އީރާނާއި އިރާގުގެ ވައިގެ ސަރަހައްދު ބޭނުން ނުކުރުމަށް ޔޫރަޕުން އިލްތިމާސްކޮށްފި
8 ޖުލައި 2026 | ބުދަ 08:03އީރާނާއި އިރާގުގެ ވައިގެ ސަރަހައްދު ބޭނުންނުކުރުމަށް ޔޫރަޕިއަން ޔޫނިއަން އޭވިއޭޝަން ސޭފްޓީ އެޖެންސީ (އީ.އޭ.އެސް.އޭ) އިން ނެރުނު އެންގުން އަންނަ އޮގަސްޓް މަހުގެ 31 ވަނަ ދުވަހުގެ ނިޔަލަށް ވަނީ އިތުރުކޮށްފައި.
ފްލައިޓްރޭޑާ24 ވެބްސައިޓުގެ މި ޕޭޖުން ފެންނަނީ އީރާނުގެ ވައިގެ ސަރަހައްދުގެ ވަށައިގެން ދަތުރުކުރަމުންދާ ކޮމާޝަލް ފްލައިޓްތަކުގެ މައުލޫމާތު. މިއީ 2024 އޮކްޓޫބަރު 26 ގައި ނަގާފައިވާ މަންޒަރެއް. | ގެޓީ އިމޭޖަސް
އީރާނާއި އިރާގު ހިމެނޭ ސަރަހައްދުގެ މަސްރަހު ނުތަނަވަސްވެ، އަސްކަރީ ކުރިމަތިލުންތަކެއް ހިނގައިފާނެ ކަމުގެ ބިރު އޮތުމާއެކު، އެ ދެ ގައުމުގެ ވައިގެ ސަރަހައްދު އެއާލައިންތަކުން ބޭނުން ނުކުރުމަށް ޔޫރަޕިއަން ޔޫނިއަން އޭވިއޭޝަން ސޭފްޓީ އެޖެންސީ (އީ.އޭ.އެސް.އޭ) އިން ބުދަ ދުވަހު އިލްތިމާސްކޮށްފި އެވެ.
އީ.އޭ.އެސް.އޭ އިން ނެރުނު ބުލެޓިންގައި ބުނެފައިވަނީ، އީރާނާއި އިރާގުގެ ވައިގެ ސަރަހައްދާ ގުޅޭގޮތުން ނެރުނު މި އެންގުން އަންނަ އޮގަސްޓް މަހުގެ 31 ވަނަ ދުވަހުގެ ނިޔަލަށް ދެމިއޮންނާނެ ކަމަށެވެ.
މި އެޖެންސީން މީގެ ކުރިން ނެރުނު ބުލެޓިންގައި ލުބުނާނުގެ ވައިގެ ސަރަހައްދު ވެސް ހިމަނާފައިވާއިރު، އެ ބުލެޓިންގެ މުއްދަތު މި ހިނގާ ބުދަ ދުވަހުގެ ނިޔަލަށް ހަމަވާނެ އެވެ.
