މިފަހަރުގެ ވޯލްޑް ކަޕް އަކީ ކުރީގެ މުބާރާތްތަކާ އަޅާބަލާއިރު، ހަތަރު ގުނަ ކާމިޔާބު މުބާރާތެއް: ޓްރަމްޕް
ޓްރަމްޕް ވިދާޅުވީ އެމެރިކާގައި މިފަހަރު ކުރިއަށް ގެންދިޔަ ވޯލްޑް ކަޕް އަކީ، ދުނިޔޭގައި މިހާތަނަށް ބޭއްވުނު އެންމެ ކާމިޔާބު އަދި ފެންވަރުގެ ގޮތުން ވެސް އެންމެ ރަނގަޅު ޙަރަކާތްތަކުގެ ތެރޭގައި ހިމެނޭ ޙަރަކާތެއް ކަމަށް. އެއާ އެކު ޓްރަމްޕް ވިދާޅުވީ، ވޯލްޑް ކަޕް އަކީ އެމެރިކާގެ ފަޚުރާ ވެސް ގުޅިފައިވާ ކަމެއް ކަމަށާއި، މިއީ އެމެރިކާގައި ބޭއްވުނު ވަރުގަދަ ޙަރަކާތެއް ކަމަށް
ވޯލްޑް ކަޕްގެ ފައިނަލް މެޗުގައި އެމެރިކާގެ ރައީސް ޓްރަމްޕް އާއި ފީފާގެ ރައީސް އިންފަންޓީނޯ | ރޮއިޓާސް
އެމެރިކާާ އާއި ކެނެޑާ އަދި މެކްސިކޯގައި މިފަހަރު ބޭއްވި ފީފާ ވޯލްޑް ކަޕް އަކީ، މީގެ ކުރީގެ މުބާރާތްތަކާ އަޅާބަލާއިރު ހަތަރު ގުނަ ކާމިޔާބު މުބާރާތެއް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ވައިޓް ހައުސްގައި ހުންނަވައި ވާހަކަ ދައްކަވަމުން ޓްރަމްޕް ވިދާޅުވީ، މީގެ ކުރިން ބޭއްވި ވޯލްޑް ކަޕްގެ މުބާރާތްތަކަށް ވުރެ މިފަހަރުގެ މުބާރާތް ހުރިހާާ ގޮތަކުން ވެސް ކާމިޔާބު ކަމަަށެވެ. އަދި މުބާރާތުގެ އިންތިޒާމުތަކާއި، ލިބުނު ކުރިއެރުންތަަކަށް ވަރަށް ބޮޑަށް ޓްރަމްޕް ވަނީ ތައުރީފު ކުރައްވައިފަ އެވެ.
މުބާރާތުގެ ކާމިޔާބީ އިންތިހާ އަށް ބޮޑުކަން ފާހަގަ ކުރައްވައި ޓްރަމްޕް ވިދާޅުވީ، އެކަމުގެ ސަބަބުން އެމެރިކާ އަށް ލިބުނީ ބޮޑު ފަޚުރެއް ކަމަށެވެ. އަދި އެކަމާ ވަރަށް ބޮޑަށް ހިތްހަމަޖެހިވަޑައިގަންނަވާ ކަމަށް ވެސް ޓްރަމްޕް ވިދާޅުވި އެވެ. ޓްރަމްޕް ވިދާޅުވީ ވޯލްޑް ކަޕް އަކީ ކާމިޔާބު މުބާރާތަކަށް ހެދުމަށް ގިނަ ފަރާތްތަކުން މަސައްކަތް ކޮށްފައިވާ ކަމަށެވެ.
މީގެ އިތުރުން ޓްރަމްޕް ވިދާޅުވީ އެމެރިކާގައި މިފަހަރު ކުރިއަށް ގެންދިޔަ ވޯލްޑް ކަޕް އަކީ، ދުނިޔޭގައި މިހާތަނަށް ބޭއްވުނު އެންމެ ކާމިޔާބު އަދި ފެންވަރުގެ ގޮތުން ވެސް އެންމެ ރަނގަޅު ޙަރަކާތްތަކުގެ ތެރޭގައި ހިމެނޭ ޙަރަކާތެއް ކަމަށެވެ. އެއާ އެކު ޓްރަމްޕް ވިދާޅުވީ، ވޯލްޑް ކަޕް އަކީ އެމެރިކާގެ ފަޚުރާ ވެސް ގުޅިފައިވާ ކަމެއް ކަމަށާއި، މިއީ އެމެރިކާގައި ބޭއްވުނު ވަރުގަދަ ޙަރަކާތެއް ކަމަށެވެ.
މުބާރާތް އިންތިޒާމު ކުރުމުގައި ބައިވެރިވި އެންމެހާ ފަރާތްތަކާއި، އަދި ފީފާ އަށް ވެސް ޓްރަމްޕް ވަނީ ޝުކުރު އަދާކުރައްވައިފަ އެވެ. އަދި މުބާރާތުގެ ސަބަބުން އެމެެރިކާގެ އިޤްތިޞާދާއި، އެމެރިކާގެ ކުރިއެރުން އަދި މަޤުބޫލުކަން ވެސް އިތުރުވެގެން ދިޔަ ކަމަށް ޓްރަމްޕް ވިދާޅުވި އެވެ.
މިއީ އެމެރިކާގެ ތާާރީޚުގައި އެ ޤައުމުގައި ވޯލްޑް ކަޕް ބޭއްވި ދެ ވަނަ ފަހަރެވެ. މީގެ ކުރިން 1994 ވަނަ އަހަރު ވެސް ވޯލްޑް ކަޕް ބާއްވައިފަ އެވެ. މިފަހަރުގެ ވޯލްޑް ކަޕް ނިންމުމުގެ ރަސްމިއްޔާތަށް ވެސް ޓްރަމްޕް ވަނީ ވަޑައިގެންފައި އެވެ.
