އެމެރިކާ އިން ދިން ހަމަލާތަކުގައި އީރާނުގެ އެއާފޯސް އަދި ނޭވީގެ ސިފައިންތަކެއް މަރުވެފައިވާ ކަމަށް އެ ގައުމުން ބުނެފި
އީރާނުގެ އަސްކަރިއްޔާއިން ބުނި ގޮތުގައި އެ ގައުމުގެ ސިފައިން މަރުވީ ދުޝްމަނުން ދިން ހަމަލާތަކުގައި ހަށިގަނޑަށް އަމާޒުވި ގޮވާތަކެތީގެ ސަބަބުން. މި ހަމަލާތަކާ ގުޅިގެން އީރާނުން ވަނީ އެންމެ ފަހު ނޭވާއާ ހަމައަށްވެސް ގައުމުގެ ދިފާއުގައި ސާބިތުކަމާއެކު ދެމިތިބޭނެ ކަމަށް ބުނެފައި.
އިރާނުގެ ދެކުނުގައި ހުރި އަސްކަރީ މަރުކަޒުތަކަކަށް ބުދަ ދުވަހުގެ ފަތިހުގެ ވަގުތެއްގައި އެމެރިކާއިން ދިން ހަމަލާތަކެއްގައި، އެ ގައުމުގެ އަސްކަރިއްޔާގެ އަށް މެންބަރަކު މަރުވެފައިވާ ކަމަށް އިރާނުގެ އަސްކަރިއްޔާއިން އިއުލާނުކޮށްފި. | އައި އާރް އެން އޭ
އެމެރިކާގެ އަސްކަރިއްޔާއިން އީރާނުގެ ދެކުނުގެ ސިޓީތައް ކަމަށްވާ ބަންދަރު އައްބާސް އަދި ބޫޝެހްރަށް ދިން "ޖިނާއީ ހަމަލާތަކުން" ދިފާއުވުމަށް ކުރި މަސައްކަތުގެ ތެރޭގައި، އެ ގައުމުގެ އެއާފޯސް އަދި ނޭވީގެ ސިފައިންތަކެއް މަރުވެފައިވާ ކަމަށް ބުދަ ދުވަހު އީރާނުގެ އަސްކަރިއްޔާ އިން ނެރުނު ބަޔާނެއްގައި ބުނެފި އެވެ.
އަސްކަރިއްޔާގެ ބަޔާނުގައި ވާގޮތުން، މި ސިފައިން މަރުވީ ދުޝްމަނުން ދިން ހަމަލާތަކުގައި އެމީހުންގެ ހަށިގަނޑަށް އަމާޒުވި ގޮވާތަކެތީގެ ސަބަބުންނެވެ.
އީރާނުގެ އަސްކަރިއްޔާއިން އިތުރަށް ބުނީ، "އެންމެ ފަހު ނޭވާއާ ހަމައަށްވެސް" ދުޝްމަނުންނާ ދެކޮޅަށް ސާބިތުކަމާއެކު ދެމިތިބޭނެ ކަމަށާއި، މަރުވި ސިފައިންގެ ބަދަލު ހިފާނެ ކަމަށް ވައުދުވާ ކަމަށެވެ.
އީރާނުގެ އަސްކަރިއްޔާ އިން ބުނެފައިވަނީ އެމެރިކާގެ ހަމަލާތަކުގައި 8 ސިފައިން މަރުވެފައިވާ ކަމަށެވެ.
މަސްދަރު: އިރްނާ
