުގެ ހަވީރު ހަޔެއް ޖެހުމާ ހަމައަށް 300 އަށް ވުރެ ގިނަ މީހުންނަށް ވެކްސިން ދެވިފައިވާ ކަމަށް އައިޖީއެމްއެޗުން ބުނެ އެވެ.

އައިޖީއެމްއެޗުގައި މާބަނޑު މީހުންނާ އިންފްލުއެންޒާ ވެކްސިން ދޭން ފަށާފައިވާ އިރު، މިދިޔަ ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައި ޑރ. އަބްދުﷲ ނިޔާފް ވިދަޅުވީ، ވެކްސިން ރާއްޖޭގައި ހުރި ނަމަވެސް އެ ވެކްސިން ހުރީ ލިމިޓެޑް ސްޓޮކްއެއްގައި ކަމަށެވެ. އެހެން ކަމުން އެންމެ މުހިއްމު ފަރާތްތަކަށް ވެކްސިން ދިނުމަށް ހަމަޖެހިފައިވާ ކަމަށް އޭނާ ވިދާޅުވި އެވެ.

ރާއްޖޭގައި އެޗް1އެން1 ވައިރިއަސް ފެތުރެމުންދާ އިރު މި ބަލިން ރައްކާތެރިވުމަށްޓަކާއި އާއްމު ސާފުތާހިރުކަމަށް ސަމާލުވުމަށް ހެލްތް ޕްރޮޓެކްޝަން އޭޖެންސީން ވަނީ އިލްތިމާސްކޮށްފަ އެވެ.