ސީރިޔާގައި ހަރަކާތްތެރިވާ ކުރުދީ ހަނގުރާމަވެރިންނަށް ތުރުކީ އިން ހަމަލާ ދީފި ހާލަތެއްގައި، އެ ގައުމުގެ އިގްތިސާދު ފުނޑާލާނެކަމުގެ އިންޒާރު އެމެރިކާގެ ރައީސް ޓްރަމްޕް ދެއްވައިފިއެވެ.
އާދިއްތަ ދުވަހު ކުރެއްވި ޓްވީޓްއެއްގައި ޓްރަމްޕް ވިދާޅުވީ ސީރިޔާގައި ތިބި އައިސިސްގެ ސަރަހައްދުތަކަށް ހަމަލާ ދިނުމަށް ފަހު އެމެރިކާ ސިފައިން ފޭބުމުގެ މަސައްކަތް ކުރަމުންދާނެ ކަމަށެވެ. އަދި ފޭބުމަށް ފަހު ވެސް ކައިރި ގައުމުތަކުގައި ހުރި އަސްކަރީ ބޭސްތަކުން ވެސް އައިސިސްއަށް ހަމަލާ ދޭން ޖެހިއްޖެ ހާލަތެއްގައި ހަމަލާދޭނެ ކަމަށް ވެސް ޓްރަމްޕް ވަނީ ވިދާޅުވެފައެވެ ވިދާޅުވިއެވެ.
Starting the long overdue pullout from Syria while hitting the little remaining ISIS territorial caliphate hard, and from many directions. Will attack again from existing nearby base if it reforms. Will devastate Turkey economically if they hit Kurds. Create 20 mile safe zone....
— Donald J. Trump (@realDonaldTrump) January 13, 2019
ނަމަވެސް ތުރުކީއަށް ނިސްބަތްކޮށް ޓްރަމްޕް އިންޒާރު ދެއްވުމަށް ފަހު ދެން ކުރެއްވި ޓްވީޓްގައި ވަނީ ހަމަ ތުރުކީ ފަދައިން، ކުރިދީން ވެސް ތުރުކީއަށް ފުރައްސާރަ ނުކުރުމަށް އެދިވަޑައިގެންފައެވެ.
އެމެރިކާގެ އެހީއާ އެކު ސީރިޔާގައި ހަނގުރާމަ ކުރަމުން އަންނަ ބައެއް ކުރުދީންގެ ޖަމާއަތްތަކަކީ، ޓެރަރިސްޓު ޖަމާއަތްތަކުގެ ގޮތުގައި ތުރުކީން ކަނޑައަޅާފައިވާ ޖަމާއަތްތަކެކެވެ.
ޓްރަމްޕްގެ ޓްވީޓްއަށް ރައްދު ދެއްވައި، ތުރުކީގެ ރައީސްގެ ތަރުޖަމާނު އިބްރާހިމް ކާލިން ވިދާޅުވީ ދެ ގައުމުގެ ދެމެދުގައި ވެފައިވާ އެއްބަސްވުމުގައިވާ ކަންކަމަށް އެމެރިކާއިން އިހުތިރާމް ކުރާނެ ކަމަށް އުއްމީދު ކުރައްވާ ކަމަށެވެ. އަދި ގުޅިގެން މަސައްކަތް ކުރާ ބައިވެރިންނަށް ޓެރަރިސްޓުން ނެހެދޭނެ ކަމަށް ވެސް ކާލިން ވިދާޅުވިއެވެ.
މީގެ އިތުރުން ވެސް އާދައިގެ ކުރުދީންނަކީ ޓެރަރިސްޓުންގެ ގޮތުގައި ނުދެކޭ ކަމަށާއި، ޓެރަރިސްޓުންގެ ގޮތުގައި ބަލަނީ ޕީކޭކޭއާއި އެ މީހުންގެ ސީރިޔާގެ ގޮފި ކަމުގައިވާ ޕީވައިޑީ/ވައި.ޕީ.ޖީ ކަމަށް ވެސް ކާލިން ވިދާޅުވިއެވެ. އަދި ޓެރަރިސްޓުންގެ ހަމަލާތަކުން ކުރިދީންނާއި އެހެން ސީރިޔާގެ މީހުން ދިފާއުކުރުމުގައި ދެމިތިބޭނެ ކަމަށް ވެސް ކާލިން ވިދާޅުވިއެވެ.
އެމެރިކާގެ ނެޝަނަލް ސެކިއުރިޓީ އެޑްވައިޒަރު ޖޯން ބޯލްޓަން އެމެރިކާ ސިފައިން ސީރިޔާ އިން ފޭބުމުގެ ޝަރުތަކަށް، އެމެރިކާ އިން ވާގިވެރިވާ ކުރިދީ ހަނގުރާމަވެރިންނަށް ތުރުކީ އިން ދޭ ހަމަލާތައް ހުއްޓާލަން ޖެހޭ ކަމަށް ބުނުމުން ތުރުކީގެ ރައީސް އުރުދުގާން ވަނީ ވަރުގަދަ ރައްދެއް ދެއްވާފައެވެ. އުރުދުގާން ވިދާޅުވީ ބޯލްޓަންގެ ވިސްނުން ގޯސްކަމަށާއި، އެއީ އޮޅުމެއް ކަމަށް ވިދާޅުވެފައެވެ. އަދި މި މައްސަލައިގައި ތުރުކީ އިން ދޫނުދޭނެ ކަމަށް ވެސް އުރުދުގާން ވިދާޅުވިއެވެ.
މިދިޔަ ބުރާސްފަތި ދުވަހު އެމެރިކާއިން ސީރިޔާގައި ހުރި އެ ގައުމުގެ ހަތިޔާރު ބޭލުމުގެ މަސައްކަތް ފަށާފައިވާ ކަމަށް އެމެރިކާގެ އޮފިޝަލަކާ ހަވާލަދީ ސީއެންއެން އިން ވަނީ ރިޕޯޓްކޮށްފައެވެ.
