އޮޑި ބަލިކޮށް، މާޒިޔާ އިން ވެސް ފެށުން ރަނގަޅުކޮށްފި

މިހާރު ކުރިއަށްދާ ކަޕް ވިނާސް ކަޕްގައި އޮޑި ސްޕޯޓްސް ކުލަބާ ދެކޮޅަށް ކުޅުނު މެޗުން މޮޅުވެ، މާޒިޔާ ސްޕޯޓްސް އެންޑް ރެކްރިއޭޝަން އިން މުބާރާތުގައި އެ ޓީމުގެ ފެށުން ރަނގަޅު ކޮށްފި އެވެ.

ހޯމަ ދުވަހުގެ ރޭ ގަލޮޅު ރަސްމީ ދަނޑުގައި ކުޅުނު މެޗު މާޒިޔާ އިން ކާމިޔާބު ކޮށްފައި ވަނީ 2-1 އިންނެވެ. މެޗުގައި މާޒިޔާ އިން ލަނޑުޖަހައި ކުރި ހޯދާފައި ވަނިކޮށް، އޮޑިން ނަތީޖާ ހަމަހަމަ ވެސް ކުރި އެވެ. ނަމަވެސް، ދެ ވަނަ ލަނޑެއް ޖަހައިގެން މާޒިޔާ ވަނީ މެޗުން މޮޅުވެފައި އެވެ.

މެޗު ފަށައިގެން 18 ވަނަ މިނެޓުގައި މާާޒިޔާ އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު އެ ޓީމަށް ޖަހައިދިނީ ނައްސާހް އިބްރާހިީމް ނާސިރު އެވެ. ނަމަވެސް، އޭގެ 10 މިނެޓު ފަހުން މުޒުދާން ޙަސަން ވަނީ ލަނޑު ޖަަހައި އޮޑި އަށް މެޗުގެ ނަތީޖާ ހަމަހަމަ ކޮށްދީފައި އެވެ. މެޗުން މާޒިޔާ މޮޅުވެފައި ވަނީ ދެ ވަނަ ހާފުގެ 78 ވަނަ މިނެޓުގައި އަޙުމަދު އައިހަމް ޖެހި ލަނޑުންނެވެ. 

މިއީ މާޒިޔާާގެ ކޯޗަކަމަށް ހަމަޖެއްސި ޗެކް ރިޕަބްލިކްގެ  ތޯމަސް ޓްރުޗާގެ އިރުޝާދުގެ ދަށުން މާޒިޔާ އިން ކުޅުނު ފުރަތަމަ މެޗެވެ. މުބާރާތުގެ ދެ ވަނަ މެޗުގައި ބުރާސްފަތި ދުވަހުގެ ހަވީރު މާޒިޔާ ނުކުންނާނީ ބުރު ސްޕޯޓްސް ކުލަބާ ދެކޮޅަށެވެ. އަދި ފަހު މެޗުގައި ކުޅޭނީ ނިއު ރޭޑިއަންޓް ސްޕޯޓްސް ކުލަބާ ދެކޮޅަށެވެ.

މާޒިޔާ އިން ވަނީ މިފަހަރުގެ ސީޒަން ހުޅުވުމުގެ ގޮތުން ކުޅުނު ޗެރިޓީ ޝީލްޑު މެޗުގައި ނިއު ރޭޑިއަންޓް ބަލިކޮށްފައި އެވެ.