ސްޕެއިންގެ ކޯޗާ އެކު ބުރުގެ ފަރިތަކުރުންތައް ފަށައިފި
އުމުރުން 29 އަހަރުގެ ރޮޑްރިގޭޒް އަކީ ޔުއެފާ ޕްރޯ ލައިސަންސް ކޯޗެެއް. އޭނާ އަކީ ބުރުގެ ކޯޗުކަމާ ހަވާލުވި ފުރަތަމަ ބިދޭސީ ކޯޗެއް
ސްޕެއިންގެ ރޮޑްރިގޭޒް އާއެކު ބުރުގެ ފަރިތަކުރުން ފެށުން | ބުރު ސްޕޯޓްސް ކުލަބު
ރާއްޖޭގެ ފުރަތަމަ ޑިވިޝަންގައި ވާދަ ކުރަމުން އަންނަ ބުރު ސްޕޯޓްސް ކުލަބުގެ ފަރިތަކުރުންތައް ފަށައިފި އެވެ.
އާދީއްތަ ދުވަހު ބުރުގެ ފަރިތަކުރުންތައް ފެށީ ސްޕެއިންގެ ކްރިސްޓިއަން ރޮޑްރިގޭޒް އާއެކު އެވެ. މިއީ ބުރުގެ ކޯޗަކަށް އޭނާ ހަމަޖެއްސި ފަހުން އެ ކުލަބުން ބޭއްވި ފުރަތަމަ ފަރިތަކުރުމެވެ.
ބުރުގެ ކޯޗަކަށް ހަމަޖެއްސި ރޮޑްރިގޭޒް ވަނީ ގިނަ ޤައުމު ތަކެއްގައި މަސައްކަތް ކޮށްފައި އެވެ. އެގޮތުން ސްޕެއިން، އެމެރިކާ، އިންޑިއާ، އޮމާން އަދި ޔޫއޭއީގައި ވެސް އޭނާ މަސައްކަތް ކޮށްފައިވެ އެވެ.
އުމުރުން 29 އަހަރުގެ ރޮޑްރިގޭޒް އަކީ ޔުއެފާ ޕްރޯ ލައިސަންސް ކޯޗެކެވެ. އޭނާ އަކީ ބުރުގެ ކޯޗުކަމާ ހަވާލުވި ފުރަތަމަ ބިދޭސީ ކޯޗެވެ. ބުރުގެ ކޯޗަކަށް އޭނާ ހަމަޖެއްސީ، ކުރިން އެ މަގާމުގައި ހުރި މުޙައްމަދު ނިޒާމް (ނިޒާމްބެ) މަގާމު ދޫކޮށްލުމުންނެވެ.
