މުޖުތަބާ ޚާމަނާއީ ގަލްފުގެ ޤައުމުތަކަށް ގޮވައިލެއްވީ، ހަގީގީ ދުޝްމަނުން ދެނެގަތުމަށް

އީރާންގެ އިސްވެރިޔާ މުޖްތަބާ ޚާމަނާއީ ލިޔުއްވި މެސެޖެއްގައި ގަލްފު ސަރަހައްދުގެ ވެރިންނަށް، އެމީހުންގެ "ހަގީގީ ދުޝްމަން" ދެނެގަތުމަށް ގޮވާލައްވައިފި އެވެ.

މި މެސެޖުގައި މުސްލިމުންގެ މެދުގައި އެކުވެރިކަމާއި ގުޅުން ބަދަހިކުރުމަށާއި އެއްބައިވަންތަކަމާއެކު ދިފާއީ ގޮތުން އެކުގައި މަސައްކަތް ކުރުމަށް ވަރަށް ބާރު އަޅުއްވާފައިވެ އެވެ.

އީރާންގެ އިސްވެރިޔާ ދެއްވި މި މެސެޖަކީ މެދުއިރުމަތީގެ ސަރަހައްދުގައި ދެމެހެއްޓެނިވި ސުލްހަ އާއި ރައްކާތެރިކަން ގާއިމުކުރުމަށް ކުރައްވާ ގޮވާލުމެއްގެ ގޮތުގައި ބަލަމުންދާ ކަމަށް ސިޔާސީ ބައެއް ތަޖުރިބާކާރުން ބުނެފައިވެ އެވެ. މި މެސެޖުގައި ގަލްފު ޤައުމުތަކުގެ ވެރިންނަށް އިޝާރާތް ކުރައްވައި، އެ ޤައުމުތަކާއި އީރާންއާ ދެމެދު ގުޅުން ބަދަހި ކުރުމަށް ވަރަށް ބޮޑަށް އިސްކަން ދެއްވާފައިވެ އެވެ.

މުޖުތަބާ ޚާމަނާއީގެ މި މެސެޖުގައި މުސްލިމު ޤައުމުތަކުގެ މެދުގައި އެކުވެރިކަން ބަދަހި ކުރުމަކީ މުހިންމު ކަމެއް ކަމަށާއި، އެއްބައިވަންތަކަމާއެކު މަސައްކަތް ކުރުމުން އެ ސަރަހައްދުގައި ދިރިއުޅޭ ރައްޔިތުންނަށް ފައިދާހުރި ކަންކަން ހާސިލު ކުރެވޭނެ ކަމަށް ފާހަގަ ކުރައްވާފައިވެ އެވެ. އަދި މުސްލިމު ޤައުމުތަކުން އެކުގައި މަސައްކަތް ކޮށްގެން ދިފާއީ ގޮތުން ވެސް ބާރުވެރިވެވޭނެ ކަމަށް އެ މެސެޖުގައިވެ އެވެ.

މި މެސެޖުގައި ޚާމަނާއީ ވަނީ ސަރަހައްދީ ސުލްހަ އާއި ރައްކާތެރިކަން ގާއިމުކުރުމަށް ހުރިހާ ޤައުމުތަކުން އެކުގައި މަސައްކަތް ކުރަންޖެހޭ ކަމަށް ވެސް ފާހަގަ ކުރައްވާފައި އެވެ. އަދި ސަރަހައްދުގައި އޮތް މައްސަލަތައް ހައްލު ކުރުމަށް ބޭރުގެ ބާރުތަކުގެ އެހީތެރިކަން ހޯދުމުގެ ބަދަލުގައި، އެ ސަރަހައްދުގެ ޤައުމުތަކުން އެކުވެރިކަމާއެކު މަޝްވަރާ ކޮށްގެން ހައްލުތައް ހޯދަންޖެހޭ ކަމަށް ވެސް ވަނީ ފާހަގަ ކުރައްވާފައި އެވެ.

މި މެސެޖު ނެރުނު ދަނޑިވަޅަކީ މެދުއިރުމަތީގެ ސަރަހައްދުގައި ސިޔާސީ ގޮތުން ވަރަށް ބޮޑެތި ބަދަލުތަކެއް އަންނަމުންދާ ދަނޑިވަޅެކެވެ. މިއީ އީރާން އާއި ގަލްފު ޤައުމުތަކާ ދެމެދު ގުޅުން ބަދަހި ކުރުމަށް ކުރަމުންދާ މަސައްކަތްތަކުގެ ތެރެއިން ދެއްވި މެސެޖެއް ކަމަށް ވެސް ބައެއް ފަރާތްތަކުން ދެކެ އެވެ.