އިނގިރޭސިވިލާތުން ސައުދީ އަރަބިއްޔާއަށް "ދިފާއީ ގޮތުން" އަސްކަރީ އެހީތެރިކަން ފޯރުކޮށްދެނީ
22 ސެޕްޓެމްބަރު 2026 | އަންގާރަ 05:05ހޫޘީންގެ ހަމަލާތަކުން ދިފާއުވުމަށް ސައުދީ އަރަބިއްޔާއިން އެދިފައިވާތީ، އެ ގައުމުގެ އަސްކަރީ މަތިންދާބޯޓުތަކަށް ވައިގެ މަގުން ތެޔޮ އެޅުމުގެ އެހީތެރިކަން ފޯރުކޮށްދިނުމަށް އިނގިރޭސިވިލާތުން ވަނީ ނިންމާފައި. އިނގިރޭސި ސަރުކާރުން މި ފިޔަވަޅު އެޅީ ސަރަހައްދީ މަސްލަހަތު ހިމާޔަތްކުރުމަށާއި ދުނިޔޭގެ ބާޒާރުގައި ތެލުގެ އަގަށް އަތުވެދާނެ ބަދަލުތަކުން ސަލާމަތްވުމުގެ ބޭނުމުގައި. މި އެހީތެރިކަން ކުރިއަށް އޮތް މަދު ހަފުތާތަކެއްގެ ތެރޭގައި ދިނުމަށް ވަނީ ހަމަޖެހިފައި
އިނގިރޭސިވިލާތުގެ ބޮޑުވަޒީރު އެންޑީ ބަރނަމް ނަންބަރ 10 ޑައުނިންގ ސްޓްރީޓްގައި ހުންނަ އޭނާގެ އޮފީހުން ނިކުމެވަޑައިގަންނަވަނީ | އަނަދޮލު އޭޖެންސީ
ޔަމަނުގެ ހޫޘީ ޖަމާއަތުން ސައުދީ އަރަބިއްޔާއަށް ދިން ހަމަލާތަކަކާ ގުޅިގެން، އެ ޤައުމަށް "ޑިފެންސިވް އެއާ-ޓު-އެއާ ރިފިޔުލިންގ" ނުވަތަ އަސްކަރީ މަތިންދާބޯޓުތަކަށް ވައިގެ މަގުން ތެޔޮ އަޅައިދިނުމުގައި އެހީތެރިކަން ފޯރުކޮށްދިނުމަށް ނިންމާފައިވާ ކަން އިނގިރޭސިވިލާތުގެ ބޮޑުވަޒީރު އެންޑީ ބަރނަމް ހާމަކުރައްވައިފި އެވެ.
މި ނިންމެވުން ނިންމެވީ ސައުދީ އަރަބިއްޔާއިން އަސްކަރީ އެހީތެރިކަމަށް އެދުމާ ގުޅިގެން ކަމަށް ބަރނަމް ވިދާޅުވި އެވެ . އަދި، އޭނާ މި އެދުމަށް ހުއްދަ ދެއްވީ ދިފާއީ ވަޒީރު ވެސް ސްޓްރީޓިންގ އަދި ޚާރިޖީ ވަޒީރު އެޑް މިލިބެންޑްގެ ލަފާފުޅު ލިބިވަޑައިގަތުމުން ކަމަށް ވެސް އޭނާ ހާމަކުރެއްވި އެވެ. މި އެހީތެރިކަމަކީ ވަކި މުއްދަތަކަށް ދެވޭ އެހީއެއް ކަމަށާއި، ފުރަތަމަ މަރުހަލާގައި މި އެހީތެރިކަން ދެމިގެންދާނީ މަދު ހަފުތާތަކަކަށް ކަމަށް ބެލެވޭ ކަމަށް ސަރުކާރުގެ އޮފިޝަލުން ވިދާޅުވި އެވެ.
ޔަމަނުގެ ދާޚިލީ ހަނގުރާމައިގައި، ބައިނަލްއަޤްވާމީ ގޮތުން ބަލައިގަނެފައިވާ ސަރުކާރާ ދެކޮޅަށް ހޫޘީން ހަނގުރާމަކުރަމުންދާއިރު، ސައުދީ އަރަބިއްޔާއިން ދަނީ އެ ސަރުކާރަށް ވާގިވެރިވަމުންނެވެ. މި ފަހަކަށް އައިސް، ސައުދީގެ ވެރިރަށް ރިޔާޟަށާއި، ރަތް ކަނޑުގެ އައްސޭރިފަށުގައި ހުރި އެ ޤައުމުގެ ހަކަތަ އުފައްދާ ވަސީލަތްތަކަށް އަމާޒުކޮށް ދިން ޑްރޯން އަދި ބެލިސްޓިކް މިސައިލް ހަމަލާތަކުގެ ޒިންމާ ހޫޘީން ވަނީ އުފުލާފަ އެވެ . އިނގިރޭސިވިލާތުގެ އޮފިޝަލުން މި ދިފާއީ އެހީތެރިކަން ސިފަކުރައްވަނީ، ހޫޘީން ފޮނުވާލާ މިސައިލްތަކާއި ޑްރޯންތައް ހުއްޓުވައި ނައްތާލުމުގައި ސައުދީގެ އަސްކަރީ މަތިންދާބޯޓުތަކަށް އެހީތެރިވެދޭނެ ވަސީލަތެއްގެ ގޮތުގަ އެވެ.
ނިއު ޔޯކުގައި ބާއްވާ އދ.ގެ އާންމު މަޖިލީހުގައި ބައިވެރިވެވަޑައިގެންނެވުމަށް ވަޑައިގަންނަވަމުން ނޫސްވެރިންނާ ވާހަކަފުޅު ދައްކަވަމުން ބަރނަމް ވަނީ، މި ނިންމެވުމަކީ އިނގިރޭސިވިލާތުގެ ރައްޔިތުންގެ ދިރިއުޅުމުގެ ޚަރަދުތަކާ ގުޅޭ ކަންބޮޑުވުންތަކާއި، އިނގިރޭސިވިލާތުގެ މަސްލަހަތުތައް ހިމާޔަތްކުރުމާ ގުޅިފައިވާ ނިންމެވުމެއްގެ ގޮތުގައި ފާހަގަކުރައްވާފަ އެވެ .
"ދިރިއުޅުމުގެ ޚަރަދުތަކުގެ ފިއްތުންތަކާ ގުޅޭގޮތުންނާއި، އިނގިރޭސިވިލާތާއި މި ސަރަހައްދުގެ މަސްލަހަތުތައް ހިމާޔަތްކުރުމަށް ފިޔަވަޅު އެޅުމާ ގުޅޭގޮތުން އަޅުގަނޑު ދެއްކި ވާހަކަތަކަށް އަލުން ތަކުރާރުކުރަން،" އޭނާ ވިދާޅުވި އެވެ .
"ސަބަބަކީ، ޝައްކެއްވެސް ނެތްގޮތުގައި ސައުދީ އަރަބިއްޔާއަށް ހަމަލާތައް އަމާޒުވަމުންދާތީއާއި، އިތުރު ބުރޫއެރުންތަކެއް ކުރިމަތިވެދާނެ ކަމަށް ބެލެވޭތީ. އަދި، އެ މަގުތައް [ބާބް އަލް-މަންދަބް ކަނޑުއޮޅި] ހުޅުވިފައި ބޭއްވުމަށް އަޅުގަނޑުމެން ބޭނުންވާތީ، މި އެދުމަށް އަޅުގަނޑުމެން އެއްބަސްވީ."
މަސްދަރު: އަނަދޮލު އޭޖެންސީ
