އެމެރިކާގެ ހަމަލާތަކުގައި އީރާނުން 14 މީހުން މަރުވެ 78 ޒަޚަމް
9 ޖުލައި 2026 | ބުރާސްފަތި 09:39އެމެރިކާގެ ހަމަލާތަކުގައި ޒަޚަމްވި މީހުންގެ ތެރެއިން 47 މީހަކަށް އަދިވެސް ހޮސްޕިޓަލުގައި ފަރުވާދެމުންދާ ކަމަށް އީރާނުގެ ހެލްތު މިނިސްޓްރީން ވަނީ ހާމަކޮށްފައި.
2026 ވަނަ އަހަރުގެ މާރިޗު މަހުގެ 1 ވަނަ ދުވަހު ތެހެރާނަށް ދިން މިސައިލް ހަމަލާތަކާ ގުޅިގެން، އެ ސިޓީގެ މަތިން ދުންގަނޑު އަރަމުންދަނީ. | ގެޓީ އިމޭޖަސް
އިރާނަށް އަމާޒުކޮށް އެމެރިކާއިން ދެ ދުވަސް މަތިން ދިން ހަމަލާތަކުގައި 14 މީހުން މަރުވެ، 78 މީހުން ޒަޚަމްވެފައިވާ ކަމަށް ތެހެރާންގެ ހެލްތު މިނިސްޓްރީން ބުރާސްފަތި ދުވަހު ބުނެފި އެވެ.
އެ މިނިސްޓްރީގެ ޕަބްލިކް ރިލޭޝަންސްގެ އިސްވެރިޔާ ހުސައިން ކަރްމަންޕޫރު އެކްސްގައި ކުރެއްވި ޕޯސްޓެއްގައި ވިދާޅުވީ، މި ހަމަލާތަކުގައި ޒަޚަމްވި މީހުންގެ ތެރެއިން 47 މީހަކަށް އަދިވެސް ހޮސްޕިޓަލުގައި ފަރުވާދެމުންދާ ކަމަށެވެ. އަދި ބާކީ ތިބި މީހުންނަށް ބޭނުންވާ ސިއްހީ ފަރުވާ ދިނުމަށްފަހު މިހާރު ހޮސްޕިޓަލުން ދޫކޮށްލާފައިވާ ކަމަށްވެސް އޭނާ ވިދާޅުވި އެވެ.
