އަންގާރަ ދުވަހު ހުރްމުޒް ކަނޑުއޮޅި ހުރަސްކޮށްފައިވަނީ މުދާ އުފުލާ އެންމެ ތިން އުޅަނދު

ޝިޕިންގް ޑޭޓާތަކުން ދައްކާ ގޮތުގައި، އެމެރިކާއާއި އީރާނާ ދެމެދު ކުރިއަށްދާ ހަމަލާ ބަދަލުކުރުންތަކާ ގުޅިގެން ސަލާމަތީ ކަންބޮޑުވުންތައް އިތުރުވެ، ހުރްމުޒް ކަނޑުއޮޅިން ދަތުރުކުރާ އުޅަނދުފަހަރުގެ އަދަދު އަންގާރަ ދުވަހު އިތުރަށް ދަށަށް ގޮސްފި އެވެ.

ކެޕްލަރ (Kpler) އިން އާންމުކޮށްފައިވާ ތަފާސްހިސާބުތަކަށް ބަލާއިރު، އަންގާރަ ދުވަހު އެ ކަނޑުއޮޅި ހުރަސްކޮށްފައިވަނީ މުދާ އުފުލާ ޖުމްލަ ތިން އުޅަނދެވެ. މިއީ އޭގެ ކުރީ ދުވަހު ދަތުރުކުރި ހަތަރު އުޅަނދާ އަޅާބަލާއިރު މަދު އަދަދެކެވެ.

ކްޕްލަރގެ މައުލޫމާތުތައް ދައްކާ ގޮތުގައި، އާންމު މުދާ އުފުލާ އުޅަނދެއް ކަމަށްވާ "ކައިޒާ" (Kaiser) މުދަލާއެކު ކަނޑުއޮޅިން ބޭރުވެފައިވާއިރު، "އެޗް7 އެސްއެމްބީ8" (H7 Smb8) ނަމަކަށް ކިޔާ ބޯޓު ކަނޑުއޮޅިއަށް ވަދެފައިވަނީ ހުސްކޮށެވެ. މިއީ ގަލްފުގެ ގައުމަކުން މުދާ ބަރުކުރުމަށްޓަކައި ކުރި ދަތުރެއް ކަމަށް ބެލެވެ އެވެ.

މީގެ އިތުރުން، ސާފުކޮށްފައިވާ ޕާމް އޮއިލް ބަރުކޮށްގެން ދަތުރުކުރި "ސިން އޯޝަން" (Hsin Ocean) ނަމަކަށް ކިޔާ އުޅަނދުވެސް އަންގާރަ ދުވަހު ހުރްމުޒް ކަނޑުއޮޅިއަށް ވަދެފައިވާ ކަމަށް ކްޕްލަރއިން ބުނެފައިވެ އެވެ.

ނަމަވެސް، އަންގާރަ ދުވަހު އެ ކަނޑުއޮޅި ހުރަސްކޮށް ސާފުނުކުރާ ތެޔޮ އުފުލާ ބޮޑެތި އުޅަނދުތައް (VLCC) ނުވަތަ ގުދުރަތީ ގޭސް އުފުލާ (LNG) ޓޭންކަރެއް ދަތުރުކޮށްފައިވާކަން ފާހަގަކުރެވިފައެއް ނުވެ އެވެ.

އެމެރިކާގެ އަސްކަރިއްޔާއިން އަންގާރަ ދުވަހުގެ ރޭ ބުނެފައިވާ ގޮތުގައި، އެ ގައުމުން ވަނީ އީރާނަށް އަމާޒުކޮށް އަނެއްކާވެސް އާ ހަމަލާތަކެއް ދީފަ އެވެ. މިއީ މެދުނުކެނޑި އެމެރިކާއިން ހަމަލާދިން 11 ވަނަ ރެއެވެ.