އަމާން އުދަރެސް ޓަވަރަކުން ކުއްޖަކު ވެއްޓިއްޖެ!
31 އޯގަސްޓު 2026 | ހޯމަ 07:10ހުޅުމާލެ ފޭސް 2 ގެ އަމާން އުދަރެސް ޓަވަރުގެ ތިންވަނަ ފަންގިފިލާއިން 16 އަހަރުގެ އަންހެން ކުއްޖަކު ވެއްޓިގެން ހުޅުމާލެ ހޮސްޕިޓަލުގައި ފަރުވާދޭން ފަށައިފި. މި ހާދިސާގެ ރިޕޯޓު ލިބުމާއެކު ފުލުހުންނާއި ސިފައިން އެ ސަރަހައްދުގައި ހަރަކާތްތެރިވެފައިވާއިރު، ފުލުހުން ދަނީ މި މައްސަލަ އިތުރަށް ތަހުގީގު ކުރަމުން.
ހުޅުމާލެ ފޭސް 2 ގެ އަމާން އުދަރެސް ޓަވަރެއް: 3 ވަނަ ޓަވަރުން ކުއްޖަކު ވެއްޓިފައިވާ އެ ކުއްޖާ އަށް ހުޅުމާލެ ހޮސްޕިޓަލްގައި ދަނީ ފަރުވާދެމުން | ސޯޝަލް މީޑިއާ
އަމާން އުދަރެސް ޓަަވަރަކުން ކުއްޖަކު ވެއްޓިއްޖެ އެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، ހުޅުމާލެ ފޭސް 2، އަމާން އުދަރެސް 2 ގެ 3 ވަނަ ފަންގިފިލާ އިން ބޭރަށް ކުއްޖަކު ވެއްޓިފައިވާ އޮގަސްޓު 31 ވަނަ ދުވަހުގެ 11:35 އެހައިކަންހާއިރު ރިޕޯޓުކޮށްފައިވާ ކަމަށެވެ.
ވެއްޓިފައިވަނީ 16 އަހަރުގެ ދިވެހި އަންހެން ކުއްޖެއް ކަމަށާ އެ ކުއްޖާއަށް ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށް ވެސް ފުލުހުން ވަނީ ބުނެފަ އެވެ.
ފުލުހުން ބުނެފައި ވަނީ އެ ރިޕޯޓު ލިބުމާއެކު ސީންގައި ފުލުހުންނާ ސިފައިން ހަރަކާތްތެރިވެފައިވާ ކަމަށެވެ.
މި މައްސަލަ ފުލުހުން ގެންދަނީ ތަހުގީގު ކުރަމުން ކަމަށް ވެސް ފުލުހުން ބުންޏެވެ.
