ނިއު ރޭޑިއަންޓް އާއި ބުރުގެ މެޗުން، ހޯމަ ދުވަހު ކަޕް ވިނާސް ކަޕް ފަށަނީ
2 އޯގަސްޓު 2026 | އާދީއްތަ 08:29ކަޕް ވިނާސް ކަޕްގައި ވާދަ ކުރާނީ ހަތަރު ޓީމު. އެއީ މިދިޔަ އަހަރުގެ ދިވެހި ޕްރިމިއާ ލީގުގެ ގަދަ ހަތަރު ޓީމު. އެގޮތުން އެއީ އެންމެ ފަހުގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަން އާއި އޮޑި ސްޕޯޓްސް ކުލަބުގެ އިތުރުން ނިއު ރޭޑިއަންޓް އާއި ބުރު ސްޕޯޓްސް ކުލަބު
ޗެރިޓީ ޝީލްޑް މެޗުގައި މާޒިޔާާ އާއި ނިއު ރޭޑިއަންޓް ކުޅުނު މެޗުގެ ތެރެއިން | އެފްއޭއެމް
ރާއްޖޭގެ ފުޓުބޯޅަ ސީޒަން ފެށުމުގެ ގޮތުން ކުޅޭ ފުރަތަމަ މުބާރާތުގެ ގޮތުގައި ކަޕް ވިނާސް ކަޕް ހިމަނައި، ހޯމަ ދުވަހު މުބާރާތް ފަށަން ތައްޔާރުވެއްޖެ އެވެ.
ކަޕް ވިނާސް ކަޕްގައި ވާދަ ކުރާނީ ހަތަރު ޓީމެވެ. އެއީ މިދިޔަ އަހަރުގެ ދިވެހި ޕްރިމިއާ ލީގުގެ ގަދަ ހަތަރު ޓީމެވެ. އެގޮތުން އެއީ އެންމެ ފަހުގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަން އާއި، އޮޑި ސްޕޯޓްސް ކުލަބުގެ އިތުރުން ނިއު ރޭޑިއަންޓް އާއި ބުރު ސްޕޯޓްސް ކުލަބެވެ.
މުބާރާތުގެ ފުރަތަމަ މެޗުގައި ހޯމަ ދުވަހުގެ ހަވީރު ބައްދަލު ކުރާނީ ނިއު ރޭޑިއަންޓް އާއި ބުރެވެ. ދެ ވަނަ މެޗުގައި ހޯމަ ދުވަހުގެ ރޭ ބައްދަލު ކުރާނީ މާޒިޔާ އާއި އޮޑި އެވެ. އޭގެ ފަހުން ބުރާސްފަތި ދުވަހުގެ ހަވީރު ކުޅޭނީ މާޒިޔާ އާއި ބުރެވެ. އަދި ބުރާސްފަތި ދުވަހުގެ ރޭ ކުޅޭނީ ނިއު ރޭޑިއަންޓް އާއި އޮޑި އެވެ.
ހޮނިހިރު ދުވަހުގެ ހަވީރު ކުޅޭނީ އޮޑި އާއި ބުރެވެ. އަދި ހޮނިހިރު ދުވަހުގެ ރޭ ކުޅޭނީ މާޒިޔާ އާއި ނިއު ރޭޑިއަންޓް އެވެ. ކޮންމެ ޓީމެއް ކޮންމެ ޓީމަކާ ބައްދަލު ކުރުމަށް ފަހު، އެއް ވަނަ ޓީމާއި ދެ ވަނަ ޓީމަށް ފައިނަލްގެ ޖާގަ ލިބޭނެ އެވެ. މުބާރާތުގެ ފައިނަލް މެޗު އޮތީ އޮގަސްޓު މަހުގެ 18 ވާ އަންގާރަ ދުވަހުގެ ރޭ އެވެ.
މިފަހަރުގެ ފުޓުބޯޅަ ސީޒަން ފެށުމުގެ ގޮތުން ކުޅުނު ޗެރިޓީ ޝީލްޑް މެޗުގައި މާޒިޔާ އިން ވަނީ ޕެނަލްޓީ ޖަހައިގެން ނިއު ރޭޑިއަންޓް ބަލިކޮށްފައި އެވެ. މިއީ 18 އަހަރުގެ މެދު ކެނޑުމަކަށް ފަހު ކަޕް ވިނާސް ކަޕް ކުޅެވޭ ފުރަތަމަ ފަހަަރަށް ވާނެ އެވެ. އެންމެ ފަހުން ކަޕް ވިނާސް ކަޕް 2008 ވަނަ އަހަރު ކުޅުނުއިރު، އެފަހަރުގެ މުބާރާާތް ކާމިޔާބު ކުރީ ނިއު ރޭޑިއަންޓް އިންނެވެ.
