ބައްޕަގެ ވަކިވުމަށް ފަހު މެސީގެ ފުރަތަމަ ފެނިލުން
13 އޯގަސްޓު 2026 | ބުރާސްފަތި 05:48ލިއޯންއާ ދެކޮޅަށް ކުޅުނު މެޗުގެ ދެ ވަނަ ހާފުގައި މެސީ ވަނީ ކުޅެން ނުކުމެފައި. ބަދަލު ކުޅުންތެރިޔެއްގެ ގޮތުގައި މެސީ ކުޅެން ނުކުތްއިރު، ދަނޑުގައި ތިބި ސަޕޯޓަރުންގެ ފަރާތުން ވަނީ އޭނާ އަށް ބޮޑު ތަރުޙީބެއް ލިބިފައި. އެ މެޗުގައި ކުޅެން ނުކުތް އިރު ވެސް، މެސީގެ މޫނު މަތިން މާޔޫސްކަން ފެންނަން ހުރި
ލީގްސް ކަޕްގައި ލިއޯންއާ ދެކޮޅަށް މިއާމީ އިން ކުޅުނު މެޗުގައި މެސީ | ގެޓީ އިމޭޖަސް
އެމެރިކާގެ އިންޓަރ މިއާމީ އަށް ކުޅެމުން އަންނަ އާޖެންޓީނާގެ ކެޕްޓަން ލިއޮނަލް މެސީގެ ބައްޕަ، ޖޯޖްް މެސީގެ މަރަށް ފަހު، މިއާމީ އިން ލީގްސް ކަޕްގައި ލިއޯންއާ ދެކޮޅަށް ކުޅުނު މެޗުގައި މެސީ ފެނިލައިފި އެވެ.
ބުރާސްފަތި ދުވަހުގެ ފަތިހު މިއާމީ އިން ލިއޯންއާ ދެކޮޅަށް ކުޅުނު މެޗުގައި މެސީ ފެނިފައިވާއިރު، އޭނާގެ ބައްޕަ މަރުވެފައި ވަނީ މިދިޔަ ހޮނިހިރު ދުވަހު އެވެ. ބައްޕަ މަރުވުމާ އެކު މެސީ އެނބުރި އާޖެންޓީނާ އަށް ދިޔައިރު، މުބާރާތުގައި މޮންޓެރޭއާ ދެކޮޅަށް ކުޅުނު މެޗުގައި މެސީ ކުޅެފައި ނުވެ އެވެ.
ލިއޯންއާ ދެކޮޅަށް ކުޅުނު މެޗުގެ ދެ ވަނަ ހާފުގައި މެސީ ވަނީ ކުޅެން ނުކުމެފައި އެވެ. ބަދަލު ކުޅުންތެރިޔެއްގެ ގޮތުގައި މެސީ ކުޅެން ނުކުތްއިރު، ދަނޑުގައި ތިބި ސަޕޯޓަރުންގެ ފަރާތުން ވަނީ އޭނާ އަށް ބޮޑު ތަރުޙީބެއް ލިބިފައި އެވެ. އެ މެޗުގައި ކުޅެން ނުކުތް އިރު ވެސް، މެސީގެ މޫނު މަތިން މާޔޫސްކަން ފެންނަން ހުއްޓެވެ.
ލިއޯންއާ ދެކޮޅަށް ކުޅުނު މެޗުން މިއާމީ ބަލިވެފައި ވަނީ 3-2 އިންނެވެ.
ބައްޕަގެ މަރަަށް ފަހު ކުޑަ ދުވަސްކޮޅެއް ވަންދެން މެސީ ކުޅުމާ ދުރުގައި ހުންނާނެ ކަމަށް ބެލެވުނު ނަމަވެސް، މެސީ ވަނީ އެނބުރި ކުޅުމުގެ ތެރެއަށް އައިސްފައި އެވެ. އެ މެޗުގެ ކުރިން މެސީ ވަނީ އޭނާގެ ބައްޕައާ ގުޅޭ ގޮތުން ޕޯސްޓެއް ކޮށްފައި އެވެ. އެ ޕޯސްޓުގައި މެސީ ބުނެފައި ވަނީ، ބައްޕަ ނެތި އޭނާާގެ ކެރިއަރު ކުރިއަށް ގެންދާނެ ގޮތެއް ބުނެދޭން ވެސް ނޭޭނގޭ ކަމަށެވެ. އަދި ފުޓުބޯޅަ ކުޅުމުގައި ދެމި ހުރެވޭނީ ކިހާ ދުވަހަކު ކަމެއް ބުނެދޭން ނޭނގޭ ކަމަށް ވެސް މެސީ ބުންޏެވެ.
ބައްޕައާ ނުލައި ކުރިއަށްދާނެ ގޮތެއް ނޭނގޭ ކަަމަށް ބުނެ، މެސީގެ ހިތްދަތި ޕޯސްޓެއް!
އުމުރުން 68 އަހަރުގައި މެސީގެ ބައްޕަ މަރުވެފައިވާއިރު، އޭނާ އަކީ މެސީގެ ހުރިހާ ކަމެއް ބަލަހައްޓަމުން އައި މީހާ އެވެ. މެސީގެ އެޖެންޓެއްގެ ގޮތުގައި ވެސް އޭނާގެ ބައްޕަ މަސައްކަތް ކޮށްފައިވާއިރު، މެސީގެ ވިޔަފާރީގެ ކަންކަން ވެސް ބަލަހައްޓާފައި ވަނީ އޭނާގެ ބައްޕަ އެވެ.
