އީރާނާ ދެކޮޅަށް ނިއުކްލިއަރ ހަތިޔާރު ބޭނުމެއް ނުކުރާނަން: ޓްރަމްޕް
16 އޮކްޓޯބަރު 2026 | ހުކުރު 04:23އީރާނާ ދެކޮޅަށް ނިއުކްލިއަރ ހަތިޔާރު ބޭނުންކުރަން ނުޖެހޭނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވި. ނިއުސްމެކްސްއަށް ދެއްވި އިންޓަވިއުއެއްގައި ޓްރަމްޕް ވިދާޅުވީ 'މަދަރ އޮފް އޯލް ބޮމްސް' އަކީ ނިއުކްލިއަރ ބޮމެއް ނޫން ކަމަށާއި، ސިޔާސީ ދާއިރާގައި އެއްވެސް މީހަކަށް އިތުބާރު ނުކުރައްވާ ކަމަށް. މީގެ އިތުރުން އިސްރާއީލުގެ ބޮޑުވަޒީރަށް އިތުބާރު ކުރައްވާތޯ ސުވާލު ކުރުމުން ވެސް އޭނާ ވަނީ އެއްވެސް މީހަކަށް އިތުބާރު ނުކުރައްވާ ކަމަށް ތަކުރާރުކުރައްވާފައި
އެމެރިކާގެ ރައީސް ޑޮނަލްޑް ޓްރަމްޕް ނޫސްވެރިންނާ ވާހަކަފުޅުު ދައްކަވަނީ | އަނަދޮލު އޭޖެންސީ
އީރާނާ ދެކޮޅަށް ފަށާފައިވާ ޣައިރުގާނޫނީ ހަނގުރާމައިގައި އެ ޤައުމާ ދެކޮޅަށް ނިއުކްލިއަރ ހަތިޔާރު ބޭނުންކުރުމުގެ ފުރުސަތު ނެތްކަމަށް ވިދާޅުވެ، ވޮޝިންގޓަނަށް އެ ފަދަ ހަތިޔާރެއްގެ ބޭނުން ނުޖެހޭ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ. އޭނާ މި މޭރުމުން ވިދާޅުވެފައި ވަނީ، އީރާނަށް ހަމަލާދިނުމަށް 'މަދަރ އޮފް އޯލް ބޮމްސް' (އެމްއޯއޭބީ) ނުވަތަ ފަނާކުރަނިވި ހަތިޔާރެއް ކަމަށްވާ 'ބޮންތަކުގެ މައި ބޮން' ބޭނުންކުރަން އެމެރިކާގެ އަސްކަރިއްޔާއިން ރާވަމުންދާ ކަން ހާމަވުމާ ގުޅިގެންނެވެ. ޓްރަމްޕް ވިދާޅުވީ، އެމްއޯއޭބީ އަދި ނިއުކްލިޔަރ ހަތިޔާރެއް ނޫން ކަމަށެވެ.
އެމެރިކާގެ މިޑްޓާމް އިންތިޚާބަށްފަހު އީރާނާ ދެކޮޅަށް އެމެރިކާގެ ސަރުކާރުން އެ ބޮން ބޭނުންކުރުމަށް ވިސްނަމުންދާކަމަށް ފެތުރިފައިވާ ރިޕޯޓުތަކާ ގުޅިގެން ބުރާސްފަތި ދުވަހު ނިއުސްމެކްސްއަށް ދެއްވި އިންޓަވިއުއެއްގައި، އެއީ އާދައިގެ ހަތިޔާރެއްކަމަށް ޓްރަމްޕް ވަނީ ސިފަކުރައްވާފަ އެވެ. "މަދަރ އޮފް އޯލް ބޮމްސް އަކީ ނިއުކްލިއަރ ބޮމެއް ނޫން،" ޓްރަމްޕް ވިދާޅުވި އެވެ. އަދި, "ހަމައެކަނި ތަފާތަކީ، މިއީ ވަރަށް ބޮޑު ބޮމެއް،" އޭނާ ވިދާޅުވި އެވެ.
އެ ހަތިޔާރަކީ ނިއުކްލިއަރ ހަތިޔާރެއް ނޫންކަން އޭނާ ވަނީ ތަކުރާރުކުރައްވާފަ އެވެ. "މަދަރ އޮފް އޯލް ބޮމްސްއަކީ އެއް ބޮޑު ބޮން، ނަމަވެސް އެއީ ނިއުކްލިއަރ އެއްޗެއް ނޫން،" އޭނާ ވިދާޅުވި އެވެ.
އިރާނާ ދެކޮޅަށް ނިއުކްލިއަރ ހަތިޔާރު ބޭނުންކުރުމުގެ ފުރުސަތު ނެތްކަން ފާހަގަކުރައްވައި، އެ ފަދަ ހަތިޔާރެއްގެ ބޭނުން އެމެރިކާއިން ކުރަން ނުޖެހޭކަމަށް ވެސް ޓްރަމްޕް ވިދާޅުވި އެވެ. "ނޫން، އަޅުގަނޑުމެން ނިއުކްލިއަރ [ހަތިޔާރެއް] ބޭނުމެއް ނުކުރާނަން. އަޅުގަނޑުމެން އެ ކަން ކުރާކަށް ނުޖެހޭ،" އޭނާ ވިދާޅުވި އެވެ.
އީރާނާ ދެކޮޅަށް ނިއުކްލިޔަރ ހަތިޔާރެއް ބޭނުންކުރުމަކީ ޔަހޫދީ އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަރަށް ބޮޑަށް ބޭނުންވާނެ ކަމެއް ކަމަށް މަސްރަހުގެ ދާރިސުން ވިދާޅުވެ އެވެ. ނަތަންޔާހޫއަށް އިތުބާރު ކުރައްވަންތޯ ސުވާލުކުރުމުން ޓްރަމްޕް ވަނީ އެއްވެސް މީހަކަށް އިތުބާރު ނުކުރައްވާކަމަށް ވިދާޅުވެފަ އެވެ. "ތެދުތެދަށް ދަންނަވަންޏާ، އަޅުގަނޑު އެއްވެސް މީހަކަށް އިތުބާރެއް ނުކުރަން،" ޓްރަމްޕް ވިދާޅުވި އެވެ. "އަޅުގަނޑު އެއްވެސް މީހަކަށް އިތުބާރެއް ނުކުރަން،" އޭނާ ތަކުރާރުކުރެއްވި އެވެ. "ސިޔާސީ ދުނިޔޭގައި، އަޅުގަނޑު އެއްވެސް މީހަކަށް އިތުބާރެއް ނުކުރަން."
މަސްދަރު: އަނަދޮލު އޭޖެންސީ
