އެމްއެމްޕީއާރުސީގެ މެނޭޖިން ޑިރެކްޓަރު ޝިއުރީ މަގާމުން އިސްތިއުފާ ދެއްވައިފި
24 އޯގަސްޓު 2026 | ހޯމަ 09:45އެމްއެމްޕީއާރުސީގެ މާލީ ހާލަތު ގޯސްވެ، މެނޭޖުމަންޓަށް ފާޑުކިޔުން އަމާޒުވެފައިވާ ދަނޑިވަޅެއްގައި އެ ކުންފުނީގެ މެނޭޖިން ޑިރެކްޓަރު އިބްރާހިމް ޝިއުރީ މަގާމުން އިސްތިއުފާ ދެއްވައިފި. 2024ގެ ޖޫން މަހު އެ މަގާމާ ހަވާލުވެވަޑައިގަތް ޝިއުރީ އިސްތިއުފާ ދެއްވި ސަބަބު ހާމަކުރައްވާފައި ނުވާއިރު، އޭނާ ވަނީ މުވައްޒަފުންނާ ބައްދަލުކުރައްވައި އެކަން އިއުލާނުކުރައްވާފަ
އެމްއެމްޕީއާރްސީން ބޭއްވި ނޫސްވެރިންގެ ބައްދަލުވުން އެ ކުންފުނީގެ އެމްޑީގެ މަގާމުގައި ހުންނެވި އިބްރާހިމް ޝިއުރީ | ޕީއެސްއެމް
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ މެނޭޖިންގ ޑިރެކްޓަރުގެ މަގާމުގައި ހުންނެވި އިބްރާހިމް ޝިއުރީ އެ މަގާމުން އިސްތިއުފާ ދެއްވައިފި އެވެ.
މިކަން ރާއްޖެއެމްވީ އަށް ވަނީ ކަށަވަރުވެފަ އެވެ. އިތުބާރުހުރި މަސްދަރަކުން ރާއްޖެއެމްވީއާ ހިއްސާ ކުރި މައުލޫމާތެއްގައި ބުނީ، މުވައްޒަފުންނާ ބައްދަލު ކުރުމަށްފަހު މަގާމުން އިސްތިއުފާ ދެއްވިކަން އޭނާ އިއުލާނު ކުރައްވާފައިވާ ކަމަށެވެ. އެހެން ނަމަވެސް މަގާމުން އިސްތިއުފާ ދެއްވި ސަބަބުން ހާމަކުރައްވާފައެއް ނުވެ އެވެ.
ޝިއުރީ އެމްއެމްޕީއާރުސީގެ މެނޭޖިން ޑިރެކްޓަރުގެ މަގާމަށް އައްޔަންކޮށްފައިވަނީ 2024 ވަނަ އަހަރުގެ ޖޫން މަހުގެ 13 ވަނަ ދުވަހުގަ އެވެ. އޭނާ އެންމެ ފަހުން މަސައްކަތް ކުރެއްވީ ވޯލްޑް ބޭންކު "އެންހޭންސިން އެމްޕްލޮޔަބިލިޓީ އެންޑް ރެޒިލިއެންސް އޮފް ޔޫތް" ޕްރޮޖެކްޓެއްގެ ސްޓިއަރިންގ ކޮމިޓީ މެމްބަރެއްގެ ގޮތުގަ އެވެ.
އެއަށްފަހު، އެމްއެމްޕީއާރްސީ ގެ އެމްޑީ ކަމަށް އައްޔަނު ކުރުމާ ހަމައަށް ޝިއުރީ ހުންނެވީ ޓީޓީ އެސޯސިއޭޝަންގެ ނައިބު ރައީސްގެ މަގާމުގަ އެވެ.
މި ސަރުކާރު ވެރިކަމާ ހަވާލުވުމަށްފަހު އެމްއެމްޕީއާރްސީ ގެ މާލީ ހާލަތު ވަނީ ވަރަށް ބޮޑަށް ގޯސްވެފަ އެވެ. އަދި އެ ހާލަތަށް ތަން ދިޔައީ ފިނޭންސް މިނިސްޓްރީން ދޭން ޖެހޭ ފައިސާ ނުދީގެން ކަމަށް މައުލޫމާތު ލިބޭ ކަމަށް އެމްއެމްޕީއާރުސީގެ ކުރީގެ ބޯޑު މެންބަރު އަބްދުﷲ ސުއޫދު ވަނީ ރާއްޖެއެމްވީ އަށް ވިދާޅުވެފަ އެވެ. އަދި ތަޖުރިބާ ހުރި މުވައްޒަފުން މަދު ވުމަކީ ވެސް އެމްއެމްޕީއާރުސީ އަށް ދިމާވާ މައްސަލަ އެއް ކަމަށް އޭނާ ވަނީ ވިދާޅުވެފަ އެވެ.
ސުއޫދު ވިދާޅުވެފައި ވަނީ އެމްއެމްޕީއާރްސީ ގެ މާލީ ގެއްލުމުގެ ހާލަތުގެ މައިގަނޑު ސަބަބަކީ މެނޭޖިންގ ޑިރެކްޓަރު އިބްރާހިމް ޝިއުރީ އާ ޗެއަރމަން ކަމަށެވެ.
މިކަމުގެ އިތުރު ތަފްސީލު ހޯދުމަށް ރާއްޖެއެމްވީ އިން ޝިއުރީ އަށް ގުޅުމަށް ކުރި މަސައްކަތް ވަނީ ކާމިޔާބުވާ ގޮތް ނުވެފަ އެވެ.
