އެމްއާރުޑީސީ އުވާލުމަށް ނިންމައި ދަރަންޏެއް އޮތްތޯ ބެލުމަށް އިއުލާނުކޮށްފި
15 މާރިޗު 2018 | ބުރާސްފަތި 12:10ކުންފުނިން ލިބެންޖެހޭ ފައިސާއެއް އޮތް ނަމަ އާދީއްތަ ދުވަހުން ފެށިގެން ހުށަހެޅުމަށް ވަނީ އަންގާފައި
އެމްއާރުޑީސީގެ ޕްރެސް ކޮންފަރެންސެއްގެ ތެރެއިން
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން ލިމިޓެޑް (އެމްއާރްޑީސީ) އުވާލުމުގެ މަސައްކަތް ސަރުކާރުން ފަށައިފިއެވެ.
ސަރުކާރުގެ ގިނަ މަޝްރޫއުތަކެއް ހިންގަމުން އަންނަ މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން އުވާލުމަށް ކުރަން ޖެހޭ މަސައްކަތް ފަށާފައިވާ އިރު ދަރަންޏެއް ހޯދުމަށް ވަނީ ގެޒެޓްގައި ޝާއިއުކޮށްފައެވެ.
ސަރުކާރުގެ ގެޒެޓްގައި ބުރާސްފަތި ދުވަހު ކޮށްފައިވާ އިއުލާނެއްގައި ބުނެފައި ވަނީ އެމްއާރޑީސީ އުވާލުމަށް ނިންމާފައިވާތީ އެ ކުންފުނީގެ ފަރާތުން ފައިސާ ލިބެންޖެހޭ އެއްވެސް ފަރާތެއް ނުވަތަ ކުންފުންޏެއް ވާނަމަ އަންނަ އާދީއްތަ ދުވަހުން ފެށިގެން ރަސްމީ ބަންދު ނޫން 7 (ހަތް) ދުވަހުގެ ތެރޭގައި އެކުންފުންޏަށް އިންވޮއިސް / ބިލް ޑޮކިއުމަންޓާ އެކު ހުށަހެޅުއްވުމަށް ދަންނަވާ ކަމަށެވެ. އަދި 26 މާރޗް 2018 ގެ 15:00 ގެ ފަހުން ހުށަހަޅުއްވާ އެއްވެސް ބިލެއް އެ ކުންފުނިން ބަލައި ނުގަންނާނެ ކަމަށްވެސް ވަނީ އިއުލާނުގައި ބުނެފައެވެ.
އެމްއާރުޑީސީ އުވާލުމަށް ނިންމާފައި މިވަނީ އެކުންފުންޏާ ގުޅޭ ބޮޑެތި ކޮރަޕްޝަންތަކެއްގެ ތުހުމަތު ޢާއްމުން ކުރަމުންދާ ދަނޑިވަޅެއްގައެވެ.
