ޑޮނަލްޑް ޓްރަމްޕް ޔޫކޭ ބޮޑުވަޒީރު މޭ އާ ބައްދަލުކޮށްފި
ޓްރަމްޕް އާއި މޭ ވަނީ ބައްދަލުވުންތަކަށްފަހު ނޫސްވެރިންނަށް މައުލޫމާތު ދީފަ
ޓްރަމްޕް އާއި މޭ ބައްދަލުކުރައްވަނީ
އެމެރިކާގެ ރައީސް ޑޮނަލްޑް ޓްރަމްޕް އިނގިރޭސި ބޮޑުވަޒީރު ތެރޭސާ މޭއާ ބައްދަލުކުރައްވައިފި އެވެ.
ރައީސްކަމާ ހަވާލުވެވަޑައިގެން ޓްރަމްޕް ބައްދަލުކުރެއްވި ފުރަތަމަ ބޮޑުވަޒީރަކަށް މޭ ވެގެންދިޔައިރު، މި ބައްދަލުވުން ކުރިޔަށް ގެންގޮސްފައިވަނީ ވައިޓް ހައުސްގަ އެވެ.
މި ބައްދަލުވުމުގައި އިނގިރޭސި ވިލާތާއި އެމެރިކާގެ ގުޅުން ބަދަހިކުރަން މަޝްވަރާތައް ކުރިޔަށް ގެންދިޔުމަށް ވަނީ ހަމަޖެހިފައެވެ. އެހެންނަމަވެސް ޔޫރަޕިއަން ޔޫނިއަން އިން އިނގިރޭސި ވިލާތް ވަކިވެފައިވުމާއެކު، ވިޔަފާރީގެ އެއްވެސް މުއާމަލާތަކާ ބެހޭ ގޮތުން ދެގައުމަށް ވާހަކައެއް ނުދެއްކޭނެ އެވެ.
މިކަމާ ގުޅިގެން ޓްރަމްޕް ވިދާޅުވީ އިނގިރޭސި ވިލާތާ އެކު ވިޔަފާރީގެ ގުޅުން ވެސް ބަދަހިކުރަން ބޭނުންވާ ކަމަށާއި، އިނގިރޭސި ވިލާތުގެ އިތުރުން އިތުރު ގައުމުތަކާ ވެސް ގުޅުން ބަދަހިކުރަން ބޭނުންވާ ކަމަށެވެ.
ޓްރަމްޕް އާއި މޭ ވަނީ ބައްދަލުވުންތަކަށްފަހު ނޫސްވެރިންނަށް މައުލޫމާތު ދީފައެވެ.
