Raajje.mv
Raajje.mv
  • ރާއްޖެ
  • ދުނިޔެ
  • ކުޅިވަރު
  • ވިޔަފާރި - އިގްތިސާދު
  • ސިއްހަތު
  • ރިޕޯޓު
  • ފިލްމް - މިޔުޒިކް
  • ތަފާތު ޚަބަރު
  • އިސްލާމް
  • ލައިފް ސްޓައިލް
Advertisement - worldAdvertisement
ދުނިޔެޣައްޒާ ޤައުލުޢާންމު

އެއްބަސްވުމަށް ބެލުމެއް ނެތި ޔަހޫދީ ސިފައިން ޣައްޒާއަށް އަނެއްކާ ވެސް ހަމަލާދީ ހަތަރު މީހުން ޝަހީދުކޮށްލައިފި

22 ނޮވެމްބަރު 2026 | އާދީއްތަ 06:39

ޣައްޒާގެ އެކި ސަރަހައްދުތަކަށް ޔަހޫދީ އިސްރާއީލުގެ ސިފައިން ދެމުންދާ ހަމަލާތަކުގައި ގިނަ ބަޔަކު ޝަހީދުވެ ޒަޚަމުވަމުންދާއިރު، ޚާން ޔޫނިސްގެ އިރުމަތީގައި ހުރި އިމާރާތްތައް ގޮއްވާލައި ބިމާ ހަމަކުރުމުގެ އޮޕަރޭޝަނެއް ވެސް ވަނީ ހިންގާފައި. މި ހަމަލާތަކަކީ ޤަތުލުޢާންމު ހުއްޓާލުމުގެ އެއްބަސްވުމާ ޚިލާފަށް ދެމުންދާ ހަމަލާތަކެއް ކަމަށްވާއިރު، 2023 އޮކްޓޫބަރުން ފެށިގެން ހިންގަމުންދާ ލާއިންސާނީ ޤަތުލުޢާންމުގައި ޝަހީދުކޮށްލާފައިވާ ފަލަސްޠީނު ރައްޔިތުންގެ އަދަދު މިހާރު ވަނީ 74,000 އަށްވުރެ މައްޗަށް އަރާފައި

ނިއުސް ޓީމް
ނިއުސް ޓީމް | 22 ނޮވެމްބަރު 2026 | އާދީއްތަ 06:39
ޣައްޒާގައި ގެދޮރު ގެއްލިފައިވާ މީހުން ދިރިއުޅޭ ސަރަހައްދެއްގައި ހުރި ފޭލިގެތަކަކަށް އަމާޒުކޮށް ޔަހޫދީ އިސްރާއީލުގެ ސިފައިން ވައިގެ ހަމަލާއެއް ދިން ވަގުތު އެ ސަރަހައްދު ގޮވާ މަންޒަރު

ޣައްޒާގައި ގެދޮރު ގެއްލިފައިވާ މީހުން ދިރިއުޅޭ ސަރަހައްދެއްގައި ހުރި ފޭލިގެތަކަކަށް އަމާޒުކޮށް ޔަހޫދީ އިސްރާއީލުގެ ސިފައިން ވައިގެ ހަމަލާއެއް ދިން ވަގުތު އެ ސަރަހައްދު ގޮވާ މަންޒަރު | އަނަދޮލު އޭޖެންސީ

ހޮނިހިރު ދުވަހު ޣައްޒާގެ އެކި ސަރަހައްދުތަކަށް ޔަހޫދީ އިސްރާއީލުން ދިން ނިރުބަވެރި ހަމަލާތަކުގައި ފަލަސްޠީނުގެ ހަތަރު މީހުން ޝަހީދުކޮށްލައި، ކުޑަކުއްޖަކާއި އަންހެނަކު ހިމެނޭހެން އިތުރު 14 މީހުން ޒަޚަމުކޮށްލާފައިވާ ކަމަށް ސިއްހީ މަސްދަރުތަކުން ބުނެފި އެވެ.

މި ހަމަލާތައް ދީފައިވަނީ 2025 އޮކްޓޫބަރު މަހުން ފެށިގެން އަމަލުކުރަމުންދާ ޤަތުލުޢާންމު ހުއްޓާލުމުގެ އެއްބަސްވުމާ އިސްރާއީލްގެ އަސްކަރިއްޔާއިން ތަކުރާރުކޮށް ޚިލާފުވަމުންދާ ދަނޑިވަޅެއްގަ އެވެ. އެންމެ ފަހުގެ ހާދިސާތަކަށް ބަލާއިރު، ޣައްޒާ ސިޓީގެ ހުޅަނގުދެކުނުގައި އޮންނަ ތަލް އަލް-ހަވާ އަވަށުގައި ދުއްވާފައި ދިޔަ އުޅަނދަކަށް ޔަހޫދީ ސިފައިން ދިން ހަމަލާއެއްގައި ފަލަސްޠީނުގެ ތިން މީހުން ޝަހީދުވެ، އިތުރު ބަޔަކު ޒަޚަމުވެފައިވާ ކަމަށް އަލް-ޝިފާ ހަސްފަތާލުގެ ސިއްހީ މަސްދަރަކުން ބުންޏެވެ.

Advertisement - worldAdvertisement

އުތުރު ޣައްޒާގެ ޖަބާލިޔާގެ އިރުމަތީގައި ހުންނަ ގެދޮރު ގެއްލިފައިވާ މީހުން ދިރިއުޅޭ ހަލާވާ ކޭމްޕަށް ޔަހޫދީ ސިފައިން ދިން ބަޑީގެ ހަމަލާތަކުގައި އަޙްމަދު އަބޫ ޖަބަލް ނަމަކަށް ކިޔާ މީހަކު ޝަހީދުކޮށްލާފައިވާ ކަމަށް ވެސް އެ މަސްދަރުން ބުންޏެވެ. ހަމަމިއާއެކު، ޖަބާލިޔާގައި ޔަހޫދީ ސިފައިން ބަޑިޖެހުމުގެ ސަބަބުން ޒަޚަމުތަކެއް ލިބުނު ފަލަސްޠީނުގެ ދެ މީހަކަށް ފަރުވާ ދިނުމަށް ހަސްފަތާލުގައި އެޑްމިޓްކޮށްފައިވާ ކަމަށް ސިއްހީ އެހެން މަސްދަރަކުން ބުނެފައިވެ އެވެ.

ޖަބާލިޔާގެ އިރުމަތީގައި އޮންނަ ހަލާވާ ކޭމްޕުގައި ގެދޮރު ގެއްލިފައިވާ ފަލަސްޠީނުގެ ރައްޔިތުން ހިޔާވަހިކަން ހޯދަމުންދާ ފޭލިގެތަކަށް އަމާޒުކޮށް އިސްރާއީލްގެ އަސްކަރީ އުޅަނދުތަކާއި ކްއަޑްކޮޕްޓަރު ޑްރޯންތަކުން ބަޑިޖަހާފައިވާ ކަމަށް އެ ސަރަހައްދުގެ މަސްދަރުތަކުން ރިޕޯޓުކުރި އެވެ. މިއާއެކު، ހުކުރު ދުވަހުގެ ރެއިން ފެށިގެން ހޮނިހިރު ދުވަހުގެ ހެނދުނާ ހަމައަށް ޣައްޒާގެ އެކި ސަރަހައްދުތަކަށް ޔަހޫދީ އަސްކަރިއްޔާއިން ބަރު ހަތިޔާރުން ނުރައްކާތެރި ބަޑީގެ ހަމަލާތައް ދީފައިވެ އެވެ. މި ގޮތުން ޖަބާލިޔާ އަދި ބައިތު ލާހިޔާގެ އިރުމަތީ ސަރަހައްދުތަކަށް އާޓިލަރީ ބަޑީގެ ހަމަލާތަކާއެކު އެތައް ފަހަރު ހަމަލާދީފައިވާ ކަމަށް އެ ސަރަހައްދުގެ މަސްދަރުތަކުން ބުންޏެވެ.

ދެކުނާއި މެދުތެރޭ ޣައްޒާއަށް ދިން ޑްރޯން އަދި އާޓިލަރީ ބަޑީގެ ހަމަލާތައް

ދެކުނު ޣައްޒާއަށް ބަލާއިރު، ޔަހޫދީ ސިފައިން ބަޑިޖެހުމުގެ ސަބަބުން ފަޔަށް ޒަޚަމުތަކެއް ލިބުނު ކުޑަކުއްޖަކާއި އަންހެނަކު ނާޞިރު ހަސްފާތާލުގައި އެޑްމިޓްކޮށްފައިވާ ކަމަށް އެ ހަސްފަތާލުގެ ސިއްހީ މަސްދަރަކުން ހާމަކުރި އެވެ. އިސްރާއީލްގެ އަސްކަރީ އުޅަނދުތަކުން އެ ހަމަލާތައް ދީފައި ވަނީ ޚާން ޔޫނިސްގެ ހުޅަނގުދެކުނުގައި އޮންނަ އަލް-ކަނީސާ ސަރަހައްދުގައި ކަމަށް އެ މަސްދަރުން ބުންޏެވެ.

ދެކުނު ޚާން ޔޫނިސްގެ އަލް-މަސްލަޚް ސަރަހައްދު ކައިރިއަށް ޔަހޫދީ ސިފައިން ދިން ޑްރޯން ހަމަލާއެއްގައި ޒަޚަމުވި ފަލަސްޠީނުގެ ރައްޔިތުންގެ އަދަދު އަށަކަށް އަރާފައިވާ ކަމަށް ނާޞިރު ހަސްފަތާލުގެ ސިއްހީ މަސްދަރަކުން ބުންޏެވެ. ހަމަމިއާއެކު، ޚާން ޔޫނިސްގެ ދެކުނުގައާއި ރަފަޙްގެ އުތުރުގައި ގެދޮރު ގެއްލިފައިވާ ފަލަސްޠީނުގެ ރައްޔިތުން ދިރިއުޅޭ ފޭލިގެތަކަށް އަމާޒުކޮށް ބަޑީގެ ހަމަލާތަކެއް ދީފައިވާ ކަމަށް މަންޒަރު ފެނުނު މީހުން ބުންޏެވެ. މިއާއެކު، ޚާން ޔޫނިސްގެ ހުޅަނގުގައި އޮންނަ އަލް-މަވާސީގައި ބަޔަކު އެއްވެ ތިބި ތަނަކަށް އިސްރާއީލުން ދިން ޑްރޯން ހަމަލާއެއްގައި އިތުރު ދެ މީހަކަށް ސީރިއަސް ޒަޚަމުތަކެއް ލިބިފައިވާ ކަމަށް ސިއްހީ މަސްދަރުން ބުންޏެވެ.

މެދުތެރޭ ޣައްޒާއަށް ބަލާއިރު، ބުރައިޖް ރެފިއުޖީ ކޭމްޕްގެ އުތުރުގައިވާ ސަރަހައްދުތަކަށް އިސްރާއީލްގެ އަސްކަރިއްޔާއިން އާޓިލަރީ ބަޑީގެ ހަމަލާތަކެއް ދީފައިވާ ކަމަށް އެ ސަރަހައްދުގެ މަސްދަރުތަކުން ރިޕޯޓުކުރި އެވެ. ނަމަވެސް، އެ ހާދިސާގައި އެއްވެސް މީހަކަށް ޒަޚަމެއް ލިބުނު ކަމުގެ ރިޕޯޓެއް ލިބިފައެއް ނުވެ އެވެ.

ޚާން ޔޫނިސްގެ އިރުމަތީގައި އިމާރާތްތައް ގޮއްވާލުން

ހޮނިހިރު ދުވަހުގެ ހަމަލާތައް ދީފައި ވަނީ ބުރާސްފަތި ދުވަހުގެ ރޭ ޚާން ޔޫނިސްގެ އިރުމަތީ ސަރަހައްދުގައި އިސްރާއީލްގެ އަސްކަރިއްޔާއިން އިމާރާތްތައް ބިމާ ހަމަކުރުމަށް ހިންގި ބޮޑު އޮޕަރޭޝަނެއްގައި ބާރުގަދަ ގޮވުންތަކެއް ގޮއްވާލާފައި ވަނިކޮށެވެ. އެ ގޮވުންތަކުގެ އަޑު އުތުރު ޣައްޒާއާ ހަމައަށް ވެސް އިވުނެވެ.

ޔަހޫދީ ސިފައިންގެ ބާރުގެ ދަށުގައިވާ ސަރަހައްދުތަކުގައި ހުރި ފަލަސްޠީނުގެ އިމާރާތްތަކާއި ވަސީލަތްތަކަށް ޑްރޯން މެދުވެރިކޮށް ގޮވާތަކެތި ވައްޓާލުމުގެ ސަބަބުން ގާތްގަނޑަކަށް 10 ވަރުގަދަ ގޮވުން ގޮވާފައިވާ ކަމަށް އެ ސަރަހައްދުން ރިޕޯޓުކުރަމުންދާ މުރާސިލަކު ރިޕޯޓުކުރި އެވެ. އެ ގޮވުންތަކުގެ ސަބަބުން އުފެދުނު ބޯ ދުންގަނޑު ކައިރީގައި ހުރި މީހުން ދިރިއުޅޭ އަވަށްތަކަށް ފެތުރިގެން ދިޔަ އެވެ.

މި އިމާރާތްތައް ގޮއްވާލާފައިވަނީ 'ޔެލޯ ލައިން' ނުވަތަ ޔަހޫދީ ސިފައިން އަތްގަދަކޮށްފައިވާ ސަރަހައްދު ފާހަގަކުރާ ސަރަހައްދުގެ އެތެރޭގަ އެވެ. އެއީ، އިސްރާއީލްގެ އަސްކަރީ މަރުކަޒުތަކާއި ފަލަސްޠީނުގެ ރައްޔިތުންނަށް ހަރަކާތްތެރިވުމުގެ ހުއްދަ އޮންނަ ސަރަހައްދުތައް ވަކިކޮށްދޭ އިމެވެ. މި އިމަކީ ހަމަލާބަދަލުކުރުން ހުއްޓާލުމުގެ އެއްބަސްވުމުގެ ފުރަތަމަ މަރުހަލާގެ ދަށުން ޔަހޫދީ ސިފައިން ފަހަތަށް ޖެހުމަށް ކަނޑައަޅާފައިވާ ހިސާބުތައް ފާހަގަކޮށްދޭ އިމެކެވެ.

ޝަހީދުކޮށްލާފައިވާ މީހުންނާއި ޒަޚަމުކޮށްލާފައިވާ މީހުންގެ ތަފާސްހިސާބުތައް

ޣައްޒާގެ ސިއްހީ ވުޒާރާގެ ތަފާސްހިސާބުތަކުން ދައްކާ ގޮތުގައި، ޤަތުލުޢާންމު ހުއްޓާލުމުގެ އެއްބަސްވުމާ އިސްރާއީލުން ޚިލާފުވެ ދިން ހަމަލާތަކުގައި ބުރާސްފަތި ދުވަހާ ހަމައަށް ފަލަސްޠީނުގެ 1،662 މީހުން ޝަހީދުކޮށްލައި، އިތުރު 6،007 މީހުން ވަނީ ޒަޚަމުކޮށްލާފަ އެވެ. އަދި 2023 އޮކްޓޫބަރު މަހުން ފެށިގެން އިސްރާއީލްގެ އަސްކަރިއްޔާއިން ހިންގަމުންދާ ޤަތުލުޢާންމުގައި ފަލަސްޠީނުގެ 74،000 އަށްވުރެ ގިނަ މީހުން ޝަހީދުކޮށްލައި، 175،000 އަށްވުރެ ގިނަ މީހުން ޒަޚަމުކޮށްލާފައިވާ ކަމަށާއި، އޭގެ ތެރޭގައި ގިނައީ އަންހެނުންނާއި ކުޑަކުދިން ކަމަށް އެ ވުޒާރާއިން ބުންޏެވެ.

މަސްދަރު: އަނަދޮލު އޭޖެންސީ

ޣައްޒާއިސްރާއީލް-ފަލަސްޠީންނަސްލު ނައްތާލުން

އެންމެ ހިނގާ

1

2028 ގެ އިންތިޚާބަށްފަހު އެއްބަސްވުން ބާތިލުވެދާނެތީ، ފެންނަ ނުފެންނަ ވޯޓަކާ ނުލައި ސޮއިނުކުރުމަށް އެދި އަލައްބާރު އަށް ސިޓީއެއް!

2

އެއް ލައްކަ މެންބަރުން ހަމަވި ކަމަށް ބުނެ އުފާފާޅުކުރި ޕީއެންސީގެ މެންބަރުންގެ އަދަދު އަނެއްކާވެސް ދަށަށް

3

ބަންޑާރަނައިބު އުޝާމްގެ އާއިލީ މަސްލަހަތު އޮންނަ އާރްސީސީ އަށް ބީލަމަކާ ނުލައި، 631 މިލިއަން ރުފިޔާގެ މަޝްރޫއެއް ހަވާލު ކުރިކަމުގެ ތުހުމަތު

4

އަދާލަތު ޕާޓީއަށް ގިނަގުނަ ހިދުމަތްތަކެއް ކޮށްދެއްވާފައިވާ ޝެއިހް ހަސަން ލަތީފް އެ ޕާޓީން ވަކިވެވަޑައިގަންނަވައިފި

5

ޖީއެސްޓީ ސިޔާސަތަށް ސަރުކާރުން ބަދަލު ގެންނަން ޖެހުނީ ރާއްޖެ ބޮއިކޮޓް ކޮށްފާނެ ކަމުގެ ބިރު އޮތުމުން: ޚަލީލް

އިތުރަށް ކިޔާލަން

18 ނޮވެމްބަރު 2026

އިސްރާއީލު ޕާސްޕޯޓްގައި ރާއްޖެ އެތެރެވުން މުތުލަގަށް މަނާކުރާ އިމިގްރޭޝަންގެ ބިލު ބަލައިގަނެފި

18 ނޮވެމްބަރު 2026
އިސްރާއީލު ޕާސްޕޯޓްގައި ރާއްޖެ އެތެރެވުން މުތުލަގަށް މަނާކުރާ އިމިގްރޭޝަންގެ ބިލު ބަލައިގަނެފި
15 ނޮވެމްބަރު 2026

ޣައްޒާގައި ގެދޮރު ގެއްލިފައިވާ 950،000 މީހުން ނުރައްކަލުގެ ތެރޭގައި، އދ.ގެ ކުއްލި ބައްދަލުވުމަކަށް ގޮވާލައިފި

15 ނޮވެމްބަރު 2026
ޣައްޒާގައި ގެދޮރު ގެއްލިފައިވާ 950،000 މީހުން ނުރައްކަލުގެ ތެރޭގައި، އދ.ގެ ކުއްލި ބައްދަލުވުމަކަށް ގޮވާލައިފި
13 ނޮވެމްބަރު 2026

"ދަރިފުޅު އޮތީ ގަނޑުވެފައި": އެހީގެ ސާމާނަށް ހުރަސްއެޅުމުން ޣައްޒާގައި ތުއްތު ކުއްޖަކު ފިނިވެގެން މަރުވެއްޖެ

13 ނޮވެމްބަރު 2026
"ދަރިފުޅު އޮތީ ގަނޑުވެފައި": އެހީގެ ސާމާނަށް ހުރަސްއެޅުމުން ޣައްޒާގައި ތުއްތު ކުއްޖަކު ފިނިވެގެން މަރުވެއްޖެ
08 ނޮވެމްބަރު 2026

ސިޔާސީ ބޮޑު ކޯޅުމަކަށް ފަހު ނަތަންޔާހޫ އެއްފަރާތްކޮށް، ސަރުކާރު އެކުލަވައިލުމުގެ ދައުވަތު އައިޒެންކޮޓަށް!

08 ނޮވެމްބަރު 2026
ސިޔާސީ ބޮޑު ކޯޅުމަކަށް ފަހު ނަތަންޔާހޫ އެއްފަރާތްކޮށް، ސަރުކާރު އެކުލަވައިލުމުގެ ދައުވަތު އައިޒެންކޮޓަށް!
08 ނޮވެމްބަރު 2026

ޣައްޒާއަށް ކުރަމުންދާ ވިއްސާރައިގައި 70،000 ފޭލިގެ ފެނުއަޑީގައި، އެތައް ހާސް ޢާއިލާއެއް މަގުމަތިވެއްޖެ

08 ނޮވެމްބަރު 2026
ޣައްޒާއަށް ކުރަމުންދާ ވިއްސާރައިގައި 70،000 ފޭލިގެ ފެނުއަޑީގައި، އެތައް ހާސް ޢާއިލާއެއް މަގުމަތިވެއްޖެ
06 ނޮވެމްބަރު 2026

ޔަހޫދީ ޓެރަރިސްޓު ވަޒަންވެރިން ހިންގާ ޖަރީމާތަކަށް ޖަވާބުދާރީވާން އދ. އިން ގޮވާލައިފި

06 ނޮވެމްބަރު 2026
ޔަހޫދީ ޓެރަރިސްޓު ވަޒަންވެރިން ހިންގާ ޖަރީމާތަކަށް ޖަވާބުދާރީވާން އދ. އިން ގޮވާލައިފި
03 ނޮވެމްބަރު 2026

ޔަހޫދީ އިސްރާއީލަށް އަހަރަކު 4 ބިލިޔަން ޑޮލަރު ދިނުން ހުއްޓާލާނެ ކަމަށް ޓްރަމްޕް ވިދާޅުވުން، ވޯޓު ހޯދުމުގެ އުކުޅެއްތަ؟

03 ނޮވެމްބަރު 2026
ޔަހޫދީ އިސްރާއީލަށް އަހަރަކު 4 ބިލިޔަން ޑޮލަރު ދިނުން ހުއްޓާލާނެ ކަމަށް ޓްރަމްޕް ވިދާޅުވުން، ވޯޓު ހޯދުމުގެ އުކުޅެއްތަ؟
29 އޮކްޓޯބަރު 2026

ބަރުލަމާނީ އަޣުލަބިއްޔަތު ގެއްލުނު ނަމަވެސް ޔަހޫދީ ނަތަންޔާހޫ ހުރީ ވެރިކަން ދޫކޮށްލާ ގޮތަކަށް ނޫން!

29 އޮކްޓޯބަރު 2026
ބަރުލަމާނީ އަޣުލަބިއްޔަތު ގެއްލުނު ނަމަވެސް ޔަހޫދީ ނަތަންޔާހޫ ހުރީ ވެރިކަން ދޫކޮށްލާ ގޮތަކަށް ނޫން!
27 އޮކްޓޯބަރު 2026

19 އަހަރުގެ ވެރިކަމަށް ފަހު ޔަހޫދީ ނަތަންޔާހޫގެ ސިޔާސީ ހަޔާތް ނިމުމަކަށް އަންނަނީތަ؟

27 އޮކްޓޯބަރު 2026
19 އަހަރުގެ ވެރިކަމަށް ފަހު ޔަހޫދީ ނަތަންޔާހޫގެ ސިޔާސީ ހަޔާތް ނިމުމަކަށް އަންނަނީތަ؟
27 އޮކްޓޯބަރު 2026

ޔަހޫދީ އިސްރާއީލުން ޣައްޒާގައި ނަސްލުހޭދު ހިންގަމުންދާ ކަމަށް އދ. ގެ ކޮމިޝަނަކުން އަނެއްކާ ވެސް ކަނޑައަޅައިފި

27 އޮކްޓޯބަރު 2026
ޔަހޫދީ އިސްރާއީލުން ޣައްޒާގައި ނަސްލުހޭދު ހިންގަމުންދާ ކަމަށް އދ. ގެ ކޮމިޝަނަކުން އަނެއްކާ ވެސް ކަނޑައަޅައިފި
ރާއްޖެދުނިޔެކުޅިވަރުވިޔަފާރި - އިގްތިސާދުސިއްހަތުރިޕޯޓުފިލްމް - މިޔުޒިކްތަފާތު ޚަބަރުއިސްލާމްލައިފް ސްޓައިލް
RaajjeMV
RaajjeTV
Raajje Sport
RaajjeTV Live
RaajjeTV PR
RaajjeMV
Raajje.mv

Copyright © 2010-2025 Raajje Television Pvt Ltd.

All rights reserved

ޕްރައިވެސީ ޕޮލިސީކިޔުންތެރިންގެ ހިޔާލުޓާމްސް އޮފްޔޫސް