އެމެރިކާގެ ޖާސޫސީ އިދާރަތައް ޓްރަމްޕް ކުށްވެރިކުރައްވައިފި

އެމެރިކާގެ ރައީސްކަމަށް އިންތިޚާބުވެފައިވާ ޑޮނަލްޑް ޓްރަމްޕްގެ ލަދުވެތި މައުލޫމާތުތަކެއް ރަޝިއާގެ އަތުގައި އޮތް ކަމަށް ބުނެ ދައްކާ ވާހަކަތައް ލީކޮށްލީ އެމެރިކާގެ އިންޓެލިޖެންސް އޭޖެންސީތަކުން ކަމަށް ޓްރަމްޕް ވިދާޅުވެއްޖެއެވެ.

ޓްރަމްޕްވަނީ އެއީ "ނާޒީ ޖަރުމަނުން ކުރާކަހަލަ ކަމެއް" ކަމަށް ވިދާޅުވެފައެވެ.

އެމެރިކާގެ ޖާސޫސީ އިދާރާގެ ވެރިޔާ ޖޭމްސް ކްލެޕާ ވަނީ އެފަދަ ކޮންޓެންޓެއް ލީކްވެފައި ނުވާނެ ކަމަށް ވިދާޅުވެފައެވެ.

އެމެރިކާގެ ރައީސްކަމަށް އިންތިޚާބުވެ ވަޑައިގަތުމަށް ފަހު ބޭއްވި ފުރަމަ ނޫސްވެރިންގެ ބައްދަލުވުމުގައި ޓްރަމްޕްވަނީ ރިޔާސީ އިންތިޚާބުގައި ހެކްކުރުމަށް ހަމަލާދިނުމުގެ ފަހަތުގައި އޮތީ ރަޝިއާ ކަމަށް އެއްބަސްވެ ވަޑައިގެންފައެވެ.

މި ނޫސްކޮންފަރެންސްގައި ޓްރަމްވަނީ އޭނާގެ ވިޔަފާރީގެ ފުރިހަމަ ކޮންޓްރޯލް ފިރެހެން ދަރިފުޅަށް ދީފައިވާ ކަމަށް ވެސް ވިދާޅުވެފައެވެ. އެކަމާ ބެހޭ ގޮތުން ޓްރަމްޕް ވިދާޅުވެފައި ވަނީ ވިޔަފާރިއާ ބެހިވަޑައި ނުގަންނަވާނެ ކަމަށާއި އެކަމުގެ ފުރިހަމަ ކޮންޓްރޯލް ދަރިކަލުންނާ ހަވާލުކޮށްފައި އޮތުމުން މަސްލަހަތު ފުށުނާރާނެ ކަމަށެވެ.