ބުރު ބަލިކޮށް އޮޑިން ކަޕް ވިނާސް ކަޕްގެ ތިން ވަނަ ހޯދައިފި
16 އޯގަސްޓު 2026 | އާދީއްތަ 04:01ހަތަރު ޓީމު ވާދަ ކުރާ މުބާރާތުގެ ފައިނަލްގެ ޖާގަ ލިބުނީ ނިއު ރޭޑިއަންޓް ސްޕޯޓްސް ކުލަބާއި، މާޒިޔާ ސްޕޯޓްސް އެންޑް ރެކްރިއޭޝަން އަށް. ލީގު ބުރުގައި އެ ދެ ޓީމުން ވަނީ ކުޅުނު ދެ މެޗުން ވެސް މޮޅުވެފައި. އެހެންވެ، ހޮނިހިރު ދުވަހުގެ ހަވީރު ބުރު އާއި އޮޑި ކުޅުނު މެޗުން މޮޅުވާ ޓީމަކަށް މުބާރާތުގެ ތިން ވަނަ ހޯދުމުގެ ފުރުސަތު އޮތް
މެޗުގައި ލަނޑު ޖެހުމަށް ފަހު އޮޑީގެ ކުޅުންތެރިން އުފާާ ފާޅު ކުރަނީ | އެފްއޭއެމް
މިހާރު ކުރިއަށްދާ ކަޕް ވިނާސް ކަޕްގައި ބުރު ސްޕޯޓްސް ކުލަބާ ދެކޮޅަށް ކުޅުނު މެޗުން މޮޅުވެ، އޮޑި ސްޕޯޓްސް ކުލަބުން މުބާރާތުގެ ތިން ވަނަ ހޯދައިފި އެވެ.
ހަތަރު ޓީމު ވާދަ ކުރާ މުބާރާތުގެ ފައިނަލްގެ ޖާގަ ލިބުނީ ނިއު ރޭޑިއަންޓް ސްޕޯޓްސް ކުލަބާއި، މާޒިޔާ ސްޕޯޓްސް އެންޑް ރެކްރިއޭޝަން އަށެވެ. ލީގު ބުރުގައި އެ ދެ ޓީމުން ވަނީ ކުޅުނު ދެ މެޗުން ވެސް މޮޅުވެފައި އެވެ. އެހެންވެ، ހޮނިހިރު ދުވަހުގެ ހަވީރު ބުރު އާއި އޮޑި ކުޅުނު މެޗުން މޮޅުވާ ޓީމަކަށް މުބާރާތުގެ ތިން ވަނަ ހޯދުމުގެ ފުރުސަތު އޮތެވެ.
ގަލޮޅު ރަސްމީ ދަނޑުގައި ކުޅުނު އެ މެޗު އޮޑިން ކާމިޔާބު ކޮށްފައި ވަނީ 2-0 އިންނެވެ. މެޗުގެ ފުރަތަމަ ހާފުގައި އޮޑިން އެއް ލަނޑު ޖެހިއިރު، އަނެއް ލަނޑު އެ ޓީމުން ޖެހީ ދެ ވަނަ ހާފުގައި އެވެ. މެޗު ފަށައިގެން ދެ ވަނަ މިނެޓުގައި އޮޑި އަށް ލީޑު ނަގައިދިނީ މުޒްދާން ހަސަން އެވެ. އޭގެ ފަހުން ދެ ވަނަ ހާފު ފަށައިގެން ހަތަރު ވަނަ މިނެޓުގައި މުޒްދާން ވަނީ އޮޑީގެ ދެ ވަނަ ލަނޑު ޖަހައި ލީޑު ފުޅާކޮށްފައި އެވެ.
މި މެޗާ އޮޑިން ކުރިމަތިލީ އެ ޓީމުގެ އައު ކޯޗަކަށް ހަމަޖެއްސި ރުއީ ގްރެގޯރިއޯ އާއެކު އެވެ.
