މެސީ ޤައުމީ ޓީމުން ރިޓަޔަރކޮށްފި
31 އޯގަސްޓު 2026 | ހޯމަ 15:12މިކަން މެސީ އިއުލާނު ކުރީ އޭނާގެ ސޯޝަލް މީޑިއާގައި ކުރި ޕޯސްޓެއްގައި
އާޖެންޓީނާގެ ކެޕްޓަން ލިއޮނަލް މެސީ | ގެޓީ އިމޭޖަސް
އާޖެންޓީނާގެ ކެޕްޓަން ލިއޮނަލް މެސީ، ޤައުމީ ޓީމުން ރިޓަޔަރކޮށްފި އެވެ.
މިކަން މެސީ އިއުލާނު ކުރީ އޭނާގެ ސޯޝަލް މީޑިއާގައި ކުރި ޕޯސްޓެއްގަ އެވެ.
ޤައުމީ ޓީމުން ރިޓަޔަރކުރިކަން އިއުލާނުކޮށް މެސީ ބުނެފައި ވަނީ، މި ނިންމުމަކީ އޭނާ ނިންމަން ޖެހުނު ވަރަށް ހިތްދަތި އަދި އުނދަގޫ ނިންމުމެއް ކަމަށެވެ.
މެސީ ބުނީ ފާއިތުވި އަހަރުތަކުގައި އޭޖެންޓީނާ އަށް ކާމިޔާބު ހޯދައި ދިނުމަށް، އޭނާ ގިނަ މަސައްކަތްތަކެއް ކޮށްފައިވާ ކަމަށެވެ. އޭނާ ބުނީ މިއަދު ޤައުމީ ޓީމުން ދުރަށް ދާން ނިންމިއިރު، ޒުވާން ގިނަ ކުޅުންތެރިންތަކެއް ފަހަތުން އަރަމުން އަންނަ ކަމަށެވެ.
މި ޕޯސްޓުގައި މެސީ ވަނީ ފާއިތުވި 20 އަހަރުގެ ތެރޭގައި، އޭނާ އަށް ސަޕޯޓުކޮށްދިން އެންމެނަށް ޝުކުރު އަދާކޮށްފަ އެވެ. އަދި މިއީ ޤައުމީ ޓީމާ ދުރަށް ދާންވީ ވަގުތު ކަމަށް މެސީ ވަނީ ބުނެފައި އެވެ.
މެސީ ވަނީ އާޖެންޓީނާއާ އެކު ކޮޕާ އެމެރިކާ ދެ ފަހަރު ކާމިޔާބު ކުރުމުގެ އިތުރުން، ފީފާ ވޯލްޑް ކަޕް ވެސް ކާމިޔާބުކޮށްފަ އެވެ. މީގެ އިތުރުން އޭނާ ވަނީ އާޖެންޓީނާ އާއެކު ފައިނަލިސިމާ ކާމިޔާބުކޮށްފަ އެވެ.
