ބޮޑެތި ޕާޓީތަކުން ބޮއިކޮޓް ކުރި އިންތިޚާބުގައި ބޮޑު ކާމިޔާބެއް ހޯއްދަވައި، ފަރާޖް ގޮނޑި ދިފާއު ކުރައްވައިފި

ކްލެކްޓަންގެ ޤާނޫނު ހަދާ މަޖިލީހުގެ ބައި އިލެކްޝަން ކާމިޔާބު ކުރައްވައި، ރިފޯމް ޔޫކޭގެ ލީޑަރު ނައިޖެލް ފަރާޖް ގޮނޑި ދިފާއު ކުރައްވައިފި އެވެ.

މި އިންތިޚާބަކީ ވެސްޓްމިންސްްޓަރގެ ބޮޑެތި ޕާޓީއަކުން ބޮއިކޮޓް ކޮށްފައިވާ އިންތިޚާބެކެވެ. އިންތިޚާބުގައި ފަރާޖް އަށް 22،239 ވޯޓު ލިބިފައިވާއިރު، ދެ ވަނަ ހޯދި ކައުންޓް ބިންފޭސްއިން އަށް ލިބިފައި ވަނީ 9،455 ވޯޓެވެ. މި ބޮޑު ކާމިޔާބާ އެކު، ފަރާޖް ވަނީ އަލުން އަނެއްކާ ވެސް ޤާނޫނު ހަދާ މަޖިލީހަށް އިންތިޚާބުވެ ވަޑައިގަންނަވާފަ އެވެ. 

މި އިންތިޚާބު ބާއްވަން ޖެހުނީ، މިދިޔަ ޖުލައި މަހުގެ ތެރޭގައި ފަރާޖް މެންބަރު ކަމުން އިސްތިއުފާ ދެއްވުމާ ގުޅިގެންނެވެ. އިސްތިއުފާ ދެއްވުމަށް ފަހު ފަރާޖް ވަނީ، އަލުން ބައި އިލެކްޝަންގައި ވާދަ ކުރައްވާނެ ކަމަށް ވެސް އިއުލާން ކުރައްވައިފަ އެވެ. 

އިންތިޚާބުގެ ނަތީޖާ އިއުލާން ކުރާ ސަރަހައްދަށް ފަރާޖް ވަޑައިގެންފައި ނުވާއިރު، ރިފޯމް ޔޫކޭ އިން ބުނެފައި ވަނީ އެއީ ފުލުހުން އެގޮތަށް އިރުޝާދު ދީފައިވާތީ ކަމަށެވެ. ނަމަވެސް، ބީބީސީ އިން ވަނީ އެއީ މުޅިން ހަގީގަތެއް ނޫން ކަމަށް ހާމަކޮށްފައި އެވެ. 

މި އިންތިޚާބުގައި ބޮޑެތި ޕާޓީތަކުން އެއްވެސް ކެންޑިޑޭޓަކު ނެރެފައި ނުވުމުން، ފަރާޖް އަށް ގޮނޑި ކާމިޔާބު ކުރެއްވޭނެ ކަމަށް ކުރިން ވެސް އޮތީ ބެލެވިފައި އެވެ. ނަމަވެސް، ފަރާޖް އަށް އަމާޒުވެފައިވާ ތުހުމަތުތަކާއި، އޭނާގެ މާލީ މައްސަލަތަކުގެ ވާހަކަ އަދިވެސް ނުހުއްޓޭނެ ކަމަށް ސިޔާސީ ތަޖުރިބާކާރުން ބުނެ އެވެ. 

Raajje.mv

ތުހުމަތުތަކާ ގުޅިގެން ރިފޯމް ޔޫކޭގެ ލީޑަރު ފަރާޖު މެމްބަރު ކަމުން އިސްތިއުފާ ދެއްވައިފި، އަލުން އިންތިޚާބުގައި ވާދަ ކުރައްވާނެ!

ފަރާޖް އަށް ކުރެވިފައިވާ ތުހުމަތުތަކަކީ، ކުށްވެރިއެއްގެ ގޮތުގައި ސާބިތު ވެފައިވާ ޖޯޖް ކޮޓްރެލްގެ ފަރާތުން ލިބުނު މާލީ މަންފާތަކެއް ފަރާޖް ހާމަކުރައްވާފައި ނުވާ ކަމަށް "ދަ ސަންޑޭ ޓައިމްސް" ނޫހުން ރިޕޯޓު ކުރުމާ ގުޅިގެންނެވެ. އެ ނޫހުން ރިޕޯޓު ކޮށްފައިވާ ގޮތުގައި، އުމުރުން 32 އަހަރުގެ ކޮޓްރެލް ވަނީ 2024 ވަނަ އަހަރުގެ އާންމު އިންތިޚާބުގެ ކުރިން ފަރާޖްގެ ސޯޝަލް މީޑިއާގެ މަސައްކަތްތަކަށް ތިން މުވައްޒަފުން ހޯދައިދީ، އެމީހުންނަށް މުސާރަ ދީފައި އެވެ.

މީގެ އިތުރުން ބަކިންހަމް ޕެލަސް ކައިރިން ކޮޓްރެލް ކުއްޔަށް ހިފާފައިވާ ފަސް ބުރީގެ ގެއެއް ބޭނުން ކުރުމުގެ ފުރުސަތު ވެސް ފަރާޖް އަށް ވަނީ ދެއްވާފަ އެވެ.

ޖޯޖް ކޮޓްރެލް އަކީ 2017 ވަނަ އަހަރު މަނީ ލޯންޑަރިންގެ މައްސަލައެއްގައި އެމެރިކާގައި ޖަލަށް ލާފައިވާ މީހެކެވެ. ނަމަވެސް ފަރާޖް ވިދާޅުވީ، އެއީ އޭނާގެ އަމިއްލަ ބޭނުންތަކަށް ލިބުނު އެހީތަކެއް ކަމަށާއި، މަޖިލީހުގެ މިންގަނޑުތައް މިހާރު ބޭނުން ކުރެވެނީ ސިޔާސީ ހަތިޔާރެއްގެ ގޮތުގައި ކަމަށެވެ. އޭނާ އެއްވެސް ގާނޫނަކާ ޚިލާފު ވެވަޑައިގެންފައި ނުވާނެ ކަމަށާއި، ދައުލަތުގެ ފައިސާ އަށް ޚިޔާނާތްތެރިވެ ވަޑައިގަންނަވާފައި ނުވާނެ ކަމަށް ވެސް ފަރާޖް ވިދާޅުވި އެވެ.