ބްރެންޓްފޯޑު އަތުން ޗެލްސީ އަށް ލަދުވެތި ބައްޔެއް
19 ސެޕްޓެމްބަރު 2026 | ހޮނިހިރު 03:22މިއީ އައު ސީޒަންގެ ލީގުގައި ޗެލްސީ އަށް ކުރިމަތިވި ދެ ވަނަ ބަލި. މިހާތަނަށް ލީގުގައި ޗެލްސީ އިން ފަސް މެޗު ކުޅެފައިވާއިރު، މޮޅުވެފައި ވަނީ ދެ މެޗުން.
ލީގުގައި ބްްރެންޓްފޯޑްއާ ދެކޮޅަށް ކުޅުނު މެޗުގައި ޗެލްސީގެ ކުޅުންތެރިން | ރޮއިޓާސް
އިނގިރޭސި ޕްރިމިއާ ލީގުގައި ބްރެންޓްފޯޑްއާ ދެކޮޅަށް ކުޅުނު މެޗުގައި ޗެލްސީ އަށް ލަދުވެތި ބައްޔަކާ ކުރިމަތިލާން ޖެހިއްޖެ އެވެ.
ބްރެންޓްފޯޑުގެ އަމިއްލަ ދަނޑުގައި ހުކުރު ދުވަހުގެރޭ ދަންވަރު ކުޅުނު މެޗުގައި އެ ޓީމުން ވަނީ 3-0 އިން ޗެލްސީ ބަލިކޮށްފަ އެވެ. މެޗުގައި ބްރެންޓްފޯޑް އިން ތިން ލަނޑު ވެސް ޖެހީ ދެ ވަނަ ހާފުގަ އެވެ.
މެޗު ފަށައިގެން ޗެލްސީ އަށް ލަނޑު ޖަހަން ފުރުސަތު ލިބުނުއިރު، އެއްވެސް ފުރުސަތެއްގެ ބޭނުން ކުރެވޭ ގޮތެއް ނުވި އެވެ. އެ ޓީމުގެ ޕެޑްރޯ ނެޓޯ އާއި، މޯގާން ރޮޖާސް އަށް ލިބުނު ފުރުސަތުގެ ބޭނުމެއް ނުހިފުނެވެ.
މެޗުގެ ދެ ވަނަ ހާފުގެ 61 ވަނަ މިނެޓުގައި ބްރެންޓްފޯޑަށް ލީޑު ނަގައިދިނީ ޖައިޑަން އެންތަނީ އެވެ. އޭގެ ފަހުން މެޗުގެ 83 ވަނަ މިނެޓުގައި އެ ޓީމުގެ އިގޯ ތިއާގޯ ވަނީ ދެ ވަނަ ލަނޑެއް ޖަހައި ލީޑު ފުޅާކޮށްފަ އެވެ. މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ބްރެންޓްފޯޑުގެ ތިން ވަނަ ލަނޑު ޖެހީ ފަބިއޯ ކަވާނޯ އެވެ.
މިއީ އައު ސީޒަންގެ ލީގުގައި ޗެލްސީ އަށް ކުރިމަތިވި ދެ ވަނަ ބައްޔެވެ. މިހާތަނަށް ލީގުގައި ޗެލްސީ އިން ފަސް މެޗު ކުޅެފައިވާއިރު، މޮޅުވެފައި ވަނީ ދެ މެޗުންނެވެ. ދެ މެޗުން ބަލިވެ، އަނެއް މެޗުން ވަނީ އެއްވަރުވެފަ އެވެ. ފަސް މެޗުން ހަތް ޕޮއިންޓާ އެކު ޗެލްސީ އޮތީ ހަތް ވަނައިގަ އެވެ.
ޗެލްސީ އަތުން މޮޅުވި ބްރެންޓްފޯޑް ތިން ވަނައިގައި އޮތީ ފަސް މެޗުން ނުވަ ޕޮއިންޓާ އެކު އެވެ.
