ޓްރަމްޕްގެ ބޯޓު ބަދަލުކުރަން ގެންގުޅު އުކުޅަކީ މީގެ ކުރިން ބިލް ކްލިންޓަންގެ ދައުރުގައި ވެސް ކުރެއްވި ކަމެއް، އެކަމަކު އޭރު މީޑިއާތަކަށް އެ މައުލޫމާތު ހިއްސާ ކުރި!
12 އޯގަސްޓު 2026 | ބުދަ 04:472000 ވަނަ އަހަރުގެ މާޗު މަހު އިންޑިއާ އިން ޕާކިސްތާންގެ އިސްލާމްއާބާދަށް ކުރެއްވި ހައި ރިސްކް ދަތުރުފުޅެއްގައި ބިލް ކްލިންޓަން ވަނީ ފާހަގަ ނުކުރެވޭ ޑެކޯ ބޯޓަކަށް ބަދަލުވެ ވަޑައިގެންފައި. އެމެރިކާގެ ރައީސުންގެ ސަލާމަތީ ކަންކަން ބަލަހައްޓާ ސީކްރެޓް ސަރވިސް އާއި ވައިޓް ހައުސް އިން މި ސިއްރު ބަދަލުކުރުމަށް އަމުރުކުރީ ސަލާމަތީ ގޮތުން އިންތިހާ އަށް ކުރިމަތިވާ ނުރައްކާތަކާއި އުދަނގޫ ސަރަހައްދެއްގައި އެންޓި އެއާކްރާފްޓް ބަޑިޖެހުންތަކުން ބިލް ކްލިންޓަން ރައްކާތެރި ކުރުމަށް
އެމެރިކާާގެ ކުރީގެ ރައީސް ބިލް ކްލިންޓަންގެ ދައުރުގައި އޭނާ ވެސް ދަތުރު ކުރެއްވި ބޯޓު ބަދަލު ކުރެއްވިއިރު، އެކަމުގެ މައުލޫމާތު އޭރު ވަނީ ނޫސްވެރިންނަށް ދީފައި | ދި ވޮޝިންޓަން ޕޯސްޓް
އެމެރިކާގެ ރައީސް ޑޮނަލްޑް ޓްރަމްޕް ދާދި ފަހުން ކުރެއްވި ދަތުރުފުޅެއްގައި، އޭނާ ދަތުރު ކުރައްވާ ރަސްމީ މަތިންދާ ބޯޓު "އެއަރ ފޯސް ވަން" ބަދަލު ކުރައްވައިގެން ގެންގުޅުއްވި އުކުޅަކީ، މީގެ ކުރިން އެ ޤައުމުގެ ރައީސް ބިލް ކްލިންޓަންގެ ދައުރުގައި ވެސް ބޭނުން ކޮށްފައިވާ އުކުޅެއްކަން ހާމަވެއްޖެ އެވެ.
ނަމަވެސް، މިދިޔަ ޖުލައި މަހު ހިނގި ޓްރަމްޕް ހާދިސާ އާއި 2000 ވަނަ އަހަރު ހިނގި ބިލް ކްލިންޓަންގެ ހާދިސާގައި ވަރަށް ބޮޑު ތަފާތުތަކެއް ހުރި އެވެ. އޭރު، ބިލް ކްލިންޓަން ދަތުރު ކުރެއްވި ބޯޓު ބަދަލު ކުރަން ޖެހުނު ސަބަބު، ވަގުތުން ނޫސްވެރިން ނުވަތަ މީޑިއާތަކަށް އަންގާފައިވެ އެވެ.
އީރާނުން ހަމަލާއެއް ދީފާނެ ކަމަށް ބިރުން ޓްރަމްޕް ތުރުކީން މަތިންދާބޯޓަށް އަރާވަޑައިގަތީ ކާބޯތަކެތި އުފުލާ ލޮރީއެއްގައި ފިއްލަވައިގެންކަން ފަޅާ އަރައިފި
މިކަމާ ގުޅޭ ގޮތުން މައުލޫމާތު ހިއްސާކުރި ނޫސްވެރިއަކު ހާމަކޮށްފައިވާ ގޮތުގައި، މީގެ 26 އަހަރު ކުރިން ނުވަތަ، 2000 ވަނަ އަހަރު ބިލް ކްލިންޓަންގެ މަތިންދާ ބޯޓު ބަދަލު ކުރުމުގެ އޮޕަރޭޝަނެއް ރިޔާސީ ގަނޑުވަރު، ވައިޓް ހައުސް އިން ހިންގި އެވެ. އެހެން ނަމަވެސް ޓްރަމްޕްގެ ދަތުރުފުޅާ ޚިލާފަށް، ކްލިންޓަންގެ ދަތުރުފުޅުގައި އެކުގައި ދަތުރުކުރި ނޫސްވެރިންނަށް އެކަމުގެ މައުލޫމާތު ކުރީ ބައިގައި ދީފައިވާ ކަމަށް އެ ނޫސްވެރިޔާ ބުންޏެވެ.
ބިލް ކްލިންޓަންގެ ވެރިކަމުގައި ހިންގި މި އޮޕަރޭޝަން އަކީ ސަލާމަތީ ސަބަބުތަކަށްޓަކައި ސިއްރިއްޔާތުގައި ކުރިއަށްގެން ދިޔަ ކަމަކަށް ވީ ނަމަވެސް، އެ ދަތުރުފުޅުގައި ބައިވެރިވި ޕްރެސް ކޯ ނުވަތަ، ނޫސްވެރިންގެ ޓީމަށް އެކަމުގެ ތަފްސީލު އަދި ކުރިމަތިވެދާނެ ނުރައްކާތަކުގެ މައުލޫމާތު ވައިޓް ހައުސް އިން ވަނީ ބުނެދީފައި އެވެ. މިއީ ޓްރަމްޕްގެ ދަތުރުފުޅުގައި ކަން ހިނގައި ދިޔަ ގޮތާ ބަލާއިރު، ފާހަގަ ކޮށްލެވޭ ބޮޑު ތަފާތެކެވެ.
2000 ވަނަ އަހަރުގެ މާޗު މަހު އިންޑިއާ އިން ޕާކިސްތާންގެ އިސްލާމްއާބާދަށް ކުރެއްވި ހައި ރިސްކް ދަތުރެއްގައި ބިލް ކްލިންޓަން ވަނީ ފާހަގަ ނުކުރެވޭ ޑެކޯ ބޯޓަކަށް ބަދަލުވެ ވަޑައިގެންފައި އެވެ. އެމެރިކާގެ ރައީސުންގެ ސަލާމަތީ ކަންކަން ބަލަހައްޓާ ސީކްރެޓް ސަރވިސް އާއި، ވައިޓް ހައުސް އިން މި ސިއްރު ބަދަލު ކުރުމަށް އަމުރުކުރީ ސަލާމަތީ ގޮތުން އިންތިހާ އަށް ކުރިމަތިވާ ނުރައްކާތަކާއި އުދަނގޫ ސަރަހައްދެއްގައި އެންޓި އެއާކްރާފްޓް ބަޑިޖެހުންތަކުން ބިލް ކްލިންޓަން ރައްކާތެރި ކުރުމަށެވެ.
ސިއްރުން ޓްރަމްޕްގެ ފްލައިޓް ބަދަލު ކުރަން ޖެހުނު މައްސަލައިގެ ތަފްސީލު ހިއްސާ ކުރުމަށް، ޑިމޮކްރެޓިކް ޕާާޓީ އިން ގޮވާލައިފި
ޓްރަމްޕްގެ ދަތުރުފުޅުގައި މަތިންދާ ބޯޓު ބަދަލުކުރި މައްސަލައިގައި ގިނަ ބައެއްގެ ސަމާލުކަން ހުއްޓިފައި ވަނީ، އެއީ މީގެ ކުރިން ވެސް އެމެރިކާގެ ރައީސުން ބޭނުން ކޮށްފައިވާ "ޕްލޭބުކް" ނުވަތަ އުސޫލެއް ކަމަށް ވީ ނަމަވެސް، މައުލޫމާތު ހިއްސާ ކުރުމުގައި ގެންގުޅުނު ސިޔާސަތުގެ ސަބަބުންނެވެ. ކްލިންޓަންގެ ވެރިކަމުގައި ނޫސްވެރިންނަށް އިތުބާރުކޮށް، ސަލާމަތީ ކަންކަމާ ގުޅޭ މައުލޫމާތު ހިއްސާ ކޮށްފައިވާއިރު، ޓްރަމްޕްގެ ދަތުރުފުޅުގައި އެފަދަ މައުލޫމާތެއް ކުރީ ބައިގައި ދީފައި ނުވާކަން މިހާރު ވަނީ ކަށަވަރުވެފައި އެވެ.
މި ހާދިސާއާ ގުޅިގެން އެމެރިކާގެ އާންމު ރައްޔިތުންގެ މެދުގައި ވެސް އެކި ޚިޔާލުތައް ދަނީ ފާޅު ކުރަމުންނެވެ. ބައެއް މީހުން ދެކޭ ގޮތުގައި ސަލާމަތީ ކަންކަމުގައި މިފަދަ އުކުޅުތައް ބޭނުން ކުރުމަކީ މުހިންމު ކަމަކަށް ވީ ނަމަވެސް، ދައުލަތުގެ މުހިންމު ދަތުރުފުޅުތަކުގައި ނޫސްވެރިންނަށް ދޭންޖެހޭ މައުލޫމާތު ދިނުމަކީ ޑިމޮކްރެޓިކް އުސޫލުތަކުގެ ތެރެއިން ކުރަން ޖެހޭނެ ކަމެކެވެ.
މަސްދަރު: ދި ވޮޝިންޓަން ޕޯސްޓް
