ގާނޫނު އަސާސީ ހޯދަން ކުރި މަސައްކަތުގައި ރައީސް މުއިއްޒުއަކީ 'ގައިން އެންމެ ދާ ފޮދެއް ވެސް އޮހުރުވި' ބޭފުޅެއް ނޫން: ޝިފާޒް
14 އޯގަސްޓު 2026 | ހުކުރު 09:45ރާއްޖޭގެ ރައްޔިތުން ހައްގުތައް ހޯދުމަށް ކުރި މަސައްކަތުގައި ރައީސް މުއިއްޒުގެ އެއްވެސް ހިއްސާއެއް ނެތް ކަމަށް ވިދާޅުވެ، އެމްޑީޕީގެ ކުރީގެ ނައިބު ރައީސް މުހައްމަދު ޝިފާޒު ސަރުކާރަށް ވަރަށް ބޮޑަށް ފާޑުވިދާޅުވެއްޖެ. އެމްޑީޕީން ބޭއްވި މުޒާހަރާގައި ވާހަކަދައްކަވަމުން ޝިފާޒު ވިދާޅުވީ، ޑޮލަރުގެ އަގު ކުޑަވަންދެން ރައްޔިތުންގެ ހައްގުގައި ކުރާ އިހުތިޖާޖުތައް ކުރިއަށް ގެންދާނެ ކަމަށް
އެމްޑީޕީގެ ކުރީގެ ނައިބު ރައީސް ޝިފާޒު | އަދަދު
ގާނޫނު އަސާސީ ހޯދަން ކުރި މަސައްކަތުގައި، ރައީސް ޑރ. މުހައްމަދު މުއިއްޒުއަކީ 'ގައިން އެންމެ ދާ ފޮދެއް ވެސް' އޮހުރުވި ބޭފުޅެއް ނޫން ކަމަށް އެމްޑީޕީގެ ކުރީގެ ނައިބު ރައީސް މުހައްމަދު ޝިފާޒު ވިދާޅުވެއްޖެ އެވެ.
ބުރާސްފަތި ދުވަހުގެ ރޭ އެމްޑީޕީން ބޭއްވި "ދަތިވެއްޖެ" މުޒާހަރާގައި ވާހަކަ ދައްކަވަމުން ޝިފާޒު ވިދާޅުވީ ރާއްޖޭގެ ރައްޔިތުން ހައްގުތައް ހޯދި ގޮތް ރައީސް މުއިއްޒުއަށް އެނގިވަޑައި ނުގަންނަވާނެ ކަމަށާއި ރައީސް މުއިއްޒުއަކީ ސިޔާސީ ކަންކަމުގައި އުޅުއްވި ބޭފުޅެއް ނޫން ކަމަށެވެ. އެހެންކަމުން ރައްޔިތުންނަށް އަނިޔާވެރިވުމަކީ އެމަނިކުފާނަށް މާ ބޮޑު ކަމަކަށް ނުވާނެ ކަމަށް ޝިފާޒު ވިދާޅުވި އެވެ.
ރައްޔިތުންގެ ހައްގުގައި އެމްޑީޕީން ކުރަމުންދާ މަސައްކަތަށް ހުރަސް ނޭޅުމަށް ސަރުކާރަށް ގޮވާލައި، ޝިފާޒު ވިދާޅުވީ އެމްޑީޕީން ފަށާފައިވާ ހަރަކާތް ޑޮލަރުގެ އަގު ކުޑަވަންދެން ކުރިއަށް ގެންދާނެ ކަމަށެވެ.
ޑރ މުއިއްޒަކީ މި ގާނޫނު އަސާސީ ހޯދަން މި ރައްޔިތުން އަދި ތިބޭފުޅުން ވެސް ހިމެނޭ ގޮތަށް ކުރި މަސައްކަތުގައި ގައިން އެންމެ ދާ ފޮދެއް ވެސް އޮހުރުވި ބޭފުޅެއް ނޫން، އެބޭފުޅާއަކަށް އެނގިވަޑައިން ނުގަންނަވާނެ ރާއްޖޭގެ ރައްޔިތުން ހައްގުތައް ހޯދި ގޮތެއް، އެބޭފުޅާއަށް ބެހޭ ވެސް ކަމެއް ނޫން، ސިޔަސީ ޕާޓީއެއް ހިންގަން އުޅުއްވި ބޭފުޅެއް ނޫން، ރައްޔިތުންގެ މަޖިލީހުގައި އުޅުއްވި ބޭފުޅެއް ނޫން، ސިޔާސީ އެއްވެސް ކަމެއްގައި ގަމީހަށް ރުލެއް ވެސް އެރި ބޭފުޅެއް ނޫން ދެން މިއަދު އެބޭފުޅާގެ ހިތަކަށް ހަގީގަތުގައި ވެސް އެއްވެސް އެއްޗެއް ނާރާ، އެއްވެސް ކަމަކަށް ނުވާނެ ރައްޔިތުންނަށް އަނިޔާވެރިވާކަށްމުހައްމަދު ޝިފާޒު
ހޯމް މިނިސްޓަރު އަލީ އިހުސާނަށް ވަރަށް ބޮޑަށް ފާޑު ވިދާޅުވި އެވެ.
މީގެއިތުރުން ޝިފާޒު ވިދާޅުވީ ރައްޔިތުންގެ ހައްގުތައް ހޯދައިދިނުމުގައި އެމްޑީޕީ ފަހަތަށް ނުޖެހޭނެ ކަމަށާއި ރައްޔިތުންނަށް ދަތިވީމައި، ސިޔާސީ ޕާޓީއެއްގެ ހައިސިއްޔަތުން ނުކުތުމަކީ އެމްޑީޕީގެ ޒިންމާއެއް ކަމަށެވެ.
