ހުރްމުޒް ކަނޑުއޮޅިއަކީ އެމެރިކާގެ ސަރަހައްދެއް ކަމަށް ވަރަށް އަވަހަށް ކަނޑައަޅަނީ: ޓްރަމްޕް
15 އޯގަސްޓު 2026 | ހޮނިހިރު 06:31ހުރްމުޒް ކަނޑުއޮޅިއަކީ އެމެރިކާގެ މިލްކުވެރިކަން އޮތް ސަރަހައްދެއްގެ ގޮތުގައި ވަރަށް އަވަހަށް އިއުލާނު ކުރައްވާނެ ކަމަށް ރައީސް ޑޮނަލްޑް ޓްރަމްޕް ވިދާޅުވެއްޖެ. ޓްރަމްޕްގެ މި ވާހަކަތަކަށް ރައްދު ދެމުން އީރާނުން ބުނީ އެ ކަނޑުއޮޅި އަބަދުވެސް އޮންނާނީ އެ ގައުމުގެ ބާރުގެ ދަށުގައި ކަމަށާއި، އެމެރިކާއިން ބަލި ގަބޫލުކުރަންދެން އެ ސަރަހައްދުގައި ހިންގާ ހަރަކާތްތައް ކުރިއަށް ގެންދާނެ ކަމަށް
އީރާން ބަލިކޮށް ނިންމުމަށްފަހު، ހުރްމުޒް ކަނޑުއޮޅިއަކީ އެމެރިކާގެ މިލްކުވެރިކަން އޮތް ސަރަހައްދެއްގެ ގޮތުގައި އަޅުގަނޑު އިޢުލާނު ކުރައްވާނެ ކަމަށް ޓްރަމްޕް ވިދާޅުވި | ފޮކްސް
އީރާނުގެ މައްޗަށް އެމެރިކާއިން ބޮޑު ކާމިޔާބީއެއް ހޯދަމުންދާކަމަށް ވިދާޅުވެ، ހުރްމުޒް ކަނޑުއޮޅިއަކީ އެމެރިކާގެ ސަރަހައްދެއްގެ ގޮތުގައި "މިހާރުން މިހާރަށް" ކަނޑައަޅުއްވާނެ ކަމަށް ރައީސް ޑޮނަލްޑް ޓްރަމްޕް ހުކުރު ދުވަހު ވިދާޅުވެއްޖެ އެވެ.
ނިއުޔޯކް ސްޓޭޓްގެ ޕޮލިސް އެކަޑަމީއެއްގައި ބޭއްވި ސިޔާސީ އެއްވުމެއްގައި ވާހަކަދައްކަވަމުން، ހިނިތުންވުމަކާއެކު ޓްރަމްޕް ވިދާޅުވީ، ވަރަށް އަވަހަށް ހުރްމުޒް ކަނޑުއޮޅިއަކީ އެމެރިކާގެ މިލްކުވެރިކަން އޮތް ސަރަހައްދެއްގެ ގޮތުގައި އިއުލާނު ކުރައްވާނެ ކަމަށާއި، އެއީ ހަގީގަތެއް ކަމަށެވެ.
ހުރްމުޒް ކަނޑުއޮޅި އެމެރިކާގެ ސަރަހައްދެއްގެ ގޮތުގައި ކަނޑައަޅާނެ ކަމަށް ވިދާޅުވެ ޓްރަމްޕް ދެއްވި އިންޒާރަށް ރައްދު ދެއްވަމުން، އީރާނުގެ ޑެޕިއުޓީ ފޮރިން މިނިސްޓަރު ކާޒިމް ޣަރީބްއާބާދީ ވިދާޅުވީ، އެ ކަނޑުއޮޅި އަބަދުވެސް އޮންނާނީ އީރާނުގެ ބާރުގެ ދަށުގައި ކަމަށެވެ. އަދި އެމެރިކާއިން ބަލި ގަބޫލުކުރަންދެން، އެ ސަރަހައްދު ބަންދުކޮށްގެން ހިންގާ ހަރަކާތްތައް ކުރިއަށް ގެންދާނެ ކަމަށްވެސް އޭނާ ވިދާޅުވި އެވެ.
