ހުޅުމާލޭ ހުޅަނގުފަރާތު ފަޅުތެރޭގައި އެޗްޑީސީގެ ހުއްދަ ނެތި އަޅާފައިވާ އުޅަނދުތައް ނަގަން ނިންމާފައިވާ ކަަމަށް އެ ކޯޕަރޭޝަނުން ބުނެވެ.
އެޗްޑީސީ އިން ބުނީ އަންނަ މަހުގެ އެއް ވަނަ ދުވަހުން ފެށިގެން އެކުންފުނީގެ ހުއްދައެއް ނެތި ހުޅުމާލޭ ހުޅަނގު ފަރާތު ފަޅުތެރޭގައި އެއްވެސް އުޅަނދެއް އަޅާފައި ބާއްވާނަމަ، އެކުންފުނިން އެ އުޅަނދެއް ނަގާނެ ކަމަށެވެ. އަދި މިކަމުގެ ސަބަބުން އެ އުޅަނދަކަށް ލިބޭ ގެއްލުމަކަށް އެޗްޑީސީއިން ޒިންމާ ނުވާނެ ކަމަށް އެ ކުންފުނިން ބުނެފައިވެއެވެ، .
އެޗްޑީސީ އިން ބުނީ މިގޮތަށް ނިންމީ، ހުޅަނގު ފަރާތު ފަޅުތެރެ ބޭނުންކުރާ ފަރާތްތަކުން ހުއްދަނެތި އެސަރަޙައްދުގައި އުޅަނދުފަހަރު އަޅާފައި ބޭއްވުމުގެ ސަބަބުން ހުޅުމާލޭގެ ދެވަނަ ފިޔަވަހީގެ ތަރައްޤީގެ މަޝްރޫޢުތަކަށާއި އެއަރޕޯޓްގެ ތަރައްޤީގެ މަސައްކަތަށް ގެންނަ މުދާ ހިފައިގެން އެސަރަޙައްދުން ދަތުރުކުރާ ބޮޑެތި ބާޖުފަދަ އުޅަނދުފަހަރަށް ވަދެ ނިކުތުމުގައި ދަތިތަކާއި ކުރިމަތިވަމުންދާތީ ކަމަށެވެ
